- Аллахдан тилесенг, кёб тиле.
- Бети бедерден, намыс сакълама.
- Чомарт джарлы болмаз.
- Кёз – сюйген джерде, къол – ауругъан джерде.
- Кюл тюбюндеги от кёрюнмейди.
- Кёзню ачылгъаны – иги, ауузну джабылгъаны – иги.
- Къаллай салам берсенг, аллай джууаб алырса.
- Аманнга игилик этсенг, юйюнге сау бармазса.
- Башы ишлегенни, ауузу да ишлер.
- Нарт сёз – тилни бети.
- Ётюрюкню къуйругъу – бир тутум.
- Къралынгы – душмандан, башынгы от бла суудан сакъла.
- Нёгер болсанг, тенг бол, тенг болмасанг, кенг бол.
- Аджалсыз ёлюм болмаз.
- Чабар ат – джетген къыз.
- Ашлыкъ – бюртюкден, джюн – тюкден.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къызны минг тилер, бир алыр.
- Аман адам элни бир-бирине джау этер.
- Аманны эки битли тону болур, бирин сеннге кийдирир, бирин кеси киер.
- Таш ата билмеген, башына урур.
- Джаз бир кюнню джатсанг, къыш талай кюнню абынырса.
- Бир абыннган – минг сюрюнюр.
- Къуллукъчума, деб махтанма, къуллукъ – хаух джамчыды!
- Уллу айтханны этмеген – уллаймаз.
- Айтхан сёзюне табылгъан.
- Ата – билек, ана – джюрек!
- Джюз элде джюз ёгюзюм болгъандан эсе, джюз джууугъум болсун.
- Урама да – ёледи, сатама да – келеди.
- Джашны джигитлиги сорулур, къызны джигерлиги сорулур.
- Алтыда кюлмеген, алтмышда кюлмез.
- Сескекли кесин билдирир.
- Нарт сёз къарт болмаз.
- Джан саулукъ бермей, сан саулукъ бермезсе.
- Гугурук къычырмаса да, тангны атары къалмаз.
- Келгинчи, къонакъ уялыр, келгенден сора, къонакъбай уялыр.
- Тилчи тилден къаныкъмаз.
- Чоюнну башы ачыкъ болса, итге уят керекди.
- Джаханимни кёрмей, джандетге кёл салмазса.
- Кёзюнде тереги болгъан, чёбю болгъаннга кюле эди.
- Джахил болса анасы, не билликди баласы?
- Эл элде бирер малынг болгъандан эсе, бирер тенгинг болсун.
- Туз, гырджын аша, тюзлюк бла джаша.
- Сакъламагъан затынга джолукъсанг, не бек къууанаса, не бек ачыйса.
- Къызбайны юйюне дери сюрсенг, батыр болур.
- Ичимден чыкъды хата, къайры барайым сата?
- Айран ичген – къутулду, джугъусун джалагъан – тутулду.
- Айраннга суу къош, телиге джол бош.
- Кёкдеги болмаса, джердегин кёрмейди.
- Насыблы элин сюер, насыбсыз кесин сюер.
Старый Форум [архив]
Название форума |
Темы | Сообщения | Обновление | |
|---|---|---|---|---|
|
с 23.05.2003 по 26.04.2006
|
3298 | 138164 |
23.03.2006 08:35:24
|
|
Сейчас на форуме (гостей: 169)
Сегодня отмечают день рождения (37), (38), (35), (34), (30), (42), (45), (36), (41), (42), (54), (41), (49), (38), (8), (31), (36), (37), (59), (47), (34), (31), (63), (66), (48), (29)
Всего зарегистрированных пользователей: 11666
Приняло участие в обсуждении: 2179
Всего тем: 3298
Всего сообщений: 138164