Эм ашхы къайын ана мамукъ бла башынгы тешер.
Аш кетер да бет къалыр.
Минг тенг да азды, бир джау да кёбдю.
Къартха ушагъан джаш – акъыллы, джашха ушагъан къарт – тели.
Иги болса, тамадама – махтау, аман болса, меннге – айыб.
Окъугъанны бети джарыкъ.
Кимни – тили, тиши онглу, кимни – къолу, иши онглу.
Хансыз джомакъ болмаз.
Уллу суу бла уллу ауруудан башынгы сакъла.
Узун джолну барсанг, бюгюн келирсе, къысха джолну барсанг, тамбла келирсе.
Адамны сыфатына къарама, сёзюне къара.
Аллахха ийнаннган кишини, Аллах онгдурур ишин.
Илму – джашауну джолу.
Мал ёлсе, сюек къалыр, адам ёлсе, иши къалыр.
Къонакъ хазыр болгъанлыкъгъа, къонакъбай хазыр тюлдю.
Тюзлюк шохлукъну бегитир.
Мени джылытмагъан кюн, меннге тиймесин!
Къыз чыгъаргъан – къызыл къымжа.
Юйюнг бла джау болгъандан эсе, элинг бла джау бол.
Телиге от эт десенг, юйюнге от салыр.
Тойгъан джерден туугъан джер игиди.
От этилмеген джерден тютюн чыкъмайды.
Рысхы – насыбха къор.
Ашлыкъ – бюртюкден, джюн – тюкден.
Кёл ашады да, кеси ашады.
Сескекли кесин билдирир.
Джангызны оту джарыкъ джанмаз!
Термилгенинги табмазса, кюлгенинге тюберсе.
Джылкъыдан – ат чыгъар, тукъумдан – джаш чыгъар.
Ауузу бла къуш тута айланады.
Терслик кетер, тюзлюк джетер.
Бети къызарыучу адамны, джюреги харам болмаз.
Билимли ёлмез, билимсиз кёрмез.
Ишлегенде эринме, ишде чолакъ кёрюнме.
Къыйынлы джети элге оноу этер.
Джаш къарыу бла кючлю, къарт акъыл бла кючлю.
Кёз – сюйген джерде, къол – ауругъан джерде.
Ата джурт – алтын бешик.
Нарт сёз къарт болмаз.
Аджалсыз ёлюм болмаз.
Къанны къан бла джуума, аманны аман бла къуума.
Билмегенинги, билгеннге сор.
Сабий кёргенин унутмаз.
Кёрмегеннге кебек – танг, битмегеннге сакъал – танг.
Айтылгъан буйрукъ, сёгюлмез
Сёз – кюмюш, джыр – алтын.
Кесинге джетмегенни, кёб сёлешме.
Сабыр джетер муратха, сабырсыз къалыр уятха.
Аш иеси бла татлыды.
Кёлсюзден сёзсюз тууар.
