Игиге айтсанг – билир, аманнга айтсанг – кюлюр.
Къызын тута билмеген, тул этер, джашын тута билмеген, къул этер.
Ишни аллы бла къууанма да, арты бла къууан.
Уясында не кёрсе, учханында аны этер.
Экиндини кеч къылсанг, чабыб джетер ашхам.
Мен да «сен», дейме, сен да «кесим», дейсе.
Эрине къаргъыш этген къатын, эрнин къабар.
Ойнаб айтсанг да, эслеб айт.
Ашхы тенг джолгъа салыр, аман тенг джолдан тайдырыр.
Магъанасыз сёз – тауушсуз сыбызгъы.
Адамны бетине къарама, адетине къара.
Адамгъа аман кюн соруб келмейди.
Садакъачыны джаны – къапчыгъында.
Таш бла ургъанны, аш бла ур.
Аууздан келген, къолдан келсе, ким да патчах болур эди.
Гугук кесини атын айтыб къычыргъанча, мен, мен деб нек тураса?
Юй ишлеген балта эшикде къалыр.
Аллахдан тилесенг, кёб тиле.
Ачыу алгъа келсе, акъыл артха къалады.
Ариу джол аджал келтирмез.
Эм ашхы къайын ана мамукъ бла башынгы тешер.
Байны оноуу, джарлыгъа джарамаз.
Биреуню эскиси биреуге джангы болмайды.
Джыланны къуйругъундан басарынг келсе, аны башы болгъанын унутма.
Урама да – ёледи, сатама да – келеди.
Айныгъанлы алты кюн, тогъайгъанлы тогъуз кюн.
Кесинг сынамагъан затны, адамгъа буюрма.
Ач къарным, тынч къулагъым.
Гыдай эчки суугъа къараб, мюйюзле кёрмесе, джашма алкъын, дегенди.
Алтыннга тот къонмаз.
Тёзген – тёш ашар!
Къатыны харакетли болса, эри къымсыз болур.
Сескекли кесин билдирир.
Башланнган иш битер, къымылдагъан тиш тюшер.
Айран ичген – къутулду, джугъусун джалагъан – тутулду.
Къыз чыгъаргъан – къызыл къымжа.
Тил бла келеди джыр да.
Аманнга игилик этсенг, юйюнге сау бармазса.
Ач келгенни – тойдур, кеч келгенни – къондур.
Бойнуму джети джерден кессенг да, мен ол ишни этеллик тюлме.
Орундукъ тюбюнде атылсам да, орта джиликме, де да айлан.
Биреу ашаб къутулур, биреу джалаб тутулур.
Къарыусузгъа кюлме, онгсузгъа тийме.
Тамбла алтындан бюгюн багъыр ашхы.
Эте билген, этген этеди, эте билмеген, юретген этеди!
Тыш элде солтан болгъандан эсе, кесинги элде олтан болгъан игиди!
Адебсиз адам – джюгенсиз ат.
Чыбыкълыкъда бюгюлмеген, къазыкълыкъда бюгюлмей эди.
Телиге акъыл салгъандан эсе, ёлгеннге джан салырса.
Ойнай билмеген, уруб къачар.
