Атынг аманнга чыкъгъандан эсе, джанынг тамагъынгдан чыкъсын.
Нарт сёз – тилни бети.
Адеб этмеген, адеб кёрмез.
Алма терегинден кери кетмез.
Намыс сатылыб алынмайды.
Ёксюзню тилеги къабыл болур.
Эл тойса, тоймагъан, эл къойса, къоймагъан.
Тил – кесген бычакъ, сёз – атылгъан окъ.
Келлик заман – къартлыкъ келтирир, кетген заман – джашлыкъ ёлтюрюр.
Кёб къычыргъандан – къоркъма, тынч олтургъандан – къоркъ.
Чабар ат – джетген къыз.
Ачлыкъда тары гырджын халыуадан татлы.
Эркиши – от, тиширыу – суу.
Джеринден айырылгъан – джети джылар, джуртундан айырылгъан – ёлгюнчю джылар.
Сабийликде юретмесенг, уллу болса – тюзелмез.
Баш – акъыл ючюн, акъылман – халкъ ючюн.
Экиндини кеч къылсанг, чабыб джетер ашхам.
Джангыз терек къынгыр ёсер.
Татлы сёз – балдан татлы.
Терслик кетер, тюзлюк джетер.
Aдам боллукъ, сыфатындан белгили.
Ашын ашагъанынгы, башын да сыйла.
Ёлмесенг да, къарт дамы болмазса?
Къонакъ болсанг, ийнакъ бол.
Ойнай билмеген, оюн бузар.
Ашда – бёрю, ишде – ёлю.
Таш бла ургъанны, аш бла ур.
Тамбла алтындан бюгюн багъыр ашхы.
Ёгюзню мюйюзлери ауурлукъ этмейдиле.
Джумушакъ терекни къурт ашар.
Чабакъ башындан чирийди.
Игини сыйлагъан адетди.
Гугук кесини атын айтыб къычыргъанча, мен, мен деб нек тураса?
Гырджын – тепсини тамадасы.
Джаханимни кёрмей, джандетге кёл салмазса.
Кютгени беш эчки, сызгъыргъаны уа, джерни джарады.
Ётюрюкден тюбю джокъ, кёлтюрюрге джиби джокъ.
Зарда марда джокъ.
Таукел адам тау тешер.
Билим – акъылны чырагъы.
Иги болса, тамадама – махтау, аман болса, меннге – айыб.
Къанны къан бла джуума, аманны аман бла къуума.
Къралынгы – душмандан, башынгы от бла суудан сакъла.
Ишге юренсин къоллары, халкъ бла болсун джоллары.
Джолунга кёре – джюрюшюнг, джагъанга кёре – юлюшюнг.
Айтылгъан буйрукъ, сёгюлмез
Къайгъы тюбю – тенгиз.
Атлыны кёрсе, джаяуну буту талыр.
Тойгъан джерден туугъан джер игиди.
Тай асырагъан, атха минер.
