Эльбрусоид :: Форум

Хунаны тюбюн къазсанг, юсюнге ауар.
Хатерли къул болур.
Джеринден айырылгъан – джети джылар, джуртундан айырылгъан – ёлгюнчю джылар.
Ким бла джюрюсенг, аны кёзю бла кёрюнюрсе.
Биреуню тёрюнден, кесинги эшик артынг игиди.
Тас болгъан бычакъны сабы – алтын.
Аманнга игилик этсенг, юйюнге сау бармазса.
Акъыллы эркиши атын махтар, акъылсыз эркиши къатынын махтар.
Ашха уста, юйюнде болсун
Ётюрюкден тюбю джокъ, кёлтюрюрге джиби джокъ.
Джогъун бар этген, барын бал этген.
Чабакъсыз кёлге къармакъ салгъанлыкъгъа, чабакъ тутмазса.
Джетген къыз джерли эшекни танымаз.
Хата – гитчеден.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Эртде тургъан бла эртде юйленнген сокъуранмаз.
Башланнган иш битер, къымылдагъан тиш тюшер.
Эл бла кёргенинг эрелей.
Аш хазыр болса, иш харам болур.
Эркиши – от, тиширыу – суу.
Чомарт бергенин айтмаз.
Харам къарнашдан, халал тенг ашхы.
Дуния малгъа сатылма, кесингден телиге къатылма.
Аманны тукъумуна къарама, игини тукъумун сорма.
Ишлегенде эринме, ишде чолакъ кёрюнме.
Къызны минг тилер, бир алыр.
Суу кетер, таш къалыр.
Ашаса, ашамаса да, бёрюню ауузу – къан.
Рысхы – насыбха къор.
Телиге от эт десенг, юйюнге от салыр.
Иги бла джюрюсенг, джетерсе муратынга, аман бла джюрюсенг, къалырса уятха.
Кёбге таш атма.
Сангырау къулакъ эл бузар.
Ойнай-ойнай кёз чыгъар.
Таукел тауну аудурур.
Джаным-тиним – окъуу, билим.
Адам сёзге тынгыла, акъыл сёзню ангыла.
Къыз тиширыу кеси юйюнде да къонакъды.
Аджаллыгъа окъсуз шкок атылыр.
Атлыны кёрсе, джаяуну буту талыр.
Ачлыкъ отха секиртир.
Ургъан суудан башынгы сакъла.
Керти сёзге тёре джокъ.
Аджашхан тёгерек айланыр.
Къызгъанчдан ычхыныр, мухардан ычхынмаз.
Кёкдеги болмаса, джердегин кёрмейди.
Иги болса, тамадама – махтау, аман болса, меннге – айыб.
Кеси юйюмде мен да ханма.
Тойгъан джерден туугъан джер игиди.
Дженгил джетерикме деб, узун джолну къоюб, къысхасын барма.

Логин:
Пароль:
	Запомнить меня на этом компьютере

Забыли свой пароль?
Регистрация