- Ат басханны джер билед.
- Къыз келсе, джумуш эте келеди, къатын келсе, ушакъ эте келеди.
- Ёксюзню къалачы уллу кёрюнюр.
- Адам къаллай бир ишленмесе, аллай бир кесин уллу кёреди.
- Окъугъанны бети джарыкъ.
- Чомартны къолун джокълукъ байлар.
- Намысы болмагъанны, сыйы болмаз.
- Дуния малгъа сатылма, кесингден телиге къатылма.
- Тойгъанлыкъ къойгъа джарашады.
- Мухар, кеси тойса да, кёзю тоймаз.
- Билмегенинги, билгеннге сор.
- Адеби болмагъан къыз – тузсуз хант.
- Адамны сыфатына къарама, сёзюне къара.
- Джангыз торгъай джырламаз.
- Ач къалгъандан, кеч къалгъан къолай.
- Тилчи бир сагъатха айлыкъ хата этер.
- Къанны къан бла джуума, аманны аман бла къуума.
- Ата – баланы уясы.
- Тик ёргени, тик энгишгеси да болады.
- Хар ишни да аллы къыйынды.
- Босагъагъа джууукъ орун болса, ашыгъыб тёрге озма.
- Эртде тургъан бла эртде юйленнген сокъуранмаз.
- Арбаз къынгырды да, ийнек сауалмайма.
- Чакъырылгъанны аты, чакъырылмагъанны багъасы болур.
- Керек ташны ауурлугъу джокъ.
- Душманны тышы – акъ, ичи – къара.
- Сёз къанатсыз учар.
- Джюрекге ариу – кёзге да ариу.
- Ариуну – ауруу кёб.
- Тюзлюк шохлукъну бегитир.
- Мухарны эси – ашарыкъда.
- Этим кетсе да, сюегим къалыр.
- Абынмазлыкъ аякъ джокъ, джангылмазлыкъ джаякъ джокъ.
- Ариу сёз джыланны орнундан чыгъарыр.
- Гырджын – тепсини тамадасы.
- Адеб базарда сатылмаз.
- Окъуу – билимни ачхычы, окъуу – дунияны бачхычы.
- Сыфатында болмагъаны, суратында болмаз.
- Ишлегенде эринме, ишде чолакъ кёрюнме.
- Бермеген къол, алмайды.
- Джарлы эскисин джамаса, къууаныр.
- Сормай – алма, чакъырылмай – барма.
- Суугъа – чабакъ, къаягъа – ыргъакъ.
- Къарыусузгъа кюлме, онгсузгъа тийме.
- Ашхы атаны – джашы ашхы, ашхы ананы – къызы ашхы.
- Кесине гебен этелмеген, биреуге черен эте эди.
- Ётюрюкден тюбю джокъ, кёлтюрюрге джиби джокъ.
- Тюзню ётмеги тюзде къалса да, тас болмаз.
- Джаханимни кёрмей, джандетге кёл салмазса.
- Къонакъ болсанг, ийнакъ бол.
Профиль
|
|
|
|||