Джарлыны эшигин махтагъан джабар.
Тюзлюк шохлукъну бегитир.
Ач отунчуну ачыуу – бурнунда.
Джаным-тиним – окъуу, билим.
Бети бедерден, намыс сакълама.
Урама да – ёледи, сатама да – келеди.
Билимли ёлмез, билимсиз кёрмез.
Тёгюлген тюгел джыйылмайды.
Чомарт бергенин айтмаз.
Джиби бир къат джетмей эди да, эки къат тарта эди.
Тойгъандан сора, ашны сёкме.
Оюмсуз атлагъан, аджалсыз ёлюр.
Эки ойлашыб, бир сёлешген.
Келинни – келгинчи, бёркню кийгинчи кёр.
Арбаз сайлама да, хоншу сайла.
Уллу къашыкъ эрин джыртар.
Телиге акъыл салгъандан эсе, ёлгеннге джан салырса.
Ашхылыкъ джерде джатмайды, аманлыкъ суугъа батмайды.
Керти сёзге тёре джокъ.
Намысы болмагъанны, сыйы болмаз.
Тёрени джагъы джокъ.
Эрни эр этерик да, къара джер этерик да, тиширыуду.
Акъылсызны джууукъгъа алма, акъыллыны кенгнге салма.
Этни да ашады, бетни да ашады.
Эте билген, этген этеди, эте билмеген, юретген этеди!
Окъ къызбайны джокълайды.
Бозаны арты дауур болур.
Джашлыкъ этмеген, башлыкъ этмез.
Ач уят къоймаз.
Окъугъан – асыу, окъумагъан – джарсыу.
Кёл ашады да, кеси ашады.
Къазанны башы ачыкъ болса, итге уят керекди.
Игилик игилик бла сингдирилиучю затды.
Эркиши – от, тиширыу – суу.
Бермеген къол, алмайды.
Джеринден айырылгъан – джети джылар, джуртундан айырылгъан – ёлгюнчю джылар.
Ачлыкъ отха секиртир.
Ётюрюкню къуйругъу – бир тутум.
Аз сёлеш, кёб ишле.
Баш – акъыл ючюн, акъылман – халкъ ючюн.
Мени джылытмагъан кюн, меннге тиймесин!
Адеб базарда сатылмаз.
Тюкюрюк баш джармаз, налат кёз чыгъармаз!
Чакъырылмай келген къонакъ сыйланмай кетер.
Ханнга да келеди хариблик.
Джылыгъа джылан илешир.
Эли джокъну – кёлю джокъ.
Урунуу – насыбны анасы.
Къазанчы аман болса, къазаны къайнамаз.
Чыкълы кюнде чыкъмагъан, чыкъса къуру кирмеген.
