Войти на сайт
4 Сентября 2026 года

 

  • Сагъышы джокъ – джукъучу, акъылы джокъ – къаугъачы.
  • Айырылмаз джууугъунга, унутмаз сёзню айтма.
  • Уллу сёлешме да, уллу къаб.
  • Атлыны кёрсе, джаяуну буту талыр.
  • Къозулугъунда тоймагъан, къойлугъунда тоймаз.
  • Тешик этген тынчды, аны джамагъан къыйынды.
  • Кирсизни – саны таза, халалны – къаны таза.
  • Джаш къарыу бла кючлю, къарт акъыл бла кючлю.
  • Эркиши – от, тиширыу – суу.
  • Юй кюйдю да, кюйюз чыкъды, ортасындан тюйюш чыкъды.
  • Эртде тургъан джылкъычыны эркек аты тай табар.
  • Бал чибинни ургъаны – ачы, балы – татлы.
  • Тили узунну, намысы – къысха.
  • Кийиминг бла танылма, адамлыкъ бла таныл.
  • Халкъгъа джарагъан, джарлы къалмаз.
  • Кесине гебен этелмеген, биреуге черен эте эди.
  • Джашынгы кесинг юретмесенг, джашау юретир.
  • Джуртун къоругъан озар.
  • Эки элинги тыйсанг, джети элде махталырса.
  • Къар – келтирди, суу – элтди.
  • Адеб этмеген, адеб кёрмез.
  • Эл ауузу – элек, анга ийнаннган – халек.
  • Эллинг бла джау болсанг да, юйюнг бла джау болма.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Накъырда – кертини келечиси.
  • Тойгъан антын унутур.
  • Кёл – къызбай, къол – батыр.
  • Игилик игилик бла сингдирилиучю затды.
  • Тели турса – той бузар.
  • Къатын къылыкъсыз, эр тынчлыкъсыз.
  • Биреуге кёлтюрген таягъынг, кесинги башынга урур.
  • Бети – къучакълар, джюреги – бычакълар.
  • Къыз чыгъаргъан – къызыл къымжа.
  • Къартны бурнун сюрт да, оноугъа тут.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Сютню башын джалагъан къутулур, тюбюн ичген тутулур.
  • Таула не мийик болсала да, аууш табылыр.
  • Сакъламагъан затынга джолукъсанг, не бек къууанаса, не бек ачыйса.
  • Адамгъа аман кюн соруб келмейди.
  • Аджаллыгъа окъсуз шкок атылыр.
  • Ана – юйню кюн джарыгъы.
  • Биреу ашаб къутулур, биреу джалаб тутулур.
  • Чомартны къолу берекет.
  • Экеулен сёлеше тура эселе, орталарына барыб кирме.
  • Джашны джигитлиги сорулур, къызны джигерлиги сорулур.
  • Ана кёлю – балада, бала кёлю – талада.
  • Аджалсыз ёлюм болмаз.
  • Къалгъан ишге къар джауар.
  • Тёрени джагъы джокъ.
  • Аз сёлешген, къайгъысыз турур.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 31 32 33 34 35 ... 112 След.
Ответы
 
#801
Джаратама0
12.06.2011 00:49:58
ШАТ

Lichkanga bir k`arasang
 
 
 
#802
Джаратама0
12.06.2011 01:23:06
Ocean

Эсенме, Сеннге да Эсенлик излейме.

Джарыкъ бетли тюбеширге Аллах буюрсун!!!
Юйде, уллугъа- гитчеге да, Салам бер.

Бу- Саугъам;

367 ? 202

Ёлгенледен, хапар берген, тюшюнг эсе
Тюш кёрмей а къалай къобхун эртденде.
Эсенликден, хапар айтхан, тюнюнг эсе,
Аны кёрмей, къалай болгъун тюнюнгде.

Арасында тюш бла тюнню адам улу
Бир ышара, бир да джылай- джубанчха.
Бу халында, бирчадыла, чууут - таулу,
Адет бирди, джюрюгеннге, учханнга.

Бу адетни кёрюр ючюн мен къалмадым
Алай, ёзге, джууаб джокъду бир затха.
Джулдузланы ким кютеди кече сайын,
Нек келгенди адам джыйын дуниягъа.

Джулдуз джолла ёмюрлени ой бирчалла.
Бир джарыкъ да аджашмайды джолундан.
Келедиле, джанлайдыла джангы айла.
Адет бирди, ёле билед хар туугъан.

Эс къайданды, эс къайрыды, бары тахса.
Къайдан тууду джашау тылпыу хауагъа.
Бу алам да къайры барад былай чарсха,
Нек келгенди адам джыйын дуниягъа.

31.12.04.

Басханстан. Турна Аууш.
Сапар Ёз.
 
 
 
#803
Джаратама0
12.06.2011 01:44:30
нaзмулaрыгыз бек aлaмaт. Aллax сизге сaулук есенлик берсин.
Туркиaдaн сaлaмлa...
 
 
 
#804
Джаратама0
12.06.2011 21:51:56
Asya

нaзмулaрыгыз бек aлaмaт. Aллax сизге сaулук есенлик берсин.
Туркиaдaн сaлaмлa...

Саламлары узакъ болсун !
Сеннге да, Салам бергенлеге да, разылыгъымы билдиреме.
Эсенлик, барыбызгъа да, биргелей !!!!!!!!!!!!!!!!!!!!!!!!!!!!!!!!!!!!






Сапар Ёз. Турна Аууш.
 
 
 
#805
Джаратама0
13.06.2011 00:45:32


97
Мени сеннге, аман этген, ачха джокълукъ/
Да не этгин? джокъду менде бир апас/
Джелбашса да,санга неди джюрек токълукъ/
Бош тюесе? сен? поэтге? былай къаш.

Джелбашса да,санга неди джюрек токълукъ
Тиширыуса, джокъду айыб кёлюнге
Былай эсе, керекмиди дингнгил шохлукъ,
Ой, кетсенг да, шынкъарт тюшмез юйюме.

Былай эсе, керекмиди дингнгил шохлукъ.
Гитарам бла, мен, этерме кечинмек.
Ма, санга да, бирсиге да, этмей, зорлукъ,
Кюреширме, мен, джашаргъа энчирек.

Ма, санга да, бирсиге да, этмей зорлукъ,
Бушуу бла да, Къууанч бла да джашарма.
Туугъан эсенг, ёлюннюксе, алайд джорукъ.
Ол джорукъдан мен да узакъ къачмазма.

Туугъан эсенг, ёлюннюксе, алайд джорукъ.
Сау турлукъча, ой не затды, бу, дауунг.
Джел ойнарлай бош эсе да менде къолтукъ,
Мен джырчыма, о тюл шойма фыргъауун.

Джел ойнарлай бош эсе да менде къолтукъ.
Эсим, мени, бир бек башхад башхадан.
Сен айтханча, ийнан тюлме мен къозуллукъ.
Мен кесимлей, менде болгъан ?Аллахдан.

Ойлаш, эслеб, бу затлагъа,сагъыш бир эт.
Бюгюн кетсе, энтда, тамбла терк джетер.
Болур алай, къычырырса,- бери бир джет,
Аллах ючюн, ийнамынгдан ийнам бер.

1990 дж. Къарчастан.
Орта Къарачай
 
 
 
#806
Джаратама0
14.06.2011 01:09:00
Ocean


Asya


Тинибек
 
 
 
#807
Джаратама0
18.06.2011 01:18:42
Бу да, былайда, турсун.

98
Тамбла эди, туугъан кюню, бир тенгими
Ай, не медет, тёзалмады бир кюнчюк
Къалай этгин, сагъынмайын тилегими
Керексизге, мен болмайым, ма бюйюк

Кетдинг эсе кёнг ёмюрге бу тар джерден
Кенг кёклеге, энди, хайда, къучакъ кер.
Былайдача тиймез ючюн джукъ джелкеден
Хомух болма, энди анда, къатдыр бел.

Мунда, энди, сен этерик болмаз джукъ да
Сен къол созуб салам берир бир зат джокъ
Энди, сеннге керекмиди тенг - джууукъ да
Сеннге бирди, ачдан ёлген, къарынтокъ.

Унут, энди, зауукъ чагъын тюнлеринги
Тюшлени да, къаллайын да, сен унут.
Унут, энди, джылагъанны, кюлгенни да
Бу джашаудан, ёмюрлюкге, юз умут

Кесинг къатыш бошалдыла эрке джылла
Алыб барад, джарлы сени, джамагъат
Ай, кёрмейсе, кюренлиди шам къыбыла
Булут басыб, кюн батыш да къаралгъанд.

Соргъан болса, исси салам, менден, шохум.
Эс бла турсанг, тенглик къачны унутма
Сен къайгъырма, джана турад ахыр отум
Кёб да турмай, мен, ызынгдан болурма.

Тууугъан кюнюнг унутмаса, келген болса
Сен, джарсыма, джарашдырыб тизерме
Кечеде уа, булут башха джарыкъ къонса
Ол, сенсе деб, къарамым бла тийерме.

Джер тереннге, не кёкгесе, къойдунг элни
Джашайалмай, эртде кетдинг джашаудан
Джанынг учса, ай учурсун ийман джели
Хайда, тенгим, узакъ джолунг мамукъдан.

22.02.90. Орта Къарачай. Джёгетей.
 
 
 
#808
Джаратама0
18.06.2011 15:15:08
 
 
 
#809
Джаратама0
18.06.2011 18:20:19


Аллах рахмет етсин, джандетли етсин. Амин.
 
 
 
#810
Джаратама0
19.06.2011 17:02:24
Аллах разы болсун !

Игиме, Тинибек.
Сеннге излешеним да Олду !

Кече энтда бир затла джазарма. Эсен бол,къарнаш !
 
 
 
#811
Джаратама0
20.06.2011 14:18:31


99
Мен сыртдама кесимблама, джокъду хатам
Джангызма деб, бош айтама, терсме мен
Узакъ тюлдю Минги Тау бла мени арам
Бирды джелчик, ауаз берген кюндюзден

Шаркъ табадан келедиле джаш булутла
Гудугъача, ашыкъмайын, бир сабыр
Алдагъында, кёбюбдюле, ма, уууртла
Къарайма да, башхаладан ол айгъыр.

Шууулдайды тардан акъгъан таулу суучукъ
Джолну тутханд, былай ары, кенглеге
Боллукъ болур кели джылда ол толкъунчукъ
Излерикди, кюч сынаргъа, ол кеме.

Бир къойчу да джырын созад аргъы бетде
Ой, дагъы да, толудула, тауушла
Къыблада уа джити таула къалын кюртде
Къауумлада чарсха батыб ауушла.

1975-80 дж. Болур дейме.

Орта Къарачай.
 
 
 
#812
Джаратама0
20.06.2011 16:21:21
Саубол, ШАТ:)

Есенликле барыбызгъа да!
 
 
 
#813
Джаратама0
21.06.2011 01:00:38
Tinibek

Аллахгъа Шукур,игиме.
Барыгъызгъа излегеним да ИГИЛИКДИ.
Эсен кёрюшейик !!!
 
 
 
#814
Джаратама0
21.06.2011 19:41:35
Джашау алгъады, бара берсин сюйген джерине.
Алгъа силкин да демейме, сабыр бир болчу демейме.

100
1
Джокълаучанды анда ? мында мени бир тюш
Ёлген джанла къобадыла къабырдан.
Тюшледен да, ой Аллахым, кёргюз хайыр
Ёлген акгам сылайд мени башымдан.
2
Бир къаядан биз къарайбыз ёзен таба
Ёзен узун, кёрюнмейди къыйыры
Таза кёкню башлайды да булут джаба
Болад акга бир кесекчик къайгъылы.
3
- Джибимейик, кел, кирейик дорбун алгъа,
Мылы затны кётюрмейле санларым.
Ёлгенлеге джукъ тенг тюлдю къургъакъ затха,-
Сора тюйдю, мыдах болуб, къашларын.
4
Бир кесекден биз къарайбыз дорбун ичден
Таякъ джангур къургъакъ джерни къагъады
Элия да, тынчлыкъ табмай тийресинде
Кёзюуледе, къынгыр зугул, учады.
5
Талай джылны мен кёрмеген чалбаш акга
Къарай меннге, бир да, къарай къыблагъа
Сагъынады, ауур солуй, эсин манга
Эс да бёлмей булут тюбде шыблагъа.
6
? Иш сейирди, къалай келдим келмез джерден
Мен сейирме, бола тургъан, бу затха.
Кимге кетди сынчыкъ ауруу бу къарт белден
Ах, демейин, минерчама, мен, атха.
7
Ат - дегенлей, турамыды бёгек атым
Мен сюйгенча, къараймысыз сиз анга
Къурмач этиб, беремисиз сюйген ашын,
Кишнеймиди, алгъын кибик, ол тангда.
8
Ат - эшек деб, неле дейме, сер болгъанча.
Къалайдыла къарнашларым, эгечим.
Тот болмайын, турамылла мен къойгъанча,
Эски чалкъым, тёшюм- хыршым, сенегим.
9
Ай джашчыгъым, бир тансыкъма арбаз ичге
Не халдады топракъ юйню тюрсюню
Сакъал сылай бир кёрюред эд шош ингирде
Ингиргини батыб баргъан ол кюнюн.
10
Сен бтлмейсе джашау деген не затды
Ол бир кетсе, ай джан- джанны къармарса.
Кюсесенг да сен табмазса бир къуу хансны
Ийнакъларгъа, джалан ташны табмазса.
11
Ишле, терле, аша, джукъла, табын кёкге
Джерде эсенг, сен сау эсенг, къууанч ол
Иги затны джыйа бер да хаман кёзге
Сёзге бур да, тедже халкъгъа, халал бол.
12
Артха турма джюрек сюйген бир затдан да
Чабма алгъа, базынмасанг кесинге.
Ёлюрюнгю, сен унутма къууанчда да
Ахыр неди, ойюм келтир эсинге.?
13
Тёзалмадым, акга,- дедим, чаба сёзге-
Бу - дин деген, керичады кёлюнгден
Не эсе да, учхараса чууакъ кёкден
Эсде къояр джукъ айтмайса кёрюнгден.
14
Джукъ айтмайса не мёлекден, не Сыйратдан
Къалай болдунг, табханмыса сен орун.
Анда джолда ёталдынгмы чырмауладан
Ол ? бу дерча, кимни тутдунг сен къолун.
15
Таякъ джангур тохтамайды, джууад къаты
Ырхы суула ырхыладан чыгъалла
Къара булут болады да эки джарты
Аралыкъда от джилтинле чагъалла.
16
Къарт атам а, узатады, къолун, тышха
Джууадыла, зыбыр къолну, тамчыла
Олсагъатлай, алады да, бери, ызгъа
Бетни сылай, тизди, сабыр, айтымла.
17
? Ол дуниягъа бек ашыкъма, сорма хапар
Аны эслер, джокъду, алкъа, сенде, эс
Ол затланы эртде айтханд ма файхамбар
Бары хакъды, джокъду анда бир деб терс.
18
Терлемейин джукъ ашама, ол харамды
Сууаблыкъны, эм маджалы - халаллыкъ
Ол кёблюкде, кюнюнг анда, хаман акъды,
Ол береди, къабыр кёкде, азатлыкъ.
19
Кёб ашама, кёб джукълама, эслеб сёлеш
Ауур сёзюнг къамчи тийер базманда
Ол борчунгду, артыгъынгы халкъгъа юлеш
Юлешгенинг джагъынг болур ахратда.
20
Ач да, къара, къалай дейди Уллу Китаб
Белгилиди, ахыр кюню, ахырны
Хар атламны, эте турсанг, анга къараб,
Табдырлыкъды Уллу Аллах хакъынгы.
21
Керти болсанг Аллахынг бла Китаб сёзге
Ийнан бала, абындырмаз минг шайтан.
Ёлгенде да, барлыкъ джеринг, игилеге
Огъай десенг, къайнай тургъан бир къазан....
22
Биягъынлай, джашнайды да булут тюбю
Тюшдю андан шыбла бетли бир тарпан
Кёз къамарлай джарыды да ма тюрсюню
Минди чынгаб, кетди акга къатымдан.........

1980-85-чи дж. Орта Къарачай.
 
 
 
#815
Джаратама0
21.06.2011 20:15:17
ШАТ


Lichkanga bir k`ara.
 
 
 
#816
Джаратама0
21.06.2011 23:01:44
Ocean

Эсенме,эсен бол !
 
 
 
#817
Джаратама0
22.06.2011 02:38:02
Ocean

Тохта,нени унутханма деб турама...


361 ? 196

Джашаугъа минсенг а джайдакълай,
Сагъышдан джанынг болур джауур.
Тенг ? нёгер да сюймей алгъынлай,
Кесинги, болурса, сен джауунг.

Джашаугъа минсенг а джайдакълай,
Энгишге, чабса, ол джоргъалаб.
Дуниянгы, кёрмезсе, алгъынлай.
Кёрюнюр, джуукъ джол да, азаб.

Джашаугъа минсенг а джайдакълай,
Джюгенни, бошлама, ашыгъыб.
Сен, алгъа, учсанг да садакълай,
Кёрмезлей, къачыб барад Насыб.

21.12.04. Турна Аууш. Басханстан.
 
 
 
#818
Джаратама0
22.06.2011 12:26:42
Саламынг узакъ болсун !

Бусагъатдан тау башына барлыкъма,андан таза Салам иерикме.
 
 
 
#819
Джаратама0
23.06.2011 00:05:18
Не эсе да, Тинибек да, кёрюнмейди.
Аллах айтса,Эсен болур,рахат болур.
 
 
 
#820
Джаратама0
23.06.2011 23:22:26
101

Сюйеме деб айтмайды тил
Айтады джаным кече ? кюн.
Ол кюн, келликди, сен бил
Кёк танытыр кёклюгюн.

Нени да, тюзюн айтдырыр
Берир айтыргъа ёхтемлик
Санга да къучакъ джайдырыр
Алчы деб, сен, сюймеклик.

Бюгюн, эсинг, башхада,
Кёрмейсе тамблангы сен
Онг - онгсузлукъ Аллахдан
Олду, бизни, джюрютген.

Энтда, тёзсем, мен кесек
Болуб да къалыр ма былай
Болурса да, сен, эслирек
Чабарса, манга, алгъынлай

1995 дж.
 
 
 
#821
Джаратама0
24.06.2011 02:08:54
ШАТ

Ол кюн, келликди, сен бил
Кёк танытыр кёклюгюн.

Нени да, тюзюн айтдырыр
Берир айтыргъа ёхтемлик

Аллах айтса
 
 
 
#822
Джаратама0
24.06.2011 22:17:46
Салам, Тинибек !

Игиме - эсенме, сеннге да, къалгъан инсанларыбызны барына да, излегеним- САУЛУКЪ - ЭСЕНЛИК.
Къагъытла бла джумушуму да джокъду хатасы. Бир джерге джыйышдырыб кюрешеме.

Мамырлыкъда тюбешейик, къарнаш !

Турна Аууш.
Сапар Ёзден.
 
 
 
#823
Джаратама0
25.06.2011 04:34:50
Алейкум Салам, ШАТ !

Амин. Саубол. Аллах разы болсун. ИншаАллах !

Джарыклыкла, есенликле хеп биргелей!
 
 
 
#824
Джаратама0
25.06.2011 23:07:27
Джай да,къараб-къарагъынчы, кетерикди.



102

Энтда къач. Ма, энтда, джауумла.
Кёз кёрген тамчы бла чарс ? тубан.
Мен да, не, джарсый джашауума,
Симсиреб, къарайма отоудан.

Къач дуния мыдахды, эй бир бек.
Экибиз, болурбуз, эгизле.
Сен да- мен да, тюл эсек тентек,
Некди зар Джашау экибизге.

Муратла, шо, некдиле сансыз.
Кёк патчах бир этмеди къабыл.
Ол джаздан бералмады бир къыз,
Терк барлыкъ неденди бир сабыр.

Насыб бла, кёралмадым ойнаб.
Зауукъдан кёралмадым бир тюк.
Мен айтханча, болмады чот таб,
Уча да, барсам да мен джюрюб.

Дуниягъа салгъанча минг хата,
Кюн ? кюнден айтады ол дауун.
Не этгин джукъ айтмайын санга.
Джан кёкде сендечады джауун.

Энтда къач. Ма энтда кюн мылы.
Шошма мен, къарайма отоудан.
Энтда къач, джелиблады шылпы.
Къарамда, джанда да, ма, тубан.

24.1092.
 
 
 
#825
Джаратама0
26.06.2011 15:21:32
Джарсыма, ненг да, таб боллукъду. Джолунг бла бар да тур,ахыры къалай боллугъун айтханма да.
Джаз,джазгъанынгды сени сакълаб тургъан.
 
 
 
#
Джаратама0
 
 
 
Страницы: Пред. 1 ... 31 32 33 34 35 ... 112 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.