Эльбрусоид :: Форум

Ариу сёз – къылычдан джити.
Айтхан сёзюне табылгъан.
Къазанда болса, чолпугъа чыгъар.
Насыблы элин сюер, насыбсыз кесин сюер.
Ишни аллы бла къууанма да, арты бла къууан.
Ашаса, ашамаса да, бёрюню ауузу – къан.
Окъ къызбайны джокълайды.
Орну джокъну – сыйы джокъ.
Шапа кёб болса, аш татымсыз болур.
Эки ойлашыб, бир сёлешген.
Джети тилни билген джети кишиди.
Огъурлуну сёзю – суу, огъурсузну сёзю – уу.
Кесине оноу эте билмеген, халкъына да эте билмез.
Тили узунну, намысы – къысха.
Ёзденликни джайгъан – джокълукъ.
Ашда уялгъан – мухар, ишде уялгъан – хомух.
Ата Джуртуму башы болмасам да, босагъасында ташы болайым.
Баш болса, бёрк табылыр.
Къарт бла баш аша, джаш бла аякъ аша.
Айыбны суу бла джууалмазса.
Ариу сёзде ауруу джокъ.
Адамны аманы адамны бети бла ойнар.
Нарт сёз къарт болмаз.
Чыкълы кюнде чыкъмагъан, чыкъса къуру кирмеген.
Хунаны тюбюн къазсанг, юсюнге ауар.
Тойну къарнашы – харс, джырны къарнашы – эжиу.
Тюзлюк тас болмайды.
Къонакъ хазыр болгъанлыкъгъа, къонакъбай хазыр тюлдю.
Ариу сёз аурууунгу алыр.
Урама да – ёледи, сатама да – келеди.
Экеулен сёлеше тура эселе, орталарына барыб кирме.
Бир абыннган – минг сюрюнюр.
Ашыкъгъан cуу, тенгизге джетмез.
Ишленмеклик адамлыкъды.
Тилчи тилден къаныкъмаз.
Эл тойса, тоймагъан, эл къойса, къоймагъан.
Эртде тургъан бла эртде юйленнген сокъуранмаз.
Иши джокъну, сыйы джокъ.
Къонакъ аз олтурур, кёб сынар.
Сибиртки да сыйлы болду, кюрек да кюнлю болду.
Кёкдеги болмаса, джердегин кёрмейди.
Къулакъдан эсе, кёзге ышан.
Ким бла джюрюсенг, аны кёзю бла кёрюнюрсе.
Къайтырыкъ эшигинги, къаты уруб чыкъма.
Къонагъынгы артмагъын алма да, алгъышын ал.
Ёзденликни кёбю ётюрюк.
Джыйырма къойну юч джыйырма эбзе кюте эди.
Башсыз урчукъ тюзюне айланмаз.
Кёбге таш атма.
Чакъырылмагъан къонакъ – орунсуз.

Логин:
Пароль:
	Запомнить меня на этом компьютере

Забыли свой пароль?
Регистрация