Чакъырылмагъан къонакъ къачан кетерин сормаз.
Тёзген – тёш ашар!
Къолунгдан къуймакъ ашатсанг да, атаны борчундан къутулмазса.
Аууз сакълагъан – джан сакълар.
Къралынгы – душмандан, башынгы от бла суудан сакъла.
Ашхы адам – халкъ байлыгъы, ашхы джер – джашау байлыгъы.
Хазыр ашха – терен къашыкъ.
Ёксюзню тилеги къабыл болур.
Билим къая тешер.
Ачыу алгъа келсе, акъыл артха къалады.
Ёксюзню къалачы уллу кёрюнюр.
Ёгюзню мюйюзюнден тутадыла, адамны сёзюнден тутадыла.
Тойгъан антын унутур.
Эм уллу байлыкъ – джан саулукъ.
Биреуге кёлтюрген таягъынг, кесинги башынга урур.
Эринчекни аурууу – кёб.
Кёлю джокъну – джолу джокъ.
Адам сёзге тынгыла, акъыл сёзню ангыла.
Урама да – ёледи, сатама да – келеди.
Ханы къызы буюгъа-буюгъа киштик болду.
Сабий кёргенин унутмаз.
Чыбыкълыкъда бюгюлмеген, къазыкълыкъда бюгюлмей эди.
Акъыл къартда, джашда тюйюлдю – башдады.
Аллахха ийнаннган кишини, Аллах онгдурур ишин.
Сагъыш – къартлыкъгъа сюйюмчю.
Аджалсыз ёлюм болмаз.
Къарт бла баш аша, джаш бла аякъ аша.
Ана къолу ачытмаз.
Джети тилни билген джети кишиди.
Айтхан сёзюне табылгъан.
Таукел къуру къалмаз.
Ашхы сёз таш тешер.
Къуру гыбыт бек дыгъырдар.
Хунаны тюбюн къазсанг, юсюнге ауар.
Аман адамны тепсинге олтуртсанг, къызынгы тилер.
Къонакъ аз олтурур, кёб сынар.
Джашны джигитлиги сорулур, къызны джигерлиги сорулур.
Байма, деб да, къууанма, джарлыма, деб да, джылама.
Эркишиге тары кебек танг кёрюнюр.
Тенгни тенглиги джашай барсанг билинир.
Байлыкъ болгъан джерде, тынчлыкъ джокъду.
Керек ташны ауурлугъу джокъ.
Берекет берсин деген джерде, берекет болур.
Акъыллы эркиши атын махтар, акъылсыз эркиши къатынын махтар.
Аууздан келген, къолдан келсе, ким да патчах болур эди.
Ишлемеген – тишлемез.
Ёпкелегенни ашы татлы болады.
Ата Джуртуму башы болмасам да, босагъасында ташы болайым.
Къатын къылыкъсыз, эр тынчлыкъсыз.
Эл тойса, тоймагъан, эл къойса, къоймагъан.
