Эльбрусоид :: Форум

Агъач – джерни чырайы, кийим – эрни чырайы.
Экиндини кеч къылсанг, чабыб джетер ашхам.
Аз сёлеш, кёб ишле.
Тау башында, тау болмаз, джангыз терек, бау болмаз.
Джангыз торгъай джырламаз.
Джыгъылгъанны сырты джерден тоймаз.
Сабий кёргенин унутмаз.
Джолунга кёре – джюрюшюнг, джагъанга кёре – юлюшюнг.
Къарны аманнга къазан такъдырма, къолу аманнга от джакъдырма.
Ариу сёз – къылычдан джити.
Башда акъыл болмаса, эки аякъгъа кюч джетер.
Иги болса, тамадама – махтау, аман болса, меннге – айыб.
Уллу сёзде уят джокъ.
Уллу сёлешме да, уллу къаб.
Къоркъакъны кёзю экили кёрюр.
Къызны минг тилер, бир алыр.
Ишлемеген – тишлемез.
Тулпарлыкъ, билекден тюл – джюрекден.
Тешик этген тынчды, аны джамагъан къыйынды.
Баланы адам этген анады.
Кёлсюзден сёзсюз тууар.
Баш – акъыл ючюн, акъылман – халкъ ючюн.
Иги бла джюрюсенг, джетерсе муратынга, аман бла джюрюсенг, къалырса уятха.
Тамырсыз терекге таянма – джыгъылырса.
Арпа, будай – ащды, алтын, кюмюш а – ташды.
Элни кючю – эмеген.
Къазанны башы ачыкъ болса, итге уят керекди.
Накъырда – кертини келечиси.
Асхат ашлыкъ сата, юйдегиси ачдан къата.
Тёзгеннге, джабылгъан эшик ачылыр.
Берекет берсин деген джерде, берекет болур.
Адам къаллай бир ишленмесе, аллай бир кесин уллу кёреди.
Ариу сёз аурууунгу алыр.
Нёгерсизни джолу узун.
Къазанда болса, чолпугъа чыгъар.
Ашыкъгъанны этеги бутуна чырмалыр.
Арбаз къынгырды да, ийнек сауалмайма.
Ашлыкъ – бюртюкден, джюн – тюкден.
Бойнуму джети джерден кессенг да, мен ол ишни этеллик тюлме.
Уллу суу бла уллу ауруудан башынгы сакъла.
Иги адамны бир сёзю эки болмаз.
Намыс болмагъан джерде, насыб болмаз.
Къазанчы аман болса, къазаны къайнамаз.
Тёрде – темир таякълы, къаяда – чыпчыкъ аякълы.
Акъылсызны джууукъгъа алма, акъыллыны кенгнге салма.
Тюзлюк шохлукъну бегитир.
Тилчи тилден къаныкъмаз.
Башсыз урчукъ тюзюне айланмаз.
Тенги кёбню джау алмаз, акъылы кёбню дау алмаз.
Элде адам къалмаса, ит тахтагъа минер.

Логин:
Пароль:
	Запомнить меня на этом компьютере

Забыли свой пароль?
Регистрация