- Ауругъаннга – кийик саулукъ, джетген къызгъа – чилле джаулукъ.
- Нафысынгы айтханын этме, намысынгы айтханын эт.
- Джумушакъ терекни къурт ашар.
- Башы ишлегенни, ауузу да ишлер.
- Орундукъ тюбюнде атылсам да, орта джиликме, де да айлан.
- Шекер бла туз – бир болмаз, ушамагъан – юй болмаз.
- Байлыкъдан саулукъ ашхыды.
- Ауругъанны сау билмез, ач къарынны токъ билмез.
- Къызны минг тилер, бир алыр.
- Ётюрюкню башын керти кесер.
- Уруну арты – къуру.
- Таш бла ургъанны, аш бла ур.
- Дуния аламаты сен эсенг да, игиме деб айтма.
- Суугъа – чабакъ, къаягъа – ыргъакъ.
- Бичгенде ашыкъма, тикгенде ашыкъ.
- Ач уят къоймаз.
- Нёгерсизни джолу узун.
- Тили узунну, намысы – къысха.
- Таукел адам тау тешер.
- Ойнай билмеген, уруб къачар.
- Билимден уллу байлыкъ джокъду.
- Иги бла джюрюсенг, джетерсе муратынга, аман бла джюрюсенг, къалырса уятха.
- Баш – акъыл ючюн, акъылман – халкъ ючюн.
- Бир абыннган – минг сюрюнюр.
- Акъдан къара болмаз.
- Суу кетер, таш къалыр.
- Джашда акъыл джокъ, къартда къарыу джокъ.
- Сибиртки да сыйлы болду, кюрек да кюнлю болду.
- Мал кёб болса, джууукъ кёб болур.
- Кютгени беш эчки, сызгъыргъаны уа, джерни джарады.
- Ёлген аслан – сау чычхан.
- Ачыу алгъа келсе, акъыл артха къалады.
- Сабийликде юретмесенг, уллу болса – тюзелмез.
- Узун джолну барсанг, бюгюн келирсе, къысха джолну барсанг, тамбла келирсе.
- Хатерли къул болур.
- Берекет берсин деген джерде, берекет болур.
- Атадан ёксюз – бир ёксюз, анадан ёксюз – эки ёксюз.
- Таш ата билмеген, башына урур.
- Минг тенг да азды, бир джау да кёбдю.
- Зар адам ашынгы ашар, кесинги сатар.
- Тюз сёз баргъан сууну тыяр.
- Тыш элде солтан болгъандан эсе, кесинги элде олтан болгъан игиди!
- Джарлыны тону джаз битер.
- Джырчы ёлсе, джыры къалыр.
- Къумурсхала джыйылсала, пилни да джыгъадыла.
- Джангыз торгъай джырламаз.
- Джыланны къуйругъундан басарынг келсе, аны башы болгъанын унутма.
- Къайгъыны сюйген, къайгъы табар.
- Адеб джокъда, намыс джокъ.
- Джарлыны эшигин махтагъан джабар.
Бёлюмле :: Тематические разделы
| Темы | Сообщения | Обновление | ||
|---|---|---|---|---|
| 180 | 2462 |
15.03.2025 00:08:27
|
||
| 28 | 42 |
02.10.2015 17:30:19
|
||
| 12 | 127 |
30.12.2018 21:24:05
|
||
| 13 | 68 |
23.04.2014 18:43:43
|
||
| 13 | 165 |
09.12.2017 01:00:48
|
||
Сейчас на форуме (гостей: 1054)
Сегодня отмечают день рождения (40), (34), (1978), (28), (13), (36), (28), (28), (11), (60), (46), (44), (38), (28), (15), (35), (15), (60), (64), (40), (49), (52), (30), (27)
Всего зарегистрированных пользователей: 11666
Приняло участие в обсуждении: 2179
Всего тем: 246
Всего сообщений: 2864