- Юй ишлеген балта эшикде къалыр.
- Келинин тута билмеген, къул этер, къызын тута билмеген, тул этер.
- Уруну арты – къуру.
- Тешик этген тынчды, аны джамагъан къыйынды.
- Ариуну – ауруу кёб.
- Зар адамны насыбы болмаз.
- Аман эсирсе, юйюн ояр.
- Бозаны арты дауур болур.
- Байны оноуу, джарлыгъа джарамаз.
- Къартны сыйын кёрмеген, къартлыгъында сыйлы болмаз.
- Кимни – тили, тиши онглу, кимни – къолу, иши онглу.
- Байма, деб да, къууанма, джарлыма, деб да, джылама.
- Кеси юйюмде мен да ханма.
- Аллахдан тилесенг, кёб тиле.
- Ишленмеген джаш – джюгенсиз ат, ишленмеген къыз – тузсуз хант.
- Уллу къашыкъ эрин джыртар.
- Ата Джуртуму башы болмасам да, босагъасында ташы болайым.
- Сёз сёзню айтдырыр.
- Къарнынг бла ёч алма.
- Къыз чыгъаргъан – къызыл къымжа.
- Аманны тукъумуна къарама, игини тукъумун сорма.
- Тик ёргени, тик энгишгеси да болады.
- Къуллукъчума, деб махтанма, къуллукъ – хаух джамчыды!
- Ёлюр джаннга, ёкюл джокъ.
- Къонагъы джокъну – шоху джокъ.
- Баргъанынга кёре болур келгенинг.
- Джарлыны тону джаз битер.
- Иги адам абынса да, джангылмаз.
- Айраннга суу къош, телиге джол бош.
- Халкъгъа джарагъан, джарлы къалмаз.
- Джылар джаш, атасыны сакъалы бла ойнар.
- Аз сёлеш, кёб ишле.
- Эки итни арасына сюек атма, эки адамны арасында сёз чыгъарма.
- Аманнга да, игиге да оноусуз къатышма.
- Бал ашаргъа сюе эсенг, чибин ургъаннга тёз.
- Ариу сёз джыланны орнундан чыгъарыр.
- Джаш къарыу бла кючлю, къарт акъыл бла кючлю.
- Эки къатын алгъанны къулагъы тынгнгаймаз.
- Эм уллу байлыкъ – джан саулукъ.
- Тура эдим джата, къайдан чыкъды хата?
- Кёлсюзден сёзсюз тууар.
- Келинни – келгинчи, бёркню кийгинчи кёр.
- Аджаллыгъа окъсуз шкок атылыр.
- Эл элде бирер малынг болгъандан эсе, бирер тенгинг болсун.
- Уллу суу бла уллу ауруудан башынгы сакъла.
- Къонакъ аман болса, къонакъбай джунчур
- Къаллай салам берсенг, аллай джууаб алырса.
- Юй кюйдю да, кюйюз чыкъды, ортасындан тюйюш чыкъды.
- Биреу ашаб къутулур, биреу джалаб тутулур.
- Ёлген ийнек сютлю болур.
