Эльбрусоид :: Форум

Акъыл сабырлыкъ берир.
Суугъа – чабакъ, къаягъа – ыргъакъ.
Урунуу – насыбны анасы.
Суу да къайтады чыкъгъан джерине.
Аурууну келиую тынч, кетиую – къыйын.
Адамны аты башхача, акъылы да башхады.
Башынга джетмегенни сорма.
Кийимни бичсенг, кенг бич, тар этген къыйын тюлдю.
Нарт сёз – тилни бети.
Магъанасыз сёз – тауушсуз сыбызгъы.
Эр абынмай, эл танымаз.
Иши джокъну, сыйы джокъ.
Къонакъ аз олтурур, кёб сынар.
Билим къая тешер.
Азыкъ аз болса, эртде орун сал.
Кютгени беш эчки, сызгъыргъаны уа, джерни джарады.
Нафысынгы айтханын этме, намысынгы айтханын эт.
Хар сёзню орну барды.
Тура эдим джата, къайдан чыкъды хата?
Джылар джаш, атасыны сакъалы бла ойнар.
Къуллукъчума, деб махтанма, къуллукъ – хаух джамчыды!
Гугурук къычырмаса да, тангны атары къалмаз.
Бюгюн дуния кибик, тамбла ахыратды.
Эте билген, этген этеди, эте билмеген, юретген этеди!
Ханнга да келеди хариблик.
Къыз тиширыу кеси юйюнде да къонакъды.
Уллу суу бла уллу ауруудан башынгы сакъла.
Миллетни бойну – базыкъ, аны бла кюрешген – джазыкъ.
Къызбайны юйюне дери сюрсенг, батыр болур.
Келлик заман – къартлыкъ келтирир, кетген заман – джашлыкъ ёлтюрюр.
Юйюнг бла джау болгъандан эсе, элинг бла джау бол.
Аман къатын алгъан, арыр, иги къатын алгъан джарыр.
Арыгъан къош чамчы болур.
Таш ата билмеген, башына урур.
Элде адам къалмаса, ит тахтагъа минер.
Ишни ахырын ойламай, аллын башлама.
Чомартха хар кюн да байрамды.
Терек ауса, отунчу – кёб.
Чомарт бергенин айтмаз.
Джыгъылгъанны сырты джерден тоймаз.
Ариу – кёзге, акъыл – джюрекге.
Керилген да, ургъан кибикди.
Окъугъан – асыу, окъумагъан – джарсыу.
Суу кетер, таш къалыр.
Хар адамгъа кеси миннген тау кибик.
Ашлыкъны арба юйге келтирир, чана базаргъа элтир.
Эл бла кёргенинг эрелей.
Тёгюлген тюгел джыйылмайды.
Эрни эр этерик да, къара джер этерик да, тиширыуду.
Къызын тута билмеген, тул этер, джашын тута билмеген, къул этер.

Логин:
Пароль:
	Запомнить меня на этом компьютере

Забыли свой пароль?
Регистрация