- Эркишини аманы тиширыуну джылатыр.
- Окъумагъан сокъурду, сокъур ташха абыныр!
- Сабыр джетер муратха, сабырсыз къалыр уятха.
- Джогъун бар этген, барын бал этген.
- Ёгюзню мюйюзлери ауурлукъ этмейдиле.
- Уллу сёзде уят джокъ.
- Аз сёлешген, къайгъысыз турур.
- Гитче джилтин уллу элни джандырыр.
- Адебсиз адам – джюгенсиз ат.
- Адамны сабийин сюйген джюреги, бычакъча, джитиди.
- Кёб джат да, бек чаб.
- Баланы адам этген анады.
- Суугъа – таянма, джаугъа – ийнанма.
- Тулпарлыкъ, билекден тюл – джюрекден.
- Чыкълы кюнде чыкъмагъан, чыкъса къуру кирмеген.
- Чомарт джарлы болмаз.
- Тюзлюк шохлукъну бегитир.
- Ишни аллы бла къууанма да, арты бла къууан.
- Байлыкъ тауусулур, билим тауусулмаз.
- Юреннген ауруу къалмаз.
- Аманнга да, игиге да оноусуз къатышма.
- Ишлерге уял да, ашаргъа табма.
- Экеу тутушса, биреу джыгъылыр.
- Ишни ахырын ойламай, аллын башлама.
- Нарт сёз къарт болмаз.
- Сёз къанатсыз учар.
- Шайтан алдады, тюзлюк къаргъады.
- Ачлыкъда тары гырджын халыуадан татлы.
- Ишленмеклик адамлыкъды.
- Эрни эр этерик да, къара джер этерик да, тиширыуду.
- Эски джаугъа ышанма.
- Ач, тоймам, дейди, тойгъан, ач болмам, дейди.
- Къартны бурнун сюрт да, оноугъа тут.
- Билмейме деген – бир сёз
- Таукел къуру къалмаз.
- Сыфатында болмагъаны, суратында болмаз.
- Кийим тукъум сордурур.
- Билим ат болуб да чабар, къуш болуб да учар.
- Аманнга алтын чыдамаз.
- Уллу атлама – абынырса, уллу къабма – къарылырса.
- Джетген къыз джерли эшекни танымаз.
- Аш иеси бла татлыды.
- Ана кёлю – балада, бала кёлю – талада.
- Эте билген, этген этеди, эте билмеген, юретген этеди!
- Джарлы тюеге минсе да, ит къабар.
- Акъыл бла адеб эгизледиле.
- Чомарт бергенин айтмаз.
- Бек анасы джыламаз.
- Таш ата билмеген, башына урур.
- Биреуню тёрюнден, кесинги эшик артынг игиди.
Профиль
|
|
|
|||