Ишленмеген джаш – джюгенсиз ат, ишленмеген къыз – тузсуз хант.
Эли джокъну – кёлю джокъ.
Башы джабылгъан челекге, кир тюшмез.
Урунуу – насыбны анасы.
Аман адам этегингден тутса, кес да къач.
Ишин билген, аны сыйын чыгъарады.
Джарашыу сюйген – джалынчакъ.
Асхат ашлыкъ сата, юйдегиси ачдан къата.
Эринчекни аурууу – кёб.
Байдан умут эте, джарлыдан ёгюз багъасы къорады.
От этилмеген джерден тютюн чыкъмайды.
Уллу къашыкъ эрин джыртар.
Сютню башын джалагъан къутулур, тюбюн ичген тутулур.
Къатын байлыкъны сюер, эр саулукъну сюер.
Бир абыннган – минг сюрюнюр.
Керилген да, ургъан кибикди.
Босагъа таш юйге кирмей эди, тыбыр таш эшикге чыкъмай эди.
Тёрени джагъы джокъ.
Эринчекге кюн узун.
Эллинг бла джау болсанг да, юйюнг бла джау болма.
Къонакъ кёб келюучю юйню, къазаны отдан тюшмез.
Туз, гырджын аша, тюзлюк бла джаша.
Ишленмеклик адамлыкъды.
Ана къойну – балагъа джандет.
Джангыз терек къынгыр ёсер.
Илму – джашауну джолу.
Ётген ёмюр – акъгъан суу.
Сютден ауузу кюйген, суугъа юфгюре эди.
Атлыны ашхысы, ат тизгининден билинир
Ауурну тюбю бла, дженгилни башы бла джюрюген.
Адам боллукъ, атламындан белгили болур.
Орну джокъну – сыйы джокъ.
Биреу ашаб къутулур, биреу джалаб тутулур.
Къуру гыбыт бек дыгъырдар.
Адамны адамлыгъы къыйынлыкъда айгъакъланады.
Адамгъа аман кюн соруб келмейди.
Сыфатында болмагъаны, суратында болмаз.
Шайтан алдады, тюзлюк къаргъады.
Ойнаб айтсанг да, эслеб айт.
Къыйынлы джети элге оноу этер.
Ёлюр джаннга, ёкюл джокъ.
Джыйырма къойну юч джыйырма эбзе кюте эди.
Къыз тиширыу кеси юйюнде да къонакъды.
Накъырданы арты керти болур.
Аджаллыгъа окъсуз шкок атылыр.
Гугурук къычырмаса да, тангны атары къалмаз.
Келинин тута билмеген, къул этер, къызын тута билмеген, тул этер.
Джырына кёре эжиую.
Къазанда болса, чолпугъа чыгъар.
Садакъачыны джаны – къапчыгъында.
