Танг атмайма десе да, кюн къоярыкъ тюйюлдю.
Айтханы чапыракъдан ётмеген.
Уруну арты – къуру.
Тилсиз миллет джокъ болур.
Бети къызарыучу адамны, джюреги харам болмаз.
Нёгерсизни джолу узун.
Ариу сёзде ауруу джокъ.
Аууз сакълагъан – джан сакълар.
Юреннген ауруу къалмаз.
Ач, тоймам, дейди, тойгъан, ач болмам, дейди.
Адамны артындан къара сабан сюрме.
Джети тилни билген джети кишиди.
Адеб этмеген, адеб кёрмез.
Иги сеники эсе да, сюйген кесимикин этеме.
Накъырданы арты керти болур.
Тили узунну, намысы – къысха.
Бал ашаргъа сюе эсенг, чибин ургъаннга тёз.
Ётюрюкден тюбю джокъ, кёлтюрюрге джиби джокъ.
Сагъыш – къартлыкъгъа сюйюмчю.
Таукел тауну аудурур.
Тилде сюек болмаса да, сюек сындырыр.
Этим кетсе да, сюегим къалыр.
Тамырсыз терекге таянма – джыгъылырса.
Къуллукъчума, деб махтанма, къуллукъ – хаух джамчыды!
Къазанчы аман болса, къазаны къайнамаз.
Билим къая тешер.
Акъыллы башны – тили къысха.
Ишлегенден, къарагъан уста.
Телиге акъыл салгъандан эсе, ёлгеннге джан салырса.
Аякъларынгы джууургъанынга кёре узат.
Тил джюрекге джол ишлейди.
Ауругъаннга – кийик саулукъ, джетген къызгъа – чилле джаулукъ.
Къонакъ болсанг, ийнакъ бол.
Ашаса, ашамаса да, бёрюню ауузу – къан.
Ашхы сёз таш тешер.
Хансыз джомакъ болмаз.
Иги джашны ышаны – аз сёлешиб, кёб тынгылар.
Ишге юренсин къоллары, халкъ бла болсун джоллары.
Биреуню къыйынлыгъы бла кесинге джол ишлеме.
Босагъа таш юйге кирмей эди, тыбыр таш эшикге чыкъмай эди.
Адамны сыфатына къарама, сёзюне къара.
Джигер – джаннга къыйынлыкъ.
Асхат ашлыкъ сата, юйдегиси ачдан къата.
Бек ашыкъгъан меннге джетсин, дегенди аракъы.
Тил бла келеди джыр да.
Къумурсхала джыйылсала, пилни да джыгъадыла.
Акъыл неден да кючлюдю.
Юй кюйдю да, кюйюз чыкъды, ортасындан тюйюш чыкъды.
Бал – татлы, балдан да бала – татлы.
Кёбден умут этиб, аздан къуру къалма.
