- Иги сёз – джаннга азыкъ, аман сёз башха – къазыкъ.
- Ёлген аслан – сау чычхан.
- Насыб бютеу халкъны юлюшюдю.
- Къулакъдан эсе, кёзге ышан.
- Аууз сакълагъан – джан сакълар.
- Хар ишни да аллы къыйынды.
- Намысы джокъну – дуниясы джокъ.
- Юйюнгден чыкъдынг – кюнюнгден чыкъдынг.
- Джолда аягъынга сакъ бол, ушакъда тилинге сакъ бол.
- Ашарыкъда сайлагъаннга – чий гырджын.
- Къарнынг ауруса, ауузунгу тый
- Адам къаллай бир ишленмесе, аллай бир кесин уллу кёреди.
- Айтылгъан буйрукъ, сёгюлмез
- Мал тутхан – май джалар.
- Зар адамны насыбы болмаз.
- Ана – юйню кюн джарыгъы.
- Адамны джюреги нени кёрюрге сюйсе, кёзю да аны кёрюрге ёч болады.
- Къая джолда джортма, ачыкъ сёзден къоркъма.
- Ойнай билмеген, оюн бузар.
- Эте билген, этген этеди, эте билмеген, юретген этеди!
- Киштикге къанат битсе, чыпчыкъ къалмаз эди.
- Чёбню кёлтюрсенг, тюбюнден сёз чыгъар.
- Термилгенинги табмазса, кюлгенинге тюберсе.
- Окъдан джара эртде-кеч болса да бителир, сёз джара, ёмюрге къалыр.
- Къартны сыйын кёрмеген, къартлыгъында сыйлы болмаз.
- Тил – миллетни джаны.
- Къобан да къуру да къобханлай турмайды, адам да къуру да патчахлай турмайды.
- Туз, гырджын аша, тюзлюк бла джаша.
- Сагъыш – къартлыкъгъа сюйюмчю.
- Сибиртки да сыйлы болду, кюрек да кюнлю болду.
- Ичимден чыкъды хата, къайры барайым сата?
- Болджал ишни бёрю ашар.
- Аманны эки битли тону болур, бирин сеннге кийдирир, бирин кеси киер.
- Бичгенде ашыкъма, тикгенде ашыкъ.
- Билими азны – ауузунда кирит.
- Чыкълы кюнде чыкъмагъан, чыкъса къуру кирмеген.
- Таш ата билмеген, башына урур.
- Юй ишлеген балта эшикде къалыр.
- Гитче джилтин уллу элни джандырыр.
- Аш берме да, къаш бер.
- Мал кёб болса, джууукъ кёб болур.
- Азыгъы аз, алгъа къабар, аты аман, алгъа чабар.
- Къайгъыны сюйген, къайгъы табар.
- Босагъагъа джууукъ орун болса, ашыгъыб тёрге озма.
- Артына баргъанны, къатына барма.
- Ашхы сёз таш тешер.
- Къарыусузгъа кюлме, онгсузгъа тийме.
- Келлик заман – къартлыкъ келтирир, кетген заман – джашлыкъ ёлтюрюр.
- «Ма», - дегенни билмесенг, «бер», - дегенни билмезсе.
- Аман адам элни бир-бирине джау этер.
Национальный состав КЧР
Читают тему (гостей: 1)