Къартны бурнун сюрт да, оноугъа тут.
Туз, гырджын аша, тюзлюк бла джаша.
Огъурлуну сёзю – суу, огъурсузну сёзю – уу.
Эл тойса, тоймагъан, эл къойса, къоймагъан.
Ёнгкюч къууана барыр, джылай келир.
Кёрмегеннге кебек – танг, битмегеннге сакъал – танг.
Кюлме джашха – келир башха.
Эринчекни эр алмаз, эр алса да, кёл салмаз, кёл салса да, кёб бармаз!
Эл элде бирер малынг болгъандан эсе, бирер тенгинг болсун.
Къарны аманнга къазан такъдырма, къолу аманнга от джакъдырма.
Ашын ашагъанынгы, башын да сыйла.
Адебни адебсизден юрен.
Аманнга да, игиге да оноусуз къатышма.
Дууулдаса – бал чибин, къонса – къара чибин.
Байлыкъдан саулукъ ашхыды.
Бал – татлы, балдан да бала – татлы.
Адамны аты башхача, акъылы да башхады.
Кийиминг бла танылма, адамлыкъ бла таныл.
Аман адам этегингден тутса, кес да къач.
Адамны сыфатына къарама, сёзюне къара.
Къуллукъчума, деб махтанма, къуллукъ – хаух джамчыды!
Тойгъа алгъа да барма, тойда артха да къалма.
Башсыз урчукъ тюзюне айланмаз.
Джылар джаш, атасыны сакъалы бла ойнар.
Арба аугъандан сора, джол кёргюзтюучю кёб болур.
Адам къыйынлыгъын кёлтюрюр, зауукълугъун кёлтюрмез.
Илму – джашауну джолу.
Бойнуму джети джерден кессенг да, мен ол ишни этеллик тюлме.
Ишлемеген – тишлемез.
Акъыл сабырлыкъ берир.
Миллетни бойну – базыкъ, аны бла кюрешген – джазыкъ.
Тенгинг джокъ эсе – изле, бар эсе – сакъла!
Эркиши – от, тиширыу – суу.
Ашда уялгъан – мухар, ишде уялгъан – хомух.
Элге къуллукъ этмеген, элге ие болмаз.
Джарлы эскисин джамаса, къууаныр.
Бек анасы джыламаз.
Эки элинги тыйсанг, джети элде махталырса.
Иги – алгъыш этер, аман – къаргъыш этер.
Чёбню кёлтюрсенг, тюбюнден сёз чыгъар.
Адебсиз адам – джюгенсиз ат.
Джарлыны эшигин махтагъан джабар.
Тынгылагъан тынгы бузар.
Накъырданы арты керти болур.
Аз айтсам, кёб ангылагъыз.
Джан саулукъ бермей, сан саулукъ бермезсе.
Окъ къызбайны джокълайды.
Ётюрюкню къуйругъу – бир тутум.
Гитче джилтин уллу элни джандырыр.
Ашхы болсанг, атынг чыгъар, аман болсанг, джанынг чыгъар.
