Акъыл неден да кючлюдю.
Джангызны оту джарыкъ джанмаз!
Адеб базарда сатылмаз.
Баргъанынга кёре болур келгенинг.
Тёзген – тёш ашар!
Аш иеси бла татлыды.
Суу да къайтады чыкъгъан джерине.
Илму – джашауну джолу.
Айырылгъанланы айю ашар, бёлюннгенлени бёрю ашар.
Ётюрюкден тюбю джокъ, кёлтюрюрге джиби джокъ.
Кийим тукъум сордурур.
Кёбге таш атма.
Сакъламагъан затынга джолукъсанг, не бек къууанаса, не бек ачыйса.
Ана къойну – балагъа джандет.
Эрине къаргъыш этген къатын, эрнин къабар.
Хата – гитчеден.
Узун джолну барсанг, бюгюн келирсе, къысха джолну барсанг, тамбла келирсе.
Хар ишни да аллы къыйынды.
Ачыкъ джюрекге джол – ачыкъ.
Накъырданы арты керти болур.
Уллу сёлешме да, уллу къаб.
Аманны эки битли тону болур, бирин сеннге кийдирир, бирин кеси киер.
Таукелге нюр джауар.
Юреннген ауруу къалмаз.
Эркиши – от, тиширыу – суу.
Ышармагъан – кюлмез, кюлмеген – къууанчны билмез.
Гыдай эчки суугъа къараб, мюйюзле кёрмесе, джашма алкъын, дегенди.
Ауругъаннга – кийик саулукъ, джетген къызгъа – чилле джаулукъ.
Ариу сёз – джаннга азыкъ, аман сёз – башха къазыкъ.
Иги адамны бир сёзю эки болмаз.
Айран ичген – къутулду, джугъусун джалагъан – тутулду.
Эри аманны, къатыны – аман.
Къазанчы аман болса, къазаны къайнамаз.
Телини эшигин, махтау джабар.
Сакъ юйюне сау барыр.
Тойгъа алгъа да барма, тойда артха да къалма.
Къобан да къуру да къобханлай турмайды, адам да къуру да патчахлай турмайды.
Суугъа – таянма, джаугъа – ийнанма.
Аллахдан тилесенг, кёб тиле.
Адамны сыфатына къарама, сёзюне къара.
Киштикге къанат битсе, чыпчыкъ къалмаз эди.
Этни да ашады, бетни да ашады.
Адамны артындан къара сабан сюрме.
Ёксюзню къалачы уллу кёрюнюр.
Баш болса, бёрк табылыр.
Тура эдим джата, къайдан чыкъды хата?
Джаным-тиним – окъуу, билим.
Тешигини къатында, чычхан да батыр болур.
Къонагъынгы артмагъын алма да, алгъышын ал.
Тели турса – той бузар.
