Босагъагъа джууукъ орун болса, ашыгъыб тёрге озма.
Эки итни арасына сюек атма, эки адамны арасында сёз чыгъарма.
Джюрекден джюрекге джол барды.
Ач да бол, токъ да бол – намысынга бек бол.
Сакъалы текени да бар, мыйыгъы киштикни да бар.
Хунаны тюбюн къазсанг, юсюнге ауар.
Керек ташны ауурлугъу джокъ.
Кесинге джетмегенни, кёб сёлешме.
Джолда аягъынга сакъ бол, ушакъда тилинге сакъ бол.
Алгъанда – джууукъ, бергенде – джау.
Адам къыйынлыгъын кёлтюрюр, зауукълугъун кёлтюрмез.
Берекет берсин деген джерде, берекет болур.
Сыфатында болмагъаны, суратында болмаз.
Аджал соруб келмез, келсе, къайтыб кетмез.
Ашхы тенг джолгъа салыр, аман тенг джолдан тайдырыр.
Тёгюлген тюгел джыйылмайды.
Эл тойса, тоймагъан, эл къойса, къоймагъан.
Эшекни не къадар тюйсенг да, ат болмаз.
Кёрмегеннге кебек – танг, битмегеннге сакъал – танг.
Бастасын ашагъан, хантусун да ичер.
Ата – баланы уясы.
Аууздан келген, къолдан келсе, ким да патчах болур эди.
Телини эшигин, махтау джабар.
Сабийликде юретмесенг, уллу болса – тюзелмез.
Байлыкъ адамны сокъур этер.
Къартны сыйын кёрмеген, къартлыгъында сыйлы болмаз.
Джылыгъа джылан илешир.
Къонакъны къачан кетерин сорма, къачан келлигин сор.
Биреуню тёрюнден, кесинги эшик артынг игиди.
Джауумдан сора, кюн кюйдюрюр, ётюрюкден сора, айыб кюйдюрюр.
Айтылгъан буйрукъ, сёгюлмез
Эки къатын алгъан – эки ташны ортасына башын салгъан.
Чомарт бергенин айтмаз.
Башы ишлегенни, ауузу да ишлер.
Чомарт къонакъ юй иесин сыйлар.
Халкъны джырын джырласанг, халкъ санга эжиу этер.
Уллу къашыкъ эрин джыртар.
Кюл тюбюндеги от кёрюнмейди.
Тюкюрюк баш джармаз, налат кёз чыгъармаз!
Ёлмесенг да, къарт дамы болмазса?
Сескекли кесин билдирир.
Тамбла алтындан бюгюн багъыр ашхы.
Айырылгъанланы айю ашар, бёлюннгенлени бёрю ашар.
Аман эсирсе, юйюн ояр.
Ауузу бла къуш тута айланады.
Къарнынг бла ёч алма.
Азыгъы аз, алгъа къабар, аты аман, алгъа чабар.
Эл элде бирер малынг болгъандан эсе, бирер тенгинг болсун.
Ханнга да келеди хариблик.
Къыз тиширыу кеси юйюнде да къонакъды.
