- Бети – къучакълар, джюреги – бычакълар.
- Бюгюн дуния кибик, тамбла ахыратды.
- Билимден уллу байлыкъ джокъду.
- Биреуге аманлыкъ этиб, кесинге игилик табмазса.
- Акъыллы – эл иеси, тели – эл баласы.
- Ханы къызы буюгъа-буюгъа киштик болду.
- Уллу суу бла уллу ауруудан башынгы сакъла.
- Тёзгеннге, джабылгъан эшик ачылыр.
- Джырчы ёлсе, джыры къалыр.
- Тамбла алтындан бюгюн багъыр ашхы.
- Эл ауузу – элия.
- Бозаны арты дауур болур.
- Айтханы чапыракъдан ётмеген.
- Айтылгъан сёз ызына къайтмаз.
- Ариу сёз джыланны орнундан чыгъарыр.
- Айран ичген – къутулду, джугъусун джалагъан – тутулду.
- Къан бла кирген, джан бла чыгъар.
- Джаханимни кёрмей, джандетге кёл салмазса.
- Орундукъ тюбюнде атылсам да, орта джиликме, де да айлан.
- Джогъун бар этген, барын бал этген.
- Башынга джетмегенни сорма.
- Къатын къылыкъсыз, эр тынчлыкъсыз.
- Кёбге таш атма.
- Ашатыргъа иш – ашхы, ишлетирге аш – ашхы.
- Ишлегенде эринме, ишде чолакъ кёрюнме.
- Къонакъны къачан кетерин сорма, къачан келлигин сор.
- Нёгер болсанг, тенг бол, тенг болмасанг, кенг бол.
- Къая джолда джортма, ачыкъ сёзден къоркъма.
- Кёзню ачылгъаны – иги, ауузну джабылгъаны – иги.
- Къонагъынгы артмагъын алма да, алгъышын ал.
- Аджалсыз ёлюм болмаз.
- Суугъа – таянма, джаугъа – ийнанма.
- Тойгъандан сора, ашны сёкме.
- Мураты болгъанны джюрек тебюую башхады.
- Душманны тышы – акъ, ичи – къара.
- Тау башында, тау болмаз, джангыз терек, бау болмаз.
- Аякъларынгы джууургъанынга кёре узат.
- Ёлмесенг да, къарт дамы болмазса?
- Хантына кёре тузу, юйюне кёре къызы.
- Огъурлуну сёзю – суу, огъурсузну сёзю – уу.
- Насыб бютеу халкъны юлюшюдю.
- Хар сёзню орну барды.
- Аууздан келген, къолдан келсе, ким да патчах болур эди.
- Джырчы джырчыгъа – къарнаш.
- Кесинге джетмегенни, кёб сёлешме.
- Къарыусузгъа кюлме, онгсузгъа тийме.
- Джетген къыз джерли эшекни танымаз.
- Кёпюр салгъан кеси ётер, уру къазгъан кеси кетер.
- Ишни аллы бла къууанма да, арты бла къууан.
- Джолунга кёре – джюрюшюнг, джагъанга кёре – юлюшюнг.
Разница между испытанием и наказанием...
Читают тему (гостей: 1)

