Иги джашны ышаны – аз сёлешиб, кёб тынгылар.
Тюзлюк тас болмайды.
Джырына кёре эжиую.
Сёз садакъдан кючлюдю.
Кийимни бичсенг, кенг бич, тар этген къыйын тюлдю.
Биреуню къыйынлыгъы бла кесинге джол ишлеме.
Кёл – къызбай, къол – батыр.
Ауузу бла къуш тута айланады.
Къумурсхала джыйылсала, пилни да джыгъадыла.
Тил – кесген бычакъ, сёз – атылгъан окъ.
Ашха уста, юйюнде болсун
Аш кетер да бет къалыр.
Ашатыргъа иш – ашхы, ишлетирге аш – ашхы.
Тил – миллетни джаны.
Джарлы тюеге минсе да, ит къабар.
Ёгюзню мюйюзлери ауурлукъ этмейдиле.
Джаралыны джастыгъында сау ёлюр.
Къатын байлыкъны сюер, эр саулукъну сюер.
Мал ёлсе, сюек къалыр, адам ёлсе, иши къалыр.
Сабийликде юретмесенг, уллу болса – тюзелмез.
Эринчекни аурууу – кёб.
Юйлю уругъа ит чабмаз.
Татлы сёз – балдан татлы.
Къонакъ хазыр болгъанлыкъгъа, къонакъбай хазыр тюлдю.
Сютден ауузу кюйген, суугъа юфгюре эди.
Ариу джол аджал келтирмез.
Сыфатында болмагъаны, суратында болмаз.
Джашны джигитлиги сорулур, къызны джигерлиги сорулур.
Джангызны оту джарыкъ джанмаз!
Чомарт къолда мал къалмаз.
Ата Джуртча джер болмаз, туугъан элча эл болмаз.
Тил бла келеди джыр да.
Къралынгы – душмандан, башынгы от бла суудан сакъла.
Сууда джау джокъ, кёб сёзде магъана джокъ.
Айтханы чапыракъдан ётмеген.
Аз сёлешген, къайгъысыз турур.
Биреуге кёлтюрген таягъынг, кесинги башынга урур.
Гугурук къычырмаса да, тангны атары къалмаз.
Терек ауса, отунчу – кёб.
Тамырсыз терекге таянма – джыгъылырса.
Ишлегенде эринме, ишде чолакъ кёрюнме.
Этни да ашады, бетни да ашады.
Сютню башын джалагъан къутулур, тюбюн ичген тутулур.
Суугъа – чабакъ, къаягъа – ыргъакъ.
Айран ичген – къутулду, джугъусун джалагъан – тутулду.
Байны къызы баймакъ болса да, юйде къалмаз!
Джиби бир къат джетмей эди да, эки къат тарта эди.
Мухардан ач ычхынмаз.
Эрине къаргъыш этген къатын, эрнин къабар.
Биреу къой излей, биреу той излей.
