- Кёзюнде тереги болгъан, чёбю болгъаннга кюле эди.
- Къайгъыны сюйген, къайгъы табар.
- Кёб къычыргъандан – къоркъма, тынч олтургъандан – къоркъ.
- Адамны артындан къара сабан сюрме.
- Башланнган иш битер, къымылдагъан тиш тюшер.
- Сакъламагъан затынга джолукъсанг, не бек къууанаса, не бек ачыйса.
- Кютгени беш эчки, сызгъыргъаны уа, джерни джарады.
- Ариу – кёзге, акъыл – джюрекге.
- Ата Джуртун танымагъан, атасын да танымаз.
- Иги – алгъыш этер, аман – къаргъыш этер.
- Эринчекни эр алмаз, эр алса да, кёл салмаз, кёл салса да, кёб бармаз!
- Айранын берсенг, челегин да къызгъанма.
- Ушамагъан – джукъмаз.
- Ашына кёре табагъы, балына кёре къалагъы.
- Къатыны харакетли болса, эри къымсыз болур.
- Аш берме да, къаш бер.
- Кесинг сынамагъан затны, адамгъа буюрма.
- Айтылгъан буйрукъ, сёгюлмез
- Кёзню ачылгъаны – иги, ауузну джабылгъаны – иги.
- Ётюрюкню башын керти кесер.
- Нёгерсизни джолу узун.
- Биреуге аманлыкъны тилеме да, кесинге ашхылыкъны тиле.
- Адам къаллай бир ишленмесе, аллай бир кесин уллу кёреди.
- Тёгюлген тюгел джыйылмайды.
- Ичимден чыкъды хата, къайры барайым сата?
- Орундукъ тюбюнде атылсам да, орта джиликме, де да айлан.
- Биреу къой излей, биреу той излей.
- Кимни – тили, тиши онглу, кимни – къолу, иши онглу.
- Ана къойну – балагъа джандет.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къаллай салам берсенг, аллай джууаб алырса.
- Ач отунчуну ачыуу – бурнунда.
- Кийимни бир кюнню аясанг, минг кюннге джарар.
- Хансыз джомакъ болмаз.
- Ёзденликни джайгъан – джокълукъ.
- Адам туугъан джеринде, ит тойгъан джеринде.
- Уллу къашыкъ эрин джыртар.
- Ётген ёмюр – акъгъан суу.
- Суугъа – таянма, джаугъа – ийнанма.
- Тили узунну, намысы – къысха.
- Накъырда – кертини келечиси.
- Джарлы джети элни сёзюн этер.
- Акъылсызны джууукъгъа алма, акъыллыны кенгнге салма.
- Ауузу бла къуш тута айланады.
- Джырчы ёлсе, джыры къалыр.
- Джуртун къоругъан озар.
- Джюрек кёзден алгъа кёрюр.
- Терслик кетер, тюзлюк джетер.
- Юйлю уругъа ит чабмаз.
- Ургъан суудан башынгы сакъла.
Охраняет ли Папу Римского Господь Бог?
|
На Бога надейся, а к берегу греби.
 )))))))) |
|
|
|
|
)))))))))))))) |
|||
|
|
|
|
|||||
|
|
|
||||
Читают тему (гостей: 1)