Эльбрусоид :: Форум :: Эркин сёз

Ариу сёз – къылычдан джити.
Борчунг бар эсе, хурджунунга ойлаб узал.
Акъыл аздырмаз, билим тоздурмаз.
Ач къалгъандан, кеч къалгъан къолай.
Акъыллы айтыр эди, акъылсыз къоймайды.
Ата Джуртуму башы болмасам да, босагъасында ташы болайым.
Чабакъгъа акъыл, табагъа тюшсе келеди.
Джарлыны эшигин махтагъан джабар.
Тёгюлген тюгел джыйылмайды.
Насыб бютеу халкъны юлюшюдю.
Ойнай билмеген, оюн бузар.
Къатын къылыкъсыз, эр тынчлыкъсыз.
Эркишиге тары кебек танг кёрюнюр.
Ачлыкъ отха секиртир.
Кенгеш болса, уруш болмаз.
Къаллай салам берсенг, аллай джууаб алырса.
Кёл – къызбай, къол – батыр.
Ана – юйню кюн джарыгъы.
Дуния мал дунияда къалады.
Татлы сёз – балдан татлы.
Ариу – кёзге, акъыл – джюрекге.
Къарнынг тойгъунчу аша да, белинг талгъынчы ишле.
Аманны эки битли тону болур, бирин сеннге кийдирир, бирин кеси киер.
Уясында не кёрсе, учханында аны этер.
Чакъырылмагъан къонакъ къачан кетерин сормаз.
Зар адам ашынгы ашар, кесинги сатар.
Босагъа таш юйге кирмей эди, тыбыр таш эшикге чыкъмай эди.
Къарт айтханны этмеген, къартаймаз.
Юй кюйдю да, кюйюз чыкъды, ортасындан тюйюш чыкъды.
Aдам боллукъ, сыфатындан белгили.
Ана кёлю – балада, бала кёлю – талада.
Арба аугъандан сора, джол кёргюзтюучю кёб болур.
Ач къарынны, токъ билмез
Сескекли кесин билдирир.
Ичимден чыкъды хата, къайры барайым сата?
Ауузу аманнга «иги», деме.
Башда акъыл болмаса, эки аякъгъа кюч джетер.
Алма терегинден кери кетмез.
Къатын байлыкъны сюер, эр саулукъну сюер.
Акъыл неден да кючлюдю.
Насыблы элин сюер, насыбсыз кесин сюер.
Мал ёлсе, сюек къалыр, адам ёлсе, иши къалыр.
Кёб джат да, бек чаб.
Къуллукъчума, деб махтанма, къуллукъ – хаух джамчыды!
Бюгюн дуния кибик, тамбла ахыратды.
Эшекге миннген – биринчи айыб, андан джыгъылгъан – экинчи айыб.
Чомарт джарлы болмаз.
Онгсузну – джакъла, тенгликни – сакъла.
Кёб ант этген, кёб ётюрюк айтыр.
Ариуну – ауруу кёб.

Логин:
Пароль:
	Запомнить меня на этом компьютере

Забыли свой пароль?
Регистрация