Тулпарлыкъ, билекден тюл – джюрекден.
Адамны адамлыгъы къыйынлыкъда айгъакъланады.
Узун джолну барсанг, бюгюн келирсе, къысха джолну барсанг, тамбла келирсе.
Бетинги сатма, малынгы сат.
Окъугъанны бети джарыкъ.
Мураты болгъанны джюрек тебюую башхады.
«Ма», - дегенни билмесенг, «бер», - дегенни билмезсе.
Чомартны къолу берекет.
Танг атмайма десе да, кюн къоярыкъ тюйюлдю.
Бал чибинни ургъаны – ачы, балы – татлы.
Терслик кетер, тюзлюк джетер.
Ашыкъгъан cуу, тенгизге джетмез.
Адамны аманы адамны бети бла ойнар.
Айранын берсенг, челегин да къызгъанма.
Айран ичген – къутулду, джугъусун джалагъан – тутулду.
Бети къызарыучу адамны, джюреги харам болмаз.
Иши джокъну, сыйы джокъ.
Термилгенинги табмазса, кюлгенинге тюберсе.
Ат да турмайды бир териде.
Этни да ашады, бетни да ашады.
Ким бла джюрюсенг, аны кёзю бла кёрюнюрсе.
От этилмеген джерден тютюн чыкъмайды.
Къарнынг тойгъунчу аша да, белинг талгъынчы ишле.
Телини эшигин, махтау джабар.
Чомарт къолда мал къалмаз.
Тёрени джагъы джокъ.
Суу ичген шауданынга тюкюрме.
Шайтан алдады, тюзлюк къаргъады.
Кёбню кёрген – кёб билир.
Ишленмеклик адамлыкъды.
Суугъа – чабакъ, къаягъа – ыргъакъ.
Ашаса, ашамаса да, бёрюню ауузу – къан.
Ойнай-ойнай кёз чыгъар.
Ётюрюкню къуйругъу – бир тутум.
Терек ауса, отунчу – кёб.
Джаш болсун, къыз болсун, акъылы, саны тюз болсун.
Къонакъ кёб келюучю юйню, къазаны отдан тюшмез.
Хар зат кесини орнуна иги.
Аманны къуугъан, аманлыкъ табар.
Ариу джол аджал келтирмез.
Чакъырылмагъан къонакъ къачан кетерин сормаз.
Садакъачыны джаны – къапчыгъында.
Ауругъанны сау билмез, ач къарынны токъ билмез.
Джюрек кёзден алгъа кёрюр.
Ишлегенден, къарагъан уста.
Ёксюзню къалачы уллу кёрюнюр.
Ачыкъ джюрекге джол – ачыкъ.
Ашхылыкъ джерде джатмайды, аманлыкъ суугъа батмайды.
Хансыз джомакъ болмаз.
Чакъырылмагъан къонакъ тёрге атламаз.
