Рысхы – насыбха къор.
Ариу джол аджал келтирмез.
Халкъны джырын джырласанг, халкъ санга эжиу этер.
От кюйдюрген, сау болса да, тот кюйдюрген, сау болмаз.
Уллу сёзде уят джокъ.
Къонагъы джокъну – шоху джокъ.
Этек чакъмакълары баш джаргъан, сёлешген сёзлери таш джаргъан.
Халкъгъа джарагъан, джарлы къалмаз.
Тилчи бир сагъатха айлыкъ хата этер.
Эки къатын алгъан – эки ташны ортасына башын салгъан.
Джарлыны эшигин махтагъан джабар.
Тура эдим джата, къайдан чыкъды хата?
Намыс болмагъан джерде, насыб болмаз.
Аман эсирсе, юйюн ояр.
Тёрени джагъы джокъ.
Термилгенинги табмазса, кюлгенинге тюберсе.
Телини эшигин, махтау джабар.
Бёрю да ач къалмасын, эчки да ашалмасын.
Юре билмеген ит, къонакъ келтирир.
Битмегеннге сакъал – танг.
Адам сёзге тынгыла, акъыл сёзню ангыла.
Терек ауса, отунчу – кёб.
Айыбны суу бла джууалмазса.
Ёксюзню къалачы уллу кёрюнюр.
Мен да «сен», дейме, сен да «кесим», дейсе.
Келинни – келгинчи, бёркню кийгинчи кёр.
Сёз – кюмюш, джыр – алтын.
Адамны сыфатына къарама, сёзюне къара.
Адамны аты башхача, акъылы да башхады.
Арпа, будай – ащды, алтын, кюмюш а – ташды.
Айтылгъан буйрукъ, сёгюлмез
Терслик кетер, тюзлюк джетер.
Къыйынлы джети элни къайгъысын этер.
Кесинг сынамагъан затны, адамгъа буюрма.
Тин – байлыгъынг, терен саулугъунг.
Мухардан ач ычхынмаз.
Къонакъ хазыр болгъанлыкъгъа, къонакъбай хазыр тюлдю.
Кюн кёрмеген, кюн кёрсе, кюндюз чыракъ джандырыр.
Ачлыкъ отха секиртир.
Аджашхан тёгерек айланыр.
Ишлегенде эринме, ишде чолакъ кёрюнме.
Сагъышы джокъ – джукъучу, акъылы джокъ – къаугъачы.
Сабийни джумушха джибер да, ызындан бар.
Биреу ашаб къутулур, биреу джалаб тутулур.
Джан саулукъ бермей, сан саулукъ бермезсе.
Къыз чыгъаргъан – къызыл къымжа.
Ариу – кёзге, акъыл – джюрекге.
Айраннга суу къош, телиге джол бош.
Ашда – бёрю, ишде – ёлю.
Иги сёз – джаннга азыкъ, аман сёз башха – къазыкъ.
