- Билимли ёлмез, билимсиз кёрмез.
- Кийимни бир кюнню аясанг, минг кюннге джарар.
- Керилген да, ургъан кибикди.
- Ётюрюкню къуйругъу – бир тутум.
- Эртде тургъан бла эртде юйленнген сокъуранмаз.
- Эркиши – от, тиширыу – суу.
- Сормай – алма, чакъырылмай – барма.
- Намысы джокъну – дуниясы джокъ.
- Мал кёб болса, джууукъ кёб болур.
- Элни кючю – эмеген.
- Ишге юренсин къоллары, халкъ бла болсун джоллары.
- Адамны артындан къара сабан сюрме.
- Суугъа – таянма, джаугъа – ийнанма.
- Бастасын ашагъан, хантусун да ичер.
- Акъыллы эркиши атын махтар, акъылсыз эркиши къатынын махтар.
- Насыб бютеу халкъны юлюшюдю.
- Бир абыннган – минг сюрюнюр.
- Дженгил джетерикме деб, узун джолну къоюб, къысхасын барма.
- Джарлыны тону джаз битер.
- Сабий болмагъан джерде, мёлек болмаз.
- Эки элинги тыйсанг, джети элде махталырса.
- Ариуну – ауруу кёб.
- Кирсизни – саны таза, халалны – къаны таза.
- Миллетни бойну – базыкъ, аны бла кюрешген – джазыкъ.
- «Ма», - дегенни билмесенг, «бер», - дегенни билмезсе.
- Сагъыш – къартлыкъгъа сюйюмчю.
- Азыкъ аз болса, эртде орун сал.
- Рысхы – сют юсюнде кёмюк кибикди.
- Акъыл сабырлыкъ берир.
- Халкъгъа джарагъан, джарлы къалмаз.
- Хатерли къул болур.
- Хар сёзню орну барды.
- Байлыкъ адамны сокъур этер.
- Огъурлуну сёзю – суу, огъурсузну сёзю – уу.
- Борчунг бар эсе, хурджунунга ойлаб узал.
- Адеб джокъда, намыс джокъ.
- Тойгъан джерге джети къайт.
- Къайтырыкъ эшигинги, къаты уруб чыкъма.
- Биреуню эскиси биреуге джангы болмайды.
- Арыгъан къош чамчы болур.
- Чыкълы кюнде чыкъмагъан, чыкъса къуру кирмеген.
- Ата джурт – алтын бешик.
- Ауругъаннга – кийик саулукъ, джетген къызгъа – чилле джаулукъ.
- Сыфатында болмагъаны, суратында болмаз.
- Эллинг бла джау болсанг да, юйюнг бла джау болма.
- Намыс сатылыб алынмайды.
- Аман къатын сабий табса, бий болур…
- Чомарт къолда мал къалмаз.
- Джылар джаш, атасыны сакъалы бла ойнар.
- Аджашханны ызындагъы кёреди, джангылгъанны джанындагъы биледи.
