- Тойгъа алгъа да барма, тойда артха да къалма.
- Ишленмеген джаш – джюгенсиз ат, ишленмеген къыз – тузсуз хант.
- Хаухну атма, ёнгкючню сатма.
- Баш – акъыл ючюн, акъылман – халкъ ючюн.
- Aдам боллукъ, сыфатындан белгили.
- Бети бедерден, намыс сакълама.
- Эринчекни аурууу – кёб.
- Ёнгкюч къууана барыр, джылай келир.
- Ашыкъгъан cуу, тенгизге джетмез.
- Ёксюзню тилеги къабыл болур.
- Сакъламагъан затынга джолукъсанг, не бек къууанаса, не бек ачыйса.
- Кёб къычыргъандан – къоркъма, тынч олтургъандан – къоркъ.
- Минг тенг да азды, бир джау да кёбдю.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Уллу сёлешме да, уллу къаб.
- Сагъышы джокъ – джукъучу, акъылы джокъ – къаугъачы.
- Намыс болмагъан джерде, насыб болмаз.
- Тешигини къатында, чычхан да батыр болур.
- Ариуну – ауруу кёб.
- Тилчиден кери бол.
- Къанны къан бла джуума, аманны аман бла къуума.
- Аууз сакълагъан – джан сакълар.
- Агъач халкъгъа алтынды, иссиликге салкъынды.
- Уллу атлама – абынырса, уллу къабма – къарылырса.
- Биреуге аманлыкъны тилеме да, кесинге ашхылыкъны тиле.
- Мал кёб болса, джууукъ кёб болур.
- Къызгъанчдан ычхыныр, мухардан ычхынмаз.
- Ургъан суудан башынгы сакъла.
- Къыз келсе, джумуш эте келеди, къатын келсе, ушакъ эте келеди.
- Асхат ашлыкъ сата, юйдегиси ачдан къата.
- Ашха уста, юйюнде болсун
- Ачылгъан эт джабылыр, кёрген кёз унутмаз.
- Окъуусуз билим – джокъ, билимсиз кюнюнг – джокъ.
- Эм уллу байлыкъ – джан саулукъ.
- Ойнай-ойнай кёз чыгъар.
- Тилчи тилден къаныкъмаз.
- Джети тилни билген джети кишиди.
- Бастасын ашагъан, хантусун да ичер.
- Адамны аты башхача, акъылы да башхады.
- Сабийликде юретмесенг, уллу болса – тюзелмез.
- Ётюрюк хапар аякъ тюбю бла джюрюйдю.
- Ач – эснер, ат – кишнер.
- Къонакъ хазыр болгъанлыкъгъа, къонакъбай хазыр тюлдю.
- Ушамагъан – джукъмаз.
- Къатын къылыкъсыз, эр тынчлыкъсыз.
- Бал чибинни ургъаны – ачы, балы – татлы.
- Урама да – ёледи, сатама да – келеди.
- Сютню башын джалагъан къутулур, тюбюн ичген тутулур.
- Арбаз сайлама да, хоншу сайла.
- Аууздан келген, къолдан келсе, ким да патчах болур эди.
Национальный состав КЧР
Читают тему (гостей: 1)