Гыдай эчки суугъа къараб, мюйюзле кёрмесе, джашма алкъын, дегенди.
Адебни адебсизден юрен.
Джашда акъыл джокъ, къартда къарыу джокъ.
Мал ёлсе, сюек къалыр, адам ёлсе, иши къалыр.
Айыбны суу бла джууалмазса.
Джерни букъусу кёкге къонмаз.
Суугъа – чабакъ, къаягъа – ыргъакъ.
Сёлеш деб шай берген, тохта деб, сом берген.
Адам бла мюлк юлешмеген эсенг, ол адамны билиб бошагъанма, деб кесинги алдама.
Аманны къуугъан, аманлыкъ табар.
Нёгер болсанг, тенг бол, тенг болмасанг, кенг бол.
Ётюрюкню къуйругъу – бир тутум.
Урунуу – насыбны анасы.
Тил – кесген бычакъ, сёз – атылгъан окъ.
Эртде тургъан джылкъычыны эркек аты тай табар.
Биреуню тёрюнден, кесинги эшик артынг игиди.
Ата Джуртча джер болмаз, туугъан элча эл болмаз.
Аманнга да, игиге да оноусуз къатышма.
Адам къыйынлыгъын кёлтюрюр, зауукълугъун кёлтюрмез.
Къатыны харакетли болса, эри къымсыз болур.
Къазанда болса, чолпугъа чыгъар.
Тёгюлген тюгел джыйылмайды.
Джол бла сёзню къыйыры джокъ.
Биреу къой излей, биреу той излей.
Телиге от эт десенг, юйюнге от салыр.
Кютгени беш эчки, сызгъыргъаны уа, джерни джарады.
Тойгъанлыкъ къойгъа джарашады.
Кёз – сюйген джерде, къол – ауругъан джерде.
Къонакъ хазыр болгъанлыкъгъа, къонакъбай хазыр тюлдю.
Байлыкъ адамны сокъур этер.
Ана кёлю – балада, бала кёлю – талада.
Акъыл бла адеб эгизледиле.
Башы джабылгъан челекге, кир тюшмез.
Эрине къаргъыш этген къатын, эрнин къабар.
Чабар ат – джетген къыз.
Адам сёзге тынгыла, акъыл сёзню ангыла.
Олтуруб кёрюнмей эди да, ёрге туруб кёрюне эди.
Къартха ушагъан джаш – акъыллы, джашха ушагъан къарт – тели.
Бал чибинни ургъаны – ачы, балы – татлы.
Керек ташны ауурлугъу джокъ.
Тюкюрюк баш джармаз, налат кёз чыгъармаз!
Эл тойса, тоймагъан, эл къойса, къоймагъан.
Сабий кёргенин унутмаз.
Алтыннга тот къонмаз.
Ётюрюкчюню шагъаты – къатында.
Оюмсуз атлагъан, аджалсыз ёлюр.
Нафысынгы айтханын этме, намысынгы айтханын эт.
Суу ичген шауданынга тюкюрме.
Кёл ашады да, кеси ашады.
Тамчы таш тешер.
