Айранын берсенг, челегин да къызгъанма.
Дууулдаса – бал чибин, къонса – къара чибин.
Хар адамгъа кеси миннген тау кибик.
Мен да «сен», дейме, сен да «кесим», дейсе.
Таукелге нюр джауар.
Суугъа – таянма, джаугъа – ийнанма.
Хар ишни да аллы къыйынды.
Чакъырылмагъан къонакъ – орунсуз.
Огъурлуну сёзю – суу, огъурсузну сёзю – уу.
Таякъ этден ётер, тил сюекден ётер.
Термилгенинги табмазса, кюлгенинге тюберсе.
Ат да турмайды бир териде.
Ёгюзню мюйюзлери ауурлукъ этмейдиле.
Къайгъы тюбю – тенгиз.
Акъыллы башны – тили къысха.
Адамны аты башхача, акъылы да башхады.
Тойгъан антын унутур.
Уллу къашыкъ эрин джыртар.
Ата Джуртун танымагъан, атасын да танымаз.
Ёпкелегенни ашы татлы болады.
Аджал соруб келмез, келсе, къайтыб кетмез.
Тёзгеннге, джабылгъан эшик ачылыр.
Эшекни не къадар тюйсенг да, ат болмаз.
Акъыллы айтыр эди, акъылсыз къоймайды.
Ариу сёзде ауруу джокъ.
Урама да – ёледи, сатама да – келеди.
Окъугъан озар, окъумагъан тозар.
Джуртун къоругъан озар.
Болджал ишни бёрю ашар.
Кеси юйюмде мен да ханма.
Ачыу алгъа келсе, акъыл артха къалады.
Джеринден айырылгъан – джети джылар, джуртундан айырылгъан – ёлгюнчю джылар.
Таугъа чыгъаллыкъ эсенг, тюзде къалма.
Мухар, кеси тойса да, кёзю тоймаз.
Иги адам абынса да, джангылмаз.
Адамны адамлыгъы къыйынлыкъда айгъакъланады.
Атадан ёксюз – бир ёксюз, анадан ёксюз – эки ёксюз.
Нарт сёз къарт болмаз.
Тенгинг джокъ эсе – изле, бар эсе – сакъла!
Къарнынг ауруса, ауузунгу тый
Бек ашыкъгъан меннге джетсин, дегенди аракъы.
Къайгъыны сюйген, къайгъы табар.
Къарт айтханны этмеген, къартаймаз.
Аманнга игилик этсенг, юйюнге сау бармазса.
Джогъун бар этген, барын бал этген.
Уллу сёлешме да, уллу къаб.
Таула не мийик болсала да, аууш табылыр.
Чакъырылмагъан къонакъ къачан кетерин сормаз.
Эри аманны, къатыны – аман.
Ойнай билмеген, уруб къачар.
