Эл тойса, тоймагъан, эл къойса, къоймагъан.
Тюзню ётмеги тюзде къалса да, тас болмаз.
Тюзлюк тас болмайды.
Бал чибинни ургъаны – ачы, балы – татлы.
Ётюрюкню къуйругъу – бир тутум.
Джан саулукъ бермей, сан саулукъ бермезсе.
Ариу сёз – къылычдан джити.
Халкъгъа джарагъан, джарлы къалмаз.
Тойгъа барсанг, тоюб бар, эски тонунгу къоюб бар.
Джол бла сёзню къыйыры джокъ.
Джашда акъыл джокъ, къартда къарыу джокъ.
Кенгеш болса, уруш болмаз.
Ач келгенни – тойдур, кеч келгенни – къондур.
Окъдан джара эртде-кеч болса да бителир, сёз джара, ёмюрге къалыр.
Керти сёзге тёре джокъ.
Узун джолну барсанг, бюгюн келирсе, къысха джолну барсанг, тамбла келирсе.
Чёбню кёлтюрсенг, тюбюнден сёз чыгъар.
Кёз – сюйген джерде, къол – ауругъан джерде.
Этек чакъмакълары баш джаргъан, сёлешген сёзлери таш джаргъан.
Джашлыкъ этмеген, башлыкъ этмез.
Кёб къычыргъандан – къоркъма, тынч олтургъандан – къоркъ.
Тешик этген тынчды, аны джамагъан къыйынды.
Акъыллы эркиши атын махтар, акъылсыз эркиши къатынын махтар.
Джарашыу сюйген – джалынчакъ.
«Ёгюз, джаргъа джууукъ барма, меннге джюк боллукъса», - дегенди эшек.
Сакъламагъан затынга джолукъсанг, не бек къууанаса, не бек ачыйса.
Аман хансны – урлугъу кёб.
Джумушакъ терекни къурт ашар.
Ишни аллы бла къууанма да, арты бла къууан.
Аууз сакълагъан – джан сакълар.
Экеулен сёлеше тура эселе, орталарына барыб кирме.
Бек анасы джыламаз.
Къонагъы джокъну – шоху джокъ.
Тамырсыз терекге таянма – джыгъылырса.
Эл бла кёргенинг эрелей.
Айранын берсенг, челегин да къызгъанма.
Орундукъ тюбюнде атылсам да, орта джиликме, де да айлан.
Телиге акъыл салгъандан эсе, ёлгеннге джан салырса.
Иги джашны ышаны – аз сёлешиб, кёб тынгылар.
Джылыгъа джылан илешир.
Хар сёзню орну барды.
Чоюнну башы ачыкъ болса, итге уят керекди.
Биреу къой излей, биреу той излей.
Окъугъанны бети джарыкъ.
Айран тёгюлсе, джугъусу къалыр.
Эшекге миннген – биринчи айыб, андан джыгъылгъан – экинчи айыб.
Джашны джигитлиги сорулур, къызны джигерлиги сорулур.
Бичгенде ашыкъма, тикгенде ашыкъ.
Нафысынгы айтханын этме, намысынгы айтханын эт.
Джолунга кёре – джюрюшюнг, джагъанга кёре – юлюшюнг.
