- Къыйынлы джети элни къайгъысын этер.
- Бир онгсуз адам адет чыгъарды, деб эштирик тюлсе.
- Къонагъынгы артмагъын алма да, алгъышын ал.
- Нарт сёз къарт болмаз.
- Къыйынлы джети элге оноу этер.
- Байлыкъ болгъан джерде, тынчлыкъ джокъду.
- Игини сыйлагъан адетди.
- Шайтан алдады, тюзлюк къаргъады.
- Кенгеш болса, уруш болмаз.
- Иги – алгъыш этер, аман – къаргъыш этер.
- Тилчиден кери бол.
- Тёзгеннге, джабылгъан эшик ачылыр.
- Ауругъан – джашаудан умутчу.
- Къызын тута билмеген, тул этер, джашын тута билмеген, къул этер.
- Аманнга да, игиге да оноусуз къатышма.
- Ишге юренсин къоллары, халкъ бла болсун джоллары.
- Адамгъа аман кюн соруб келмейди.
- Кютгени беш эчки, сызгъыргъаны уа, джерни джарады.
- Тас болгъан бычакъны сабы – алтын.
- Билими азны – ауузунда кирит.
- Къызны минг тилер, бир алыр.
- Керилген да, ургъан кибикди.
- Ётюрюкден тюбю джокъ, кёлтюрюрге джиби джокъ.
- Джангыз терек къынгыр ёсер.
- Бермеген къол, алмайды.
- Билмезни кёзю кёрмез, этмезни къулагъы эшитмез.
- Биреуге аманлыкъ этиб, кесинге игилик табмазса.
- Джарлыны тону джаз битер.
- Биреуню къыйынлыгъы бла кесинге джол ишлеме.
- Тели турса – той бузар.
- Арпа, будай – ащды, алтын, кюмюш а – ташды.
- Юйюнг бла джау болгъандан эсе, элинг бла джау бол.
- Хантына кёре тузу, юйюне кёре къызы.
- Адебни адебсизден юрен.
- Ашхылыкъ джерде джатмайды, аманлыкъ суугъа батмайды.
- Тюзлюк тас болмайды.
- Ашыкъгъан cуу, тенгизге джетмез.
- «Ёгюз, джаргъа джууукъ барма, меннге джюк боллукъса», - дегенди эшек.
- Атлыны кёрсе, джаяуну буту талыр.
- Адам сёзге тынгыла, акъыл сёзню ангыла.
- Кёз – сюйген джерде, къол – ауругъан джерде.
- Урама да – ёледи, сатама да – келеди.
- Малны кют, джерни тюрт.
- Билгенни къолу къарны джандырыр.
- Адеб базарда сатылмаз.
- Джаным-тиним – окъуу, билим.
- Ач къалгъандан, кеч къалгъан къолай.
- Халкъны джырын джырласанг, халкъ санга эжиу этер.
- Къыз келсе, джумуш эте келеди, къатын келсе, ушакъ эте келеди.
- Адамны джюреги нени кёрюрге сюйсе, кёзю да аны кёрюрге ёч болады.
Бёлюмле :: Тематические разделы
| Темы | Сообщения | Обновление | ||
|---|---|---|---|---|
| 180 | 2462 |
15.03.2025 00:08:27
|
||
| 28 | 42 |
02.10.2015 17:30:19
|
||
| 12 | 127 |
30.12.2018 21:24:05
|
||
| 13 | 68 |
23.04.2014 18:43:43
|
||
| 13 | 165 |
09.12.2017 01:00:48
|
||
Сейчас на форуме (гостей: 169)
Сегодня отмечают день рождения (37), (38), (35), (34), (30), (42), (45), (36), (41), (42), (54), (41), (49), (38), (8), (31), (36), (37), (59), (47), (34), (31), (63), (66), (48), (29)
Всего зарегистрированных пользователей: 11666
Приняло участие в обсуждении: 2179
Всего тем: 246
Всего сообщений: 2864