Эльбрусоид :: Форум :: Эркин сёз

Магъанасыз сёз – тауушсуз сыбызгъы.
Татлы тилде – сёз ариу, чемер къолда – иш ариу.
Джаханимни кёрмей, джандетге кёл салмазса.
Соргъан айыб тюлдю, билмеген айыбды.
Хатерли къул болур.
Къралынгы – душмандан, башынгы от бла суудан сакъла.
Этни да ашады, бетни да ашады.
Къайтырыкъ эшигинги, къаты уруб чыкъма.
Харам къарнашдан, халал тенг ашхы.
Ишлегенден, къарагъан уста.
Тау башында, тау болмаз, джангыз терек, бау болмаз.
Иги сеники эсе да, сюйген кесимикин этеме.
Адамны адамлыгъы къыйынлыкъда айгъакъланады.
Aдам боллукъ, сыфатындан белгили.
Ач да бол, токъ да бол – намысынга бек бол.
Хар адамгъа кеси миннген тау кибик.
Миллетни бойну – базыкъ, аны бла кюрешген – джазыкъ.
Адеби болмагъан къыз – тузсуз хант.
Келлик заман – къартлыкъ келтирир, кетген заман – джашлыкъ ёлтюрюр.
Биреуню тёрюнден, кесинги эшик артынг игиди.
Мураты болгъанны джюрек тебюую башхады.
Чакъырылмагъан къонакъ – орунсуз.
Башы джабылгъан челекге, кир тюшмез.
Кесине гебен этелмеген, биреуге черен эте эди.
Ашхы сёз таш тешер.
Эркиши – от, тиширыу – суу.
Сескекли кесин билдирир.
Ёлген эшек бёрюден къоркъмайды.
Ашыкъгъанны этеги бутуна чырмалыр.
Мен да «сен», дейме, сен да «кесим», дейсе.
Ашхы адам – халкъ байлыгъы, ашхы джер – джашау байлыгъы.
Кюл тюбюндеги от кёрюнмейди.
Джарлыны эшигин махтагъан джабар.
Адамны сабийин сюйген джюреги, бычакъча, джитиди.
Мухарны эси – ашарыкъда.
Хоншуну тауугъу къаз кёрюнюр, келини къыз кёрюнюр.
Адеб джокъда, намыс джокъ.
Байлыкъ келсе, акъыл кетер.
Агъач – джерни чырайы, кийим – эрни чырайы.
Къалгъан ишге къар джауар.
Билгенни къолу къарны джандырыр.
Къазанны башы ачыкъ болса, итге уят керекди.
Джаралыны джастыгъында сау ёлюр.
Эринчекге кюн узун.
Окъугъанны бети джарыкъ.
Таугъа чыгъаллыкъ эсенг, тюзде къалма.
Чакъырылмагъан джерге барма, чакъырылгъан джерден къалма.
Акъыллы – эл иеси, тели – эл баласы.
Экеу тутушса, биреу джыгъылыр.
Бети бедерден, намыс сакълама.

Логин:
Пароль:
	Запомнить меня на этом компьютере

Забыли свой пароль?
Регистрация