- Игини сыйлагъан адетди.
- «Ма», - дегенни билмесенг, «бер», - дегенни билмезсе.
- Мал ёлсе, сюек къалыр, адам ёлсе, иши къалыр.
- Ауузу бла къуш тута айланады.
- Эски джаугъа ышанма.
- Ишге юренсин къоллары, халкъ бла болсун джоллары.
- Байны оноуу, джарлыгъа джарамаз.
- Чомартны къолун джокълукъ байлар.
- Ашда – бёрю, ишде – ёлю.
- Тюкюрюк баш джармаз, налат кёз чыгъармаз!
- Къуллукъчума, деб махтанма, къуллукъ – хаух джамчыды!
- Аджалсыз ёлюм болмаз.
- Джюрекге ариу – кёзге да ариу.
- Ариу сёзде ауруу джокъ.
- Аман адам элни бир-бирине джау этер.
- Биреуню тёрюнден, кесинги эшик артынг игиди.
- Кёб ант этген, кёб ётюрюк айтыр.
- Чомарт бергенин айтмаз.
- Этим кетсе да, сюегим къалыр.
- Къызын тута билмеген, тул этер, джашын тута билмеген, къул этер.
- Минг тенг да азды, бир джау да кёбдю.
- Намысы болмагъанны, сыйы болмаз.
- Билим – акъылны чырагъы.
- Чомарт къолда мал къалмаз.
- Джашлыкъ этмеген, башлыкъ этмез.
- Тешигини къатында, чычхан да батыр болур.
- Джукъу тёшек сайламайды.
- Уясында не кёрсе, учханында аны этер.
- Эл ауузу – элек, анга ийнаннган – халек.
- Къонагъынгы артмагъын алма да, алгъышын ал.
- Экиндини кеч къылсанг, чабыб джетер ашхам.
- Къая джолда джортма, ачыкъ сёзден къоркъма.
- Нарт сёз къарт болмаз.
- Эки къатын алгъан – эки ташны ортасына башын салгъан.
- Аш кетер да бет къалыр.
- Эр абынмай, эл танымаз.
- Айраннга суу къош, телиге джол бош.
- Экеулен сёлеше тура эселе, орталарына барыб кирме.
- Ашыкъгъан cуу, тенгизге джетмез.
- Тюзлюк тас болмайды.
- Арбаз сайлама да, хоншу сайла.
- Нёгер болсанг, тенг бол, тенг болмасанг, кенг бол.
- Кийиминг бла танылма, адамлыкъ бла таныл.
- Окъугъан озар, окъумагъан тозар.
- Аш хазыр болса, иш харам болур.
- Этни бети бла шорпасы.
- Джарлы эскисин джамаса, къууаныр.
- Ичимден чыкъды хата, къайры барайым сата?
- Башланнган иш битер, къымылдагъан тиш тюшер.
- Адам къаллай бир ишленмесе, аллай бир кесин уллу кёреди.
