Игини сыйлагъан адетди.
Джуртун къоругъан озар.
Иги – алгъыш этер, аман – къаргъыш этер.
Аджал соруб келмез, келсе, къайтыб кетмез.
Уллу айтханны этмеген – уллаймаз.
Берекет берсин деген джерде, берекет болур.
Акъыл аздырмаз, билим тоздурмаз.
Баш болса, бёрк табылыр.
Ач келгенни – тойдур, кеч келгенни – къондур.
Татлы сёз – балдан татлы.
Биреуге кёлтюрген таягъынг, кесинги башынга урур.
Эм уллу байлыкъ – джан саулукъ.
Билеги кючлю, бирни джыгъар, билими кючлю, мингни джыгъар.
Ойнаб айтсанг да, эслеб айт.
Урунуу – насыбны анасы.
Ауурну тюбю бла, дженгилни башы бла джюрюген.
Ана – юйню кюн джарыгъы.
Билими азны – ауузунда кирит.
Дууулдаса – бал чибин, къонса – къара чибин.
Игиге айтсанг – билир, аманнга айтсанг – кюлюр.
Сабий болмагъан джерде, мёлек болмаз.
Джырына кёре эжиую.
Сакъ юйюне сау барыр.
Мураты болгъанны джюрек тебюую башхады.
Азыкълы ат арымаз, къатыны аман джарымаз.
Бюгюн дуния кибик, тамбла ахыратды.
Тас болгъан бычакъны сабы – алтын.
Ишге юренсин къоллары, халкъ бла болсун джоллары.
Къайгъыны сюйген, къайгъы табар.
Аш кетер да бет къалыр.
Кёзю сокъурдан – къоркъма, кёлю сокъурдан – къоркъ.
Иги адам абынса да, джангылмаз.
Тыш элде солтан болгъандан эсе, кесинги элде олтан болгъан игиди!
Эркишини аманы тиширыуну джылатыр.
Ёгюзню мюйюзюнден тутадыла, адамны сёзюнден тутадыла.
Ашхылыкъ джерде джатмайды, аманлыкъ суугъа батмайды.
Тюз сёз баргъан сууну тыяр.
Тойну къарнашы – харс, джырны къарнашы – эжиу.
Кечеси – аяз, кюню – къыш, джарлы къаргъагъа бир аш тюш!
Къызгъанчдан ычхыныр, мухардан ычхынмаз.
Таукел адам тау тешер.
Ётген ёмюр – акъгъан суу.
Сибиртки да сыйлы болду, кюрек да кюнлю болду.
Эринчекни эр алмаз, эр алса да, кёл салмаз, кёл салса да, кёб бармаз!
Тёрдеги кюлсе, эшикдеги ышарыр.
Ашлыкъны арба юйге келтирир, чана базаргъа элтир.
Хар зат кесини орнуна иги.
Тойчу джашха къарама, къойчу джашха къара.
Къарнынг ауруса, ауузунгу тый
Мадар болса, къадар болур.
