Ёлген ийнек сютлю болур.
Ауузу бла къуш тута айланады.
Телини эшигин, махтау джабар.
Хазыр ашха – терен къашыкъ.
Баланы адам этген анады.
Билимсиз иш бармаз.
Байны оноуу, джарлыгъа джарамаз.
Къаллай салам берсенг, аллай джууаб алырса.
Бичгенде ашыкъма, тикгенде ашыкъ.
Гырджын – тепсини тамадасы.
Къызын тута билмеген, тул этер, джашын тута билмеген, къул этер.
Таукел къуру къалмаз.
Къазанчы аман болса, къазаны къайнамаз.
Джогъун бар этген, барын бал этген.
Эр абынмай, эл танымаз.
Аджал соруб келмез, келсе, къайтыб кетмез.
Эринчекни эр алмаз, эр алса да, кёл салмаз, кёл салса да, кёб бармаз!
Накъырда – кертини келечиси.
Кёбню кёрген – кёб билир.
Зар адам ашынгы ашар, кесинги сатар.
Адам сёзюнден белгили.
Арбаз сайлама да, хоншу сайла.
Тилчи тилден къаныкъмаз.
Кёкдеги болмаса, джердегин кёрмейди.
Тюкюрюк баш джармаз, налат кёз чыгъармаз!
Атлыны ашхысы, ат тизгининден билинир
Кёл – къызбай, къол – батыр.
Шайтан алдады, тюзлюк къаргъады.
Къайгъыны сюйген, къайгъы табар.
Ургъан суудан башынгы сакъла.
Ашарыкъда сайлагъаннга – чий гырджын.
Мухар, кеси тойса да, кёзю тоймаз.
Джолда аягъынга сакъ бол, ушакъда тилинге сакъ бол.
Джашынгы кесинг юретмесенг, джашау юретир.
Сёз сёзню айтдырыр.
Кёб джашагъан – кёб билир.
Къартны бурнун сюрт да, оноугъа тут.
Таугъа чыгъаллыкъ эсенг, тюзде къалма.
Джюрек кёзден алгъа кёрюр.
Керти сёзге тёре джокъ.
Адамны адамлыгъы къыйынлыкъда айгъакъланады.
Ёмюрлюк шохлукъну джел элтмез.
Ёзденликни джайгъан – джокълукъ.
Окъ къызбайны джокълайды.
Ата Джуртча джер болмаз, туугъан элча эл болмаз.
Ханы къызы буюгъа-буюгъа киштик болду.
Эки къатын алгъанны къулагъы тынгнгаймаз.
Берекет берсин деген джерде, берекет болур.
Ашхы – джыяр, аман – джояр.
Сангырау къулакъ эл бузар.
