Къарны аманнга къазан такъдырма, къолу аманнга от джакъдырма.
Аз айтсам, кёб ангылагъыз.
Атадан ёксюз – бир ёксюз, анадан ёксюз – эки ёксюз.
Сыфатында болмагъаны, суратында болмаз.
Дуния малгъа сатылма, кесингден телиге къатылма.
Билмегенинги, билгеннге сор.
Айыбны суу бла джууалмазса.
Ауругъанны сау билмез, ач къарынны токъ билмез.
Алма терегинден кери кетмез.
Джаш къарыу бла кючлю, къарт акъыл бла кючлю.
Билген билмегенни юретген адетди.
Ёлюк кебинсиз къалмаз.
Аш берме да, къаш бер.
Къыз тиширыу кеси юйюнде да къонакъды.
Сууда джау джокъ, кёб сёзде магъана джокъ.
Ата Джуртча джер болмаз, туугъан элча эл болмаз.
Къонакъны къачан кетерин сорма, къачан келлигин сор.
Ариу – кёзге, акъыл – джюрекге.
Ашда уялгъан – мухар, ишде уялгъан – хомух.
Къозулугъунда тоймагъан, къойлугъунда тоймаз.
Аманнга да, игиге да оноусуз къатышма.
Кийимни бичсенг, кенг бич, тар этген къыйын тюлдю.
Къонагъы джокъну – шоху джокъ.
Эринчекни эр алмаз, эр алса да, кёл салмаз, кёл салса да, кёб бармаз!
Ана – юйню кюн джарыгъы.
Суугъа – чабакъ, къаягъа – ыргъакъ.
Чомарт къолда мал къалмаз.
Ата – билек, ана – джюрек!
Ата Джуртун танымагъан, атасын да танымаз.
Билим къая тешер.
Иги бла джюрюсенг, джетерсе муратынга, аман бла джюрюсенг, къалырса уятха.
Элде адам къалмаса, ит тахтагъа минер.
Ашатыргъа иш – ашхы, ишлетирге аш – ашхы.
Ойнай билмеген, оюн бузар.
Джарлы эскисин джамаса, къууаныр.
Эл элде бирер малынг болгъандан эсе, бирер тенгинг болсун.
Джылкъыдан – ат чыгъар, тукъумдан – джаш чыгъар.
Къонакъ хазыр болгъанлыкъгъа, къонакъбай хазыр тюлдю.
Суугъа – таянма, джаугъа – ийнанма.
Айырылгъанланы айю ашар, бёлюннгенлени бёрю ашар.
Орундукъ тюбюнде атылсам да, орта джиликме, де да айлан.
Къралынгы – душмандан, башынгы от бла суудан сакъла.
Аз сёлешген, къайгъысыз турур.
Тил – миллетни джаны.
Тамырсыз терекге таянма – джыгъылырса.
Юйюнгден чыкъдынг – кюнюнгден чыкъдынг.
Таякъ этден ётер, тил сюекден ётер.
Башланнган иш битер, къымылдагъан тиш тюшер.
Аманны эки битли тону болур, бирин сеннге кийдирир, бирин кеси киер.
Соргъан айыб тюлдю, билмеген айыбды.
