- Эринчекни эр алмаз, эр алса да, кёл салмаз, кёл салса да, кёб бармаз!
- Ана къойну – балагъа джандет.
- Хата – гитчеден.
- Башынга джетмегенни сорма.
- Билим къая тешер.
- Адамгъа аман кюн соруб келмейди.
- Чабакъсыз кёлге къармакъ салгъанлыкъгъа, чабакъ тутмазса.
- Айырылмаз джууугъунга, унутмаз сёзню айтма.
- Баргъанынга кёре болур келгенинг.
- Къыйынлы джети элге оноу этер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Элни кючю – эмеген.
- Адебсиз адам – джюгенсиз ат.
- Аууз сакълагъан – джан сакълар.
- Ёзденликни кёбю ётюрюк.
- Адамны бетине къарама, адетине къара.
- Акъыллы айтыр эди, акъылсыз къоймайды.
- Мал кёб болса, джууукъ кёб болур.
- Кюл тюбюндеги от кёрюнмейди.
- Арбаз сайлама да, хоншу сайла.
- Адамны сабийин сюйген джюреги, бычакъча, джитиди.
- Къыз келсе, джумуш эте келеди, къатын келсе, ушакъ эте келеди.
- Аш кетер да бет къалыр.
- Джылыгъа джылан илешир.
- Юйюнгден чыкъдынг – кюнюнгден чыкъдынг.
- Джаш болсун, къыз болсун, акъылы, саны тюз болсун.
- Ёлген эшек бёрюден къоркъмайды.
- От кюйдюрген, сау болса да, тот кюйдюрген, сау болмаз.
- Тилчиден кери бол.
- Ишлерге уял да, ашаргъа табма.
- Келинин тута билмеген, къул этер, къызын тута билмеген, тул этер.
- Джашынгы кесинг юретмесенг, джашау юретир.
- Орну джокъну – сыйы джокъ.
- Къозулугъунда тоймагъан, къойлугъунда тоймаз.
- Алим болгъандан эсе, адам болгъан къыйынды.
- Айныгъанлы алты кюн, тогъайгъанлы тогъуз кюн.
- Байма, деб да, къууанма, джарлыма, деб да, джылама.
- Аман хансны – урлугъу кёб.
- Кёзден кетген, кёлден да кетеди.
- Уллу сёзде уят джокъ.
- Сютден ауузу кюйген, суугъа юфгюре эди.
- Бал – татлы, балдан да бала – татлы.
- Кийим тукъум сордурур.
- Ёнгкюч къууана барыр, джылай келир.
- Гугук кесини атын айтыб къычыргъанча, мен, мен деб нек тураса?
- Ёзденликни джайгъан – джокълукъ.
- Арыгъан къош чамчы болур.
- Эринчекге кюн узун.
- Чёбню кёлтюрсенг, тюбюнден сёз чыгъар.
- Таукел адам тау тешер.
