- Алим болгъандан эсе, адам болгъан къыйынды.
- Намысы болмагъанны, сыйы болмаз.
- Хазыр ашха – терен къашыкъ.
- Кёл – къызбай, къол – батыр.
- Арпа, будай – ащды, алтын, кюмюш а – ташды.
- Эрине къаргъыш этген къатын, эрнин къабар.
- Рысхы – насыбха къор.
- Тура эдим джата, къайдан чыкъды хата?
- Тил джюрекге джол ишлейди.
- Хаухну атма, ёнгкючню сатма.
- Билеги кючлю, бирни джыгъар, билими кючлю, мингни джыгъар.
- Джылар джаш, атасыны сакъалы бла ойнар.
- Орундукъ тюбюнде атылсам да, орта джиликме, де да айлан.
- Асхат ашлыкъ сата, юйдегиси ачдан къата.
- Къазанда болса, чолпугъа чыгъар.
- Уясында не кёрсе, учханында аны этер.
- Ач бёрюге мекям джокъ.
- Байны оноуу, джарлыгъа джарамаз.
- Тик ёргени, тик энгишгеси да болады.
- Ойнай билмеген, оюн бузар.
- Кёзню ачылгъаны – иги, ауузну джабылгъаны – иги.
- Къонакъ аз олтурур, кёб сынар.
- Агъач – джерни чырайы, кийим – эрни чырайы.
- Акъыллы – эл иеси, тели – эл баласы.
- Джарлы эскисин джамаса, къууаныр.
- Билим – акъылны чырагъы.
- Аз сёлешген, къайгъысыз турур.
- Тёзгеннге, джабылгъан эшик ачылыр.
- Кирсизни – саны таза, халалны – къаны таза.
- Чабакъ башындан чирийди.
- Эр сокъур болсун, къатын тилсиз болсун.
- Нарт сёз – тилни бети.
- Билим насыб берир, билим джолну керир.
- Юй ишлеген балта эшикде къалыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Джыланны къуйругъундан басарынг келсе, аны башы болгъанын унутма.
- Арбаз сайлама да, хоншу сайла.
- Аманны эки битли тону болур, бирин сеннге кийдирир, бирин кеси киер.
- Тай асырагъан, атха минер.
- Экеу тутушса, биреу джыгъылыр.
- Шапа кёб болса, аш татымсыз болур.
- Ата Джуртуму башы болмасам да, босагъасында ташы болайым.
- Бир онгсуз адам адет чыгъарды, деб эштирик тюлсе.
- Байлыкъ болгъан джерде, тынчлыкъ джокъду.
- Сууда джау джокъ, кёб сёзде магъана джокъ.
- Душманны тышы – акъ, ичи – къара.
- Намыс сатылыб алынмайды.
- Джырчы джырчыгъа – къарнаш.
- Кёзюнде тереги болгъан, чёбю болгъаннга кюле эди.
- Джети тилни билген джети кишиди.
