- Баланы адам этген анады.
- Къатын байлыкъны сюер, эр саулукъну сюер.
- Аманнга да, игиге да оноусуз къатышма.
- Окъугъан озар, окъумагъан тозар.
- Кийиминг бла танылма, адамлыкъ бла таныл.
- Болджал ишни бёрю ашар.
- Тойну къарнашы – харс, джырны къарнашы – эжиу.
- Киштикге къанат битсе, чыпчыкъ къалмаз эди.
- Тенгни тенглиги джашай барсанг билинир.
- Келлик заман – къартлыкъ келтирир, кетген заман – джашлыкъ ёлтюрюр.
- Суу кетер, таш къалыр.
- Чабакъгъа акъыл, табагъа тюшсе келеди.
- Биреуге аманлыкъны тилеме да, кесинге ашхылыкъны тиле.
- Ашарыкъда сайлагъаннга – чий гырджын.
- Къызны минг тилер, бир алыр.
- Ата – билек, ана – джюрек!
- Кёб джашагъан – кёб билир.
- Магъанасыз сёз – тауушсуз сыбызгъы.
- Аурууну келиую тынч, кетиую – къыйын.
- Джарлы тюеге минсе да, ит къабар.
- Минг тенг да азды, бир джау да кёбдю.
- Байлыкъ адамны сокъур этер.
- Адеб этмеген, адеб кёрмез.
- Сёлеш деб шай берген, тохта деб, сом берген.
- Накъырданы арты керти болур.
- Иги адамны бир сёзю эки болмаз.
- Булут кёкге джарашыу, уят бетге джарашыу.
- Кютгени беш эчки, сызгъыргъаны уа, джерни джарады.
- «Ёгюз, джаргъа джууукъ барма, меннге джюк боллукъса», - дегенди эшек.
- Иги адам абынса да, джангылмаз.
- Адам боллукъ, атламындан белгили болур.
- Адеб базарда сатылмаз.
- Ойнаб айтсанг да, эслеб айт.
- Эртде тургъан бла эртде юйленнген сокъуранмаз.
- Тамбла алтындан бюгюн багъыр ашхы.
- Келинин тута билмеген, къул этер, къызын тута билмеген, тул этер.
- Атадан ёксюз – бир ёксюз, анадан ёксюз – эки ёксюз.
- Айран ичген – къутулду, джугъусун джалагъан – тутулду.
- Алтыннга тот къонмаз.
- Иги – алгъыш этер, аман – къаргъыш этер.
- Кийимни бичсенг, кенг бич, тар этген къыйын тюлдю.
- Кёбню кёрген – кёб билир.
- Таула не мийик болсала да, аууш табылыр.
- Олтуруб кёрюнмей эди да, ёрге туруб кёрюне эди.
- Къарт айтханны этмеген, къартаймаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Сёз садакъдан кючлюдю.
- Къыз келсе, джумуш эте келеди, къатын келсе, ушакъ эте келеди.
- Аш берме да, къаш бер.
- Билим насыб берир, билим джолну керир.
КЧР-де НЕ БОЛА ТУРАДЫ?
|
http://new.09biz.ru/2010/03/27/zajavlenie-koordina cionnogo-soveta.html
Россияны президенти Д.А.Медведевге Россиияны президентини Администрация башчысы С.Е.Нарышкиннге Россияны президентини келечиси, Шимал Кавказ федерал округну башчысы А.Г. Хлопониннге Къарачай-Черкес республиканы президенти Б.С.Эбзеевге Къарачай-Черкес республиканы джамагъат организацияларыны Координацион Советини Заявлениеси Республикагъа 20 джылны бир миллетни адамлары башчылыкъ этгенлери туудургъан этнократия КЧР-ни экономикасын, джамагъат-сиясет турумун да катастрофа халгъа келтиргенди. Республикада миллетле арасы болумну, джамагъат-сиясет халны да иги джанына тюрлендирир ючюн бу ишлени этерге кереклиге санайбыз: 1. Федерал аралыкъ да къошулуб, Миллетле арасы комиссия къураргъа ? власт органлада республиканы къурагъан халкъланы келечилери тенг юлюшлю (паритет) болур ючюн. 2. 2010 джылны къачына паритет халда Парламент къураргъа ? республиканы къурагъан беш халкъдан бешишер депутат, башха халкъладан да беш депутат. Парламентни башчысыны да тёрт заместители болургъа ? республиканы къурагъан халкъладан биришер адам. 3. Джамагъат-сиясет турумну иги этер ючюн, энди джол президент оруслу болурун излейбиз. Къол салгъанла: ?Абаза? джамагъат организацияны Советини тамадасы М.А.Такушинов ?Адыгэ Хасэ? черкес организацияны Советини тамадасы М. Х.Черкесов ?Русь? орус организацияны Президиумуну тамадасы И.Н.Хохлачев ?Масис? эрмен организацияны тамадасы В.С. Алавердов ?Кали-архи? урумлу (грек) организацияны башчысы В. И. Кузнецов Черкесск шахарда ?Бирлик? ногъай организацияны тамадасы Ю.Б.Карасов ?ДЖАХАНИМНИ КЁРМЕГЕН ДЖАНДЕТГЕ КЁЛ САЛМАЗ? Бу ётюрюк къагъытны къурашдырыб, Россия Федерацияны президентине дери джазыб кюрешгенлеге башчылыкъ этген, бир да ажымсыз, ?Адыгэ Хасэ? черкес организацияны тамадаларыдыла. Республиканы къурагъан халкъланы организациялары бла къалмай, кеслерин кёбюрек, магъаналыракъ кёргюзтюр ючюн орус, эрмен, урум (грек) джамагъатланы башчыларын да тартхандыла бу кир ишге. Ала да не ангылаб къошулгъан эселе да. Ногъай организацияны башчысы да бу къагъытха къол салгъаны ? адам ийнанмазчады. Къарачай-Черкес республика экономика джаны бла хоншу республикаладан артха къалмайды. Джамагъат-сиясет турум а, Шимал Кавказда эм игиге саналады. Республикада халкъланы арасында тиклик, джаулукъ джокъду. Къарачай-Черкес республикагъа башчы бола келген къарачайлыла, ёз халкъларын юлюшсюз къоя, башха халкълагъа кёбюрек эс бёле келгендиле. Анга юлгюле келтирейик. 1990-чы джыллада ?Сюргюннге тюшген халкълагъа реабилитация этиу? закон чыкъгъандан сора, Борис Ельцин да Сталин къурутхан Къарачай областны ызына къайтарыуну хакъындан законопроектге къол салгъандан сора ? Къарачай энчи республика болургъа боллукъ эди. Къоймадыла! Кимле? Кесибизни башчыла. Къарачай- Черкес республиканы биринчи тамадасы Хубийланы Владимир. Къарачайны оноуун абазагъа, черкесге, орусха, ногъайгъа соргъан кибик этиб, ?бары да бирге джашайыкъ? дейдиле деб, Къарачайны энчи республика болурундан тыйдыла. Къарачай кеси энчи республика болса, бюгюннгю проблемала боллукъ тюл эдиле. Хубий улу орус къазакъланы да ?Реабилитация...? законнга киргизтди, беш халкъны да ? къарачайны, орусну, черкесни, абазаны, ногъайны ? субъект къурагъан, тенг халкъла этиб сирелди. Алай а, черкесни, абазаны, ногъайны бир-бирине къошсанг да, къарачай халкъны джарымы тенгли болмайдыла. Ёзге кърал къуллукъда ишлеген адамларыны саны бла къарачайлыла бла тенг болургъа излейдиле. 1990-чы джылланы аягъында КъЧР-де президент сайлаула болгъанларында ? анасы орус, атасы къарачай, аскер генерал Семенланы Владимир ажымсыз хорлады. Алай а, черкеслиле ?президент черкесли болургъа керекди? деб, ишни къазауатха джетдирирге аз къалдыла. Сайлаула болсала, 40 минг черкесли 200 минг къарачайлыны хорлаялмазлдыкълары хакъды. Аны ангылагъан черкеслиле, экинчи джол сайлаулада башха тактикагъа кёчдюле: къарачайлылада алагъа ишлерик кандидатны табыб, аны алгъа тюртдюле, къарачай халкъны экиге бёлдюле. Алай келди оноугъа Батдыланы Мустафа. Башбакан да черкесли болду. Мустафаны кёзюуюнде къуралдыла ёмюрде болмагъан Абаза эмда Ногъай миллет районла. Къарачайны джерини бир кесеги Абаза районнга берилди. Батды улуну президентлик болджалы бошалыргъа, Россияда халкъла кеслерине башчыны кеслери сайлау адет тохтады. Энди Россияны президенти теджейди миллет республикалагъа да тамадаланы. Алай келди Къарачай-Черкес республикъагъа президент болуб Эбзелени Борис ? Россияны Анаяса Махкемесини юеси. ?Мен ишге адамланы миллетликлерине неда меннге джууукъ джетгенлерине къараб саллыкъ тюлме. Ишлей билген, республиканы айныууна себеб болаллыкъ адамланы сайларыкъма къуллукълагъа?,- дейди Эбзе улу. Башбакан къуллукъгъа Кайшевни ? урум (грек) халкъны адамын салды. ?Башбакан черкесли болургъа керек эди, ол черкес орунду? деб, черкес миллет организацияла мурулдай, Эбзе улугъа, аны бла бирге къарачай халкъгъа да, хыршылана башладыла. Эбзе улу ?къуллукъчуланы миллетликлерине къараб, саллыкъ тюлме? десе да, сиясетин бираз джумшатды. Бусагъатда бакан къуллукъда ишлегенле: черкесден юч бакан, абазадан юч бакан, къарачайдан юч бакан. Парламентни башчысы да черкеслиди. Алай болса да, черкеси, абазасы да, аз санлы къауумла болгъанларына да къарамай, оноуда-къуллукъда кёбюрек орунлу болургъа излейдиле. Бюгюнннгю проблемаланы туудургъан ол затды. Черкеслиле 1957-чи джылдан бери да ? къарачай халкъ сюргюнден къайытханлы ? уллу къуллукълада ишлей, къарачайны къыйынын ашай юреннгендиле. 1957 джыл кърал къарачай халкъгъа буюргъан ачханы да кёбюсю черкес районлагъа, Черкесск шахаргъа джоюлуб кетгени документледе белгилиди. Бюгюнлеге дери алай бола келгенди. Энди ол зат тохтай тебрегени ? хукукчу Эбзе улу аллай затланы унарыкъ тюлдю ? бютюн да бек ачыуландырады черкес къауумну: аны ючюндю ?Адыгэ хасэ? башхаланы да кесине къошуб, хылымылы, ётюрюк тарыгъыу къагъытланы джарашдырыб, къралны этегинден башына дери джайыб кюрешгени. ?Биреу къатын келтире, биреу атын ёлтюре? деб, нарт сёз барды. Башха къауумланы джамагъат организациялары ?Адыгэ Хасэге? къошулгъанлары да сейирди. Башында кёргюзтгенибизча, Къарачай-Черкес республикада къалгъан ууакъ халкъла къарачай миллетни ышыгъында юлюшлю да, джюрюшлю да бола келгендиле. Ёзге ?джаханимни кёрмеген джандетге кёл салмаз? дегенлери тюз болур. Черкес оюнлагъа Къарачай да тёзюб турурму? Огъесе, 1926-чы джылдача, ?бий да болугъуз, юй да болугъуз кеси кесигиз бла? дебми тохтар? 40 минг черкес Къарачайдан айырылгъанлай, Орусну ичинде тас болуб кетерин биле болмазмы? Биледи, айрыллыкъ да тюлдю. Джалгъан дау чыгъарыб, уллу къуллукълагъа адамларын ётдюрюр дыгаласдан башха иннетлери джокъду. Ансы, 1990-чы джыллада Къарачай кеси бола тебрегенинде, черкеси, абазасы, ногъайы да ?бирге джашайыкъ? деб, Къарачайны джолун кесгенлерин унутмагъанбыз. Ала да унутхан болмазла. Алай эсе, хылымылы, кир, ётюрюк къагъытланы джазгъанны къоюб, джарашыб джашагъыз. Джашаялмай эсегиз а ? джол бла, закон бла айырылыгъыз да ? энчи эллеригизни къурагъыз да ? къууанч бла, насыб бла хайда джашагъыз. Аллах хар кимни иннетине кёре берликди насыбын да. АЗРЕТ-АЛИЙ КЕЧЕРУКЪ, "Джамагъат" демократ организацияны башчысы. http://www.kamatur.org/makaleler/genel/882-chnimni -kormgn-cndtg-kol-slmz |
|
|
|
|
Ответы
|
кто-нибудь может сказать,
каков национальный состав правительства КЧР? |
|
|
|
|
|
Где И.Алиев?
|
|
|
|
|
|
4 ? русские;4 ? карачаевцы;3 ? черкесы (в т. ч. премьер);3 ? абазины;2 ? ногайцы.
и где ущемление  |
|
|
|
|
|
хЫмм, джангы министрле этиб къуру хоншуларыбызны джыйыб турады да, сейир хапар..))
|
|
|
|
|
|
чет я тоже не вижу ущемления,ЭЛБИ-а есть у тебя та же инфа по кбр,имею в виду нац.состав председателя,заместителей и министров?спасибо.
|
|
|
|
|
|
Бостон
 |
|
|
|
|
|
Дина09
Где И.Алиев? Его нет. На его место назначен У. Узденов. |
|
|
|
|
|
Управление Федеральной Налоговой Службы по КЧР.
Руководитель Управления ФНС России по КЧР Руслан Олиевич Казаноков Заместители руководителя Управления ФНС России по КЧР Кунижева Людмила Анатольевна Найманова Светлана Махмудовна Черников Алексей Ильич МЕЖРАЙОННАЯ ИНСПЕКЦИЯ ФНС ПО КЧР ?1 Хазрет Дантесович Ниров Малокарачаевский район Усть-Джегутинский район МЕЖРАЙОННАЯ ИНСПЕКЦИЯ ФНС ПО КЧР ?2 начальник Анатолий Васильевич Кузнецов Зеленчукский район Урупский район МЕЖРАЙОННАЯ ИНСПЕКЦИЯ ФНС ПО КЧР ?3 начальник Роберт Мисарович Карабашев Прикубанский район МЕЖРАЙОННАЯ ИНСПЕКЦИЯ ФНС ПО КЧР ?4 начальник Зарема Рамазановна Кятова Адыге-Хабльский район Хабезский район МЕЖРАЙОННАЯ ИНСПЕКЦИЯ ФНС ПО КЧР ?5 начальник Башир Магомет-Салиевич Эльканов Карачаевский район итого: Черкесы Руководитель по КЧР 1 заместитель 2 начальника Межрайонных инспекций ( 4 района) Русские 1 заместитель 1 начальник Межрайонной инспекции ( 2 района) Карачаевцы 2 начальника Межрайонных инспекций ( 2 района) Ногайцы 1 заместитель http://www.r09.nalog.ru/ |
|
|
|
|
|
Elbiy
СУНШЕВ Ануарбий Абубович ? кабардинец из "окабардиневшихся"? |
|
|
|
|
|
Aybazullu
из "окабардиневшихся"? Знаю только, что из ?кабардинствующих?. |
|
|
|
|
|
есть эркеновы карачаевцы,есть кабардинцы и те и те произошли от ногайцев,точно так же и семеновы есть и кар.и каб. произошли от ингушей.
|
|
|
|
|
|
sambo55
Вот и сравнивайте, положение балкарцев в КБР и черкесов в КЧР.  |
|
|
|
|
Читают тему (гостей: 1)