Эльбрусоид :: Форум

Чабакъсыз кёлге къармакъ салгъанлыкъгъа, чабакъ тутмазса.
Этим кетсе да, сюегим къалыр.
Кёлсюзден сёзсюз тууар.
Билмегенинги, билгеннге сор.
Ёзденликни джайгъан – джокълукъ.
Кеси юйюмде мен да ханма.
Нарт сёз – тилни бети.
Таула не мийик болсала да, аууш табылыр.
Ата – баланы уясы.
Бир абыннган – минг сюрюнюр.
Термилгенинги табмазса, кюлгенинге тюберсе.
Ушамагъан – джукъмаз.
Адамны артындан къара сабан сюрме.
Алгъанда – джууукъ, бергенде – джау.
Рысхы – насыбха къор.
Тойгъа алгъа да барма, тойда артха да къалма.
Сютню башын джалагъан къутулур, тюбюн ичген тутулур.
Ач келгенни – тойдур, кеч келгенни – къондур.
Алим болгъандан эсе, адам болгъан къыйынды.
Акъылсызны джууукъгъа алма, акъыллыны кенгнге салма.
Сормай – алма, чакъырылмай – барма.
Ашатыргъа иш – ашхы, ишлетирге аш – ашхы.
Ёзденликни кёбю ётюрюк.
Билеги кючлю, бирни джыгъар, билими кючлю, мингни джыгъар.
Къыйынлы джети элге оноу этер.
Эл тойса, тоймагъан, эл къойса, къоймагъан.
Кёб джат да, бек чаб.
Къонакъ кёб келюучю юйню, къазаны отдан тюшмез.
Ёлген ийнек сютлю болур.
Ашаса, ашамаса да, бёрюню ауузу – къан.
Джашда акъыл джокъ, къартда къарыу джокъ.
Къалгъан ишге къар джауар.
Ашда – бёрю, ишде – ёлю.
Кечеси – аяз, кюню – къыш, джарлы къаргъагъа бир аш тюш!
Иши джокъну, сыйы джокъ.
Бойнуму джети джерден кессенг да, мен ол ишни этеллик тюлме.
Джетген къыз джерли эшекни танымаз.
Джыланны къуйругъундан басарынг келсе, аны башы болгъанын унутма.
Иги адам абынса да, джангылмаз.
Игиге айтсанг – билир, аманнга айтсанг – кюлюр.
Байлыкъ адамны сокъур этер.
Къонакъ аз олтурур, кёб сынар.
Аллахха ийнаннган кишини, Аллах онгдурур ишин.
Ашарыкъда сайлагъаннга – чий гырджын.
Адамны сыфатына къарама, сёзюне къара.
Мухардан ач ычхынмаз.
Аджалсыз ёлюм болмаз.
Кёбню кёрген – кёб билир.
Иги джашны ышаны – аз сёлешиб, кёб тынгылар.
Аман къатын сабий табса, бий болур…

Логин:
Пароль:
	Запомнить меня на этом компьютере

Забыли свой пароль?
Регистрация