Къызбайны юйюне дери сюрсенг, батыр болур.
Джылар джаш, атасыны сакъалы бла ойнар.
Халкъны юйю – туугъан джери.
Къарын къуру болса, джюрек уру болур.
Айтылгъан сёз ызына къайтмаз.
Аман хансны – урлугъу кёб.
Таукел тауну аудурур.
Джашда акъыл джокъ, къартда къарыу джокъ.
Тёзген – тёш ашар!
Ата – билек, ана – джюрек!
Экеулен сёлеше тура эселе, орталарына барыб кирме.
Зар адам ашынгы ашар, кесинги сатар.
Хатерли къул болур.
Джылыгъа джылан илешир.
Ишге юренсин къоллары, халкъ бла болсун джоллары.
Бир онгсуз адам адет чыгъарды, деб эштирик тюлсе.
Аллахдан тилесенг, кёб тиле.
Болджал ишни бёрю ашар.
Байлыкъ болгъан джерде, тынчлыкъ джокъду.
Бозаны арты дауур болур.
Ана кёлю – балада, бала кёлю – талада.
Тойгъа алгъа да барма, тойда артха да къалма.
Кёб джашагъан – кёб билир.
Ачлыкъда тары гырджын халыуадан татлы.
Ёгюзню мюйюзюнден тутадыла, адамны сёзюнден тутадыла.
Кёб ант этген, кёб ётюрюк айтыр.
Ёзденликни кёбю ётюрюк.
Чакъырылмагъан джерге барма, чакъырылгъан джерден къалма.
Шапа кёб болса, аш татымсыз болур.
Тилчиден кери бол.
Айыбны суу бла джууалмазса.
Къралынгы – душмандан, башынгы от бла суудан сакъла.
Хансыз джомакъ болмаз.
Нафысынгы айтханын этме, намысынгы айтханын эт.
Термилгенинги табмазса, кюлгенинге тюберсе.
Ким бла джюрюсенг, аны кёзю бла кёрюнюрсе.
Акъдан къара болмаз.
Къатыны харакетли болса, эри къымсыз болур.
Къартны бурнун сюрт да, оноугъа тут.
Бети – къучакълар, джюреги – бычакълар.
Къарт бла баш аша, джаш бла аякъ аша.
Терслик кетер, тюзлюк джетер.
Эри аманны, къатыны – аман.
Джаш болсун, къыз болсун, акъылы, саны тюз болсун.
Эрине къаргъыш этген къатын, эрнин къабар.
Ышармагъан – кюлмез, кюлмеген – къууанчны билмез.
Гырджын – тепсини тамадасы.
Джумушакъ сёз къаты таякъны сындырыр.
Къонакъ болсанг, ийнакъ бол.
Узун джолну барсанг, бюгюн келирсе, къысха джолну барсанг, тамбла келирсе.
