Къатыны харакетли болса, эри къымсыз болур.
Ургъан суудан башынгы сакъла.
Терек ауса, отунчу – кёб.
Хазыр ашха – терен къашыкъ.
Ашда – бёрю, ишде – ёлю.
Адеб базарда сатылмаз.
Кенгеш болса, уруш болмаз.
Кирсизни – саны таза, халалны – къаны таза.
Эки элинги тыйсанг, джети элде махталырса.
Уллу къашыкъ эрин джыртар.
Шапа кёб болса, аш татымсыз болур.
Тин – байлыгъынг, терен саулугъунг.
Орну джокъну – сыйы джокъ.
Джан саулукъ бермей, сан саулукъ бермезсе.
Кюн кёрмеген, кюн кёрсе, кюндюз чыракъ джандырыр.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Кийимни бичсенг, кенг бич, тар этген къыйын тюлдю.
Къарт болгъан джерде, берекет болур, сабий болгъан джерде, оюн болур.
Терслик кетер, тюзлюк джетер.
Окъумагъан сокъурду, сокъур ташха абыныр!
Джашлыкъ этмеген, башлыкъ этмез.
Джаным-тиним – окъуу, билим.
Акъыл неден да кючлюдю.
Халкъгъа джарагъан, джарлы къалмаз.
Хар адамгъа кеси миннген тау кибик.
Кёбге таш атма.
Сёз сёзню айтдырыр.
Кёрмегеннге кебек – танг, битмегеннге сакъал – танг.
Дуния мал дунияда къалады.
Эки къатын алгъан – эки ташны ортасына башын салгъан.
Джашны джигитлиги сорулур, къызны джигерлиги сорулур.
Хар зат кесини орнуна иги.
Рысхы – насыбха къор.
Ариу сёзде ауруу джокъ.
Къатын байлыкъны сюер, эр саулукъну сюер.
Мураты болгъанны джюрек тебюую башхады.
Билеги кючлю, бирни джыгъар, билими кючлю, мингни джыгъар.
Къартны бурнун сюрт да, оноугъа тут.
Бал – татлы, балдан да бала – татлы.
Бир онгсуз адам адет чыгъарды, деб эштирик тюлсе.
Чомарт джарлы болмаз.
Суу кетер, таш къалыр.
Ариуну – ауруу кёб.
Суугъа – таянма, джаугъа – ийнанма.
Асхат ашлыкъ сата, юйдегиси ачдан къата.
Джукъу тёшек сайламайды.
Иги адам абынса да, джангылмаз.
Чомарт къонакъ юй иесин сыйлар.
Эр абынмай, эл танымаз.
Байдан умут эте, джарлыдан ёгюз багъасы къорады.
