Джиби бир къат джетмей эди да, эки къат тарта эди.
Рысхы – насыбха къор.
Джашынгы кесинг юретмесенг, джашау юретир.
Къарнынг къанлынга кийирир.
Мен да «сен», дейме, сен да «кесим», дейсе.
Хунаны тюбюн къазсанг, юсюнге ауар.
Сескекли кесин билдирир.
Агъач халкъгъа алтынды, иссиликге салкъынды.
Тил – кесген бычакъ, сёз – атылгъан окъ.
Ариу сёз аурууунгу алыр.
Юйюнг бла джау болгъандан эсе, элинг бла джау бол.
Аууз сакълагъан – джан сакълар.
Сууда джау джокъ, кёб сёзде магъана джокъ.
Кёлю джокъну – джолу джокъ.
Билмезни кёзю кёрмез, этмезни къулагъы эшитмез.
Джангыз терек къынгыр ёсер.
Адамны адамлыгъы къыйынлыкъда айгъакъланады.
Ойнаб айтсанг да, эслеб айт.
Акъдан къара болмаз.
Юре билмеген ит, къонакъ келтирир.
Кёб къычыргъандан – къоркъма, тынч олтургъандан – къоркъ.
Кёрмегеннге кебек – танг, битмегеннге сакъал – танг.
От этилмеген джерден тютюн чыкъмайды.
Джуртун къоругъан озар.
Ётюрюк хапар аякъ тюбю бла джюрюйдю.
Ат да турмайды бир териде.
Уллу къашыкъ эрин джыртар.
Къан бла кирген, джан бла чыгъар.
Къартха ушагъан джаш – акъыллы, джашха ушагъан къарт – тели.
Акъыллы башны – тили къысха.
Ёнгкюч къууана барыр, джылай келир.
Аман къатын сабий табса, бий болур…
Тин – байлыгъынг, терен саулугъунг.
Адеб этмеген, адеб кёрмез.
Экеулен сёлеше тура эселе, орталарына барыб кирме.
Тойгъанлыкъ къойгъа джарашады.
Ач къарынны, токъ билмез
Окъугъан озар, окъумагъан тозар.
Мадар болса, къадар болур.
Дуния малгъа сатылма, кесингден телиге къатылма.
Ауузу бла къуш тута айланады.
Ашлыкъны арба юйге келтирир, чана базаргъа элтир.
Биреуге аманлыкъны тилеме да, кесинге ашхылыкъны тиле.
Суугъа – чабакъ, къаягъа – ыргъакъ.
Тёзгеннге, джабылгъан эшик ачылыр.
Тойгъа барсанг, тоюб бар, эски тонунгу къоюб бар.
Джолунга кёре – джюрюшюнг, джагъанга кёре – юлюшюнг.
Чёбню кёлтюрсенг, тюбюнден сёз чыгъар.
Къартны бурнун сюрт да, оноугъа тут.
Къарнынг тойгъунчу аша да, белинг талгъынчы ишле.
