Ашхылыкъ джерде джатмайды, аманлыкъ суугъа батмайды.
Келлик заман – къартлыкъ келтирир, кетген заман – джашлыкъ ёлтюрюр.
Тыш элде солтан болгъандан эсе, кесинги элде олтан болгъан игиди!
Къартны бурнун сюрт да, оноугъа тут.
Аманны эки битли тону болур, бирин сеннге кийдирир, бирин кеси киер.
Бастасын ашагъан, хантусун да ичер.
Къатыны харакетли болса, эри къымсыз болур.
Кесинг сынамагъан затны, адамгъа буюрма.
Таугъа чыгъаллыкъ эсенг, тюзде къалма.
Ётген ёмюр – акъгъан суу.
Тешик этген тынчды, аны джамагъан къыйынды.
Байлыкъ болгъан джерде, тынчлыкъ джокъду.
Ойнай-ойнай кёз чыгъар.
Аш кетер да бет къалыр.
Ашда уялгъан – мухар, ишде уялгъан – хомух.
Аман киши кеси юйюнде – къонакъ.
Ёксюзню тилеги къабыл болур.
Чарсда алчыны эл кёреди.
Тели турса – той бузар.
Тил – миллетни джаны.
Сибиртки да сыйлы болду, кюрек да кюнлю болду.
Ашхы сёз таш тешер.
Бёрю да ач къалмасын, эчки да ашалмасын.
Ёзденликни джайгъан – джокълукъ.
Аууз сакълагъан – джан сакълар.
Бек ашыкъгъан меннге джетсин, дегенди аракъы.
Тёрени джагъы джокъ.
Хата – гитчеден.
Кёл – къызбай, къол – батыр.
Тай асырагъан, атха минер.
Урама да – ёледи, сатама да – келеди.
Къонакъ кёб келюучю юйню, къазаны отдан тюшмез.
Эртде тургъан бла эртде юйленнген сокъуранмаз.
Ач уят къоймаз.
Джылыгъа джылан илешир.
Адеб джокъда, намыс джокъ.
Биреуге кёлтюрген таягъынг, кесинги башынга урур.
Ёлмесенг да, къарт дамы болмазса?
Алгъанда – джууукъ, бергенде – джау.
Джеринден айырылгъан – джети джылар, джуртундан айырылгъан – ёлгюнчю джылар.
Уллу сёлешме да, уллу къаб.
Къатын байлыкъны сюер, эр саулукъну сюер.
Чабакъсыз кёлге къармакъ салгъанлыкъгъа, чабакъ тутмазса.
Минг тенг да азды, бир джау да кёбдю.
Джети тилни билген джети кишиди.
Къуру гыбыт бек дыгъырдар.
Ашхы атаны – джашы ашхы, ашхы ананы – къызы ашхы.
Къайтырыкъ эшигинги, къаты уруб чыкъма.
Мураты болгъанны джюрек тебюую башхады.
Сабийни джумушха джибер да, ызындан бар.
