- Эл ауузу – элек, анга ийнаннган – халек.
- Кёл – къызбай, къол – батыр.
- Джюрекден джюрекге джол барды.
- Уясында не кёрсе, учханында аны этер.
- Атлыны кёрсе, джаяуну буту талыр.
- Сабыр джетер муратха, сабырсыз къалыр уятха.
- Байны къызы баймакъ болса да, юйде къалмаз!
- Къалгъан ишге къар джауар.
- Эм ашхы къайын ана мамукъ бла башынгы тешер.
- Малны кют, джерни тюрт.
- Ёгюзню мюйюзлери ауурлукъ этмейдиле.
- Хата – гитчеден.
- Аурууну келиую тынч, кетиую – къыйын.
- Къозулугъунда тоймагъан, къойлугъунда тоймаз.
- Сютден ауузу кюйген, суугъа юфгюре эди.
- Джюрек кёзден алгъа кёрюр.
- Эр абынмай, эл танымаз.
- Элге къуллукъ этмеген, элге ие болмаз.
- Ашда уялгъан – мухар, ишде уялгъан – хомух.
- Тил – миллетни джаны.
- Алтыннга тот къонмаз.
- Ариу джол аджал келтирмез.
- Джарлы эскисин джамаса, къууаныр.
- Ашын ашагъанынгы, башын да сыйла.
- Ёлмесенг да, къарт дамы болмазса?
- Къумурсхала джыйылсала, пилни да джыгъадыла.
- Тилсиз миллет джокъ болур.
- Ач, тоймам, дейди, тойгъан, ач болмам, дейди.
- Мени джылытмагъан кюн, меннге тиймесин!
- Кюлме джашха – келир башха.
- Огъурлуну сёзю – суу, огъурсузну сёзю – уу.
- Тойну къарнашы – харс, джырны къарнашы – эжиу.
- Чакъырылмагъан къонакъ тёрге атламаз.
- Иги сёз – джаннга азыкъ, аман сёз башха – къазыкъ.
- Баш болса, бёрк табылыр.
- Биреуню эскиси биреуге джангы болмайды.
- Ёмюрлюк шохлукъну джел элтмез.
- Тилде сюек болмаса да, сюек сындырыр.
- Аджашхан тёгерек айланыр.
- Гитче джилтин уллу элни джандырыр.
- Таукел къуру къалмаз.
- Зар адамны насыбы болмаз.
- Кёб къычыргъандан – къоркъма, тынч олтургъандан – къоркъ.
- Адамны адамлыгъы къыйынлыкъда айгъакъланады.
- Чабакъсыз кёлге къармакъ салгъанлыкъгъа, чабакъ тутмазса.
- Джырчы ёлсе, джыры къалыр.
- Кёлю джокъну – джолу джокъ.
- Биреуге кёлтюрген таягъынг, кесинги башынга урур.
- Тёзгеннге, джабылгъан эшик ачылыр.
- Джангыз терек къынгыр ёсер.
Профиль
|
Ангелок
 Эльбрусоид
Cообщений: 1826
Баллов: 1461
Регистрация: 11.12.2011
Последний визит: 08.11.2017 00:38:34
|
||||
|
|
|
|||