- Aдам боллукъ, сыфатындан белгили.
- Къайгъыны сюйген, къайгъы табар.
- Юйюнг бла джау болгъандан эсе, элинг бла джау бол.
- Ач къарынны, токъ билмез
- Джаш къарыу бла кючлю, къарт акъыл бла кючлю.
- Тойну къарнашы – харс, джырны къарнашы – эжиу.
- Аджаллыгъа окъсуз шкок атылыр.
- Къызны минг тилер, бир алыр.
- Къумурсхала джыйылсала, пилни да джыгъадыла.
- Ат да турмайды бир териде.
- Ишлемеген – тишлемез.
- Къарыусузгъа кюлме, онгсузгъа тийме.
- Ишин билген, аны сыйын чыгъарады.
- Таукел адам тау тешер.
- Иги адамны бир сёзю эки болмаз.
- Уллу атлама – абынырса, уллу къабма – къарылырса.
- Урама да – ёледи, сатама да – келеди.
- Накъырданы арты керти болур.
- Накъырда – кертини келечиси.
- Аллахха ийнаннган кишини, Аллах онгдурур ишин.
- Иги сёз – джаннга азыкъ, аман сёз башха – къазыкъ.
- Хар ишни да аллы къыйынды.
- Тойгъа барсанг, тоюб бар, эски тонунгу къоюб бар.
- Сакъ юйюне сау барыр.
- Намыс болмагъан джерде, насыб болмаз.
- Адамны сабийин сюйген джюреги, бычакъча, джитиди.
- Сёлеш деб шай берген, тохта деб, сом берген.
- Сабий кёргенин унутмаз.
- От этилмеген джерден тютюн чыкъмайды.
- Хоншуну тауугъу къаз кёрюнюр, келини къыз кёрюнюр.
- Адам туугъан джеринде, ит тойгъан джеринде.
- Аджалсыз ёлюм болмаз.
- Мадар болса, къадар болур.
- Эки элинги тыйсанг, джети элде махталырса.
- Тулпарлыкъ, билекден тюл – джюрекден.
- Хазыр ашха – терен къашыкъ.
- Ач келгенни – тойдур, кеч келгенни – къондур.
- Ётген ёмюр – акъгъан суу.
- Джарлыны эшигин махтагъан джабар.
- Игилик игилик бла сингдирилиучю затды.
- Чомартны къолу берекет.
- Ёмюрлюк шохлукъну джел элтмез.
- Тамырсыз терекге таянма – джыгъылырса.
- Бек ашыкъгъан меннге джетсин, дегенди аракъы.
- Садакъачыны джаны – къапчыгъында.
- Къартны сыйын кёрмеген, къартлыгъында сыйлы болмаз.
- Ана къойну – балагъа джандет.
- Чарсда алчыны эл кёреди.
- Ауузу бла къуш тута айланады.
- Насыблы элин сюер, насыбсыз кесин сюер.
Профиль
|
|
|
|||