Эринчекни эр алмаз, эр алса да, кёл салмаз, кёл салса да, кёб бармаз!
Тойгъа барсанг, тоюб бар, эски тонунгу къоюб бар.
Аш берме да, къаш бер.
Джети тилни билген джети кишиди.
Ана къойну – балагъа джандет.
Аман къатын сабий табса, бий болур…
Татлы тилде – сёз ариу, чемер къолда – иш ариу.
Ётюрюкню къуйругъу – бир тутум.
Ишин билген, аны сыйын чыгъарады.
Адамны бетине къарама, адетине къара.
Байма, деб да, къууанма, джарлыма, деб да, джылама.
Ойнай билмеген, уруб къачар.
Иги адам абынса да, джангылмаз.
Ётюрюкню башын керти кесер.
Нафысынгы айтханын этме, намысынгы айтханын эт.
Кёлсюзден сёзсюз тууар.
Къартха ушагъан джаш – акъыллы, джашха ушагъан къарт – тели.
Кенгеш болса, уруш болмаз.
Рысхы – сют юсюнде кёмюк кибикди.
Аман эсирсе, юйюн ояр.
Ушамагъан – джукъмаз.
Ётюрюкден тюбю джокъ, кёлтюрюрге джиби джокъ.
Атлыны ашхысы, ат тизгининден билинир
Ишлемеген – тишлемез.
Тынгылагъан тынгы бузар.
Сууда джау джокъ, кёб сёзде магъана джокъ.
Иесиз малны бёрю ашар.
Дууулдаса – бал чибин, къонса – къара чибин.
Терек ауса, отунчу – кёб.
Къонакъ кёб келюучю юйню, къазаны отдан тюшмез.
Джашны джигитлиги сорулур, къызны джигерлиги сорулур.
Акъыллы айтыр эди, акъылсыз къоймайды.
Чомарт къолда мал къалмаз.
Уясында не кёрсе, учханында аны этер.
Ауругъаннга – кийик саулукъ, джетген къызгъа – чилле джаулукъ.
От этилмеген джерден тютюн чыкъмайды.
Джаным-тиним – окъуу, билим.
Кёб джат да, бек чаб.
Кийим тукъум сордурур.
Чакъырылмай келген къонакъ сыйланмай кетер.
Тюзлюк тас болмайды.
Байлыкъ келсе, акъыл кетер.
Чёбню кёлтюрсенг, тюбюнден сёз чыгъар.
Ёгюзню мюйюзюнден тутадыла, адамны сёзюнден тутадыла.
Джумушакъ терекни къурт ашар.
Эки къатын алгъан – эки ташны ортасына башын салгъан.
Агъач халкъгъа алтынды, иссиликге салкъынды.
Телиге от эт десенг, юйюнге от салыр.
Биреуню къыйынлыгъы бла кесинге джол ишлеме.
Ата Джуртун танымагъан, атасын да танымаз.
