Чыкълы кюнде чыкъмагъан, чыкъса къуру кирмеген.
Ашхы адам – халкъ байлыгъы, ашхы джер – джашау байлыгъы.
Къарыусузгъа кюлме, онгсузгъа тийме.
Къыз келсе, джумуш эте келеди, къатын келсе, ушакъ эте келеди.
Тура эдим джата, къайдан чыкъды хата?
Ачылгъан эт джабылыр, кёрген кёз унутмаз.
Айтхан – тынч, этген – къыйын.
Адам туугъан джеринде, ит тойгъан джеринде.
Джюрекге ариу – кёзге да ариу.
Сакъалы текени да бар, мыйыгъы киштикни да бар.
Акъыллы эркиши атын махтар, акъылсыз эркиши къатынын махтар.
Ариу сёз – джаннга азыкъ, аман сёз – башха къазыкъ.
Кесинге джетмегенни, кёб сёлешме.
Этек чакъмакълары баш джаргъан, сёлешген сёзлери таш джаргъан.
Уллу сёлешме да, уллу къаб.
Къыйынлы джети элге оноу этер.
Тюкюрюк баш джармаз, налат кёз чыгъармаз!
Айырылмаз джууугъунга, унутмаз сёзню айтма.
Ариу сёз джыланны орнундан чыгъарыр.
Айтылгъан буйрукъ, сёгюлмез
Тау башында, тау болмаз, джангыз терек, бау болмаз.
Аман къатын алгъан, арыр, иги къатын алгъан джарыр.
Мал кёб болса, джууукъ кёб болур.
Чабакъсыз кёлге къармакъ салгъанлыкъгъа, чабакъ тутмазса.
Къатын байлыкъны сюер, эр саулукъну сюер.
Къонагъынгы артмагъын алма да, алгъышын ал.
Мухарны эси – ашарыкъда.
Айтылгъан сёз ызына къайтмаз.
Эл ауузу – элек, анга ийнаннган – халек.
Нёгер болсанг, тенг бол, тенг болмасанг, кенг бол.
Мени джылытмагъан кюн, меннге тиймесин!
Окъугъан – асыу, окъумагъан – джарсыу.
Къыз чыгъаргъан – къызыл къымжа.
Игилик игилик бла сингдирилиучю затды.
Ётюрюкден тюбю джокъ, кёлтюрюрге джиби джокъ.
Джан саулукъ бермей, сан саулукъ бермезсе.
Бети къызарыучу адамны, джюреги харам болмаз.
Кёб къычыргъандан – къоркъма, тынч олтургъандан – къоркъ.
Кёбге таш атма.
Атынг аманнга чыкъгъандан эсе, джанынг тамагъынгдан чыкъсын.
Эллинг бла джау болсанг да, юйюнг бла джау болма.
Алтыда кюлмеген, алтмышда кюлмез.
Битмегеннге сакъал – танг.
Дуния малгъа сатылма, кесингден телиге къатылма.
Джыланны къуйругъундан басарынг келсе, аны башы болгъанын унутма.
Чомарт къонакъ юй иесин сыйлар.
Гырджын – тепсини тамадасы.
Мухар, кеси тойса да, кёзю тоймаз.
Тойну къарнашы – харс, джырны къарнашы – эжиу.
Ауругъаннга – кийик саулукъ, джетген къызгъа – чилле джаулукъ.
