Ач уят къоймаз.
Намысы болмагъанны, сыйы болмаз.
Къазанда болса, чолпугъа чыгъар.
Аууз сакълагъан – джан сакълар.
Джарлы тюеге минсе да, ит къабар.
Татлы сёз – балдан татлы.
Билим насыб берир, билим джолну керир.
Аджашхан тёгерек айланыр.
Уясында не кёрсе, учханында аны этер.
Мал ёлсе, сюек къалыр, адам ёлсе, иши къалыр.
Ариу сёз – къылычдан джити.
Баш – акъыл ючюн, акъылман – халкъ ючюн.
Адам къаллай бир ишленмесе, аллай бир кесин уллу кёреди.
Кийиминг бла танылма, адамлыкъ бла таныл.
Къонакъ аман болса, къонакъбай джунчур
Юйюнгден чыкъдынг – кюнюнгден чыкъдынг.
Байлыкъ келсе, акъыл кетер.
Къартны бурнун сюрт да, оноугъа тут.
Къаллай салам берсенг, аллай джууаб алырса.
Тойчу джашха къарама, къойчу джашха къара.
Суугъа – чабакъ, къаягъа – ыргъакъ.
Билимсиз иш бармаз.
Ашхы болсанг, атынг чыгъар, аман болсанг, джанынг чыгъар.
Джеринден айырылгъан – джети джылар, джуртундан айырылгъан – ёлгюнчю джылар.
Къулакъдан эсе, кёзге ышан.
Нарт сёз – тилни бети.
Тенгни тенглиги джашай барсанг билинир.
Къонакъ хазыр болгъанлыкъгъа, къонакъбай хазыр тюлдю.
Джарашыу сюйген – джалынчакъ.
Джогъун бар этген, барын бал этген.
Терслик кетер, тюзлюк джетер.
Джети тилни билген джети кишиди.
Чомарт къонакъ юй иесин сыйлар.
Ана кёлю – балада, бала кёлю – талада.
Сибиртки да сыйлы болду, кюрек да кюнлю болду.
Бети – къучакълар, джюреги – бычакълар.
Бетинги сатма, малынгы сат.
Акъыллы эркиши атын махтар, акъылсыз эркиши къатынын махтар.
Онгсузну – джакъла, тенгликни – сакъла.
Экеулен сёлеше тура эселе, орталарына барыб кирме.
Къатыны харакетли болса, эри къымсыз болур.
Ишге юренсин къоллары, халкъ бла болсун джоллары.
Ашыкъгъан cуу, тенгизге джетмез.
Сабийни джумушха джибер да, ызындан бар.
Кёб къычыргъандан – къоркъма, тынч олтургъандан – къоркъ.
Дженгил джетерикме деб, узун джолну къоюб, къысхасын барма.
Эртде тургъан бла эртде юйленнген сокъуранмаз.
Уллу атлама – абынырса, уллу къабма – къарылырса.
Джангыз терек къынгыр ёсер.
Ойнай-ойнай кёз чыгъар.
