- Эки элинги тыйсанг, джети элде махталырса.
- Бозанг болмагъан джерге, къалагъынгы сукъма.
- Билим – акъылны чырагъы.
- Кёл – къызбай, къол – батыр.
- Акъыллы айтыр эди, акъылсыз къоймайды.
- Ауурну тюбю бла, дженгилни башы бла джюрюген.
- Эски джаугъа ышанма.
- Таш бла ургъанны, аш бла ур.
- Эки ойлашыб, бир сёлешген.
- Керти сёзге тёре джокъ.
- Айырылмаз джууугъунга, унутмаз сёзню айтма.
- Къонакъ хазыр болгъанлыкъгъа, къонакъбай хазыр тюлдю.
- Ашхы сёз таш тешер.
- Ариу сёзде ауруу джокъ.
- Юйюнгден чыкъдынг – кюнюнгден чыкъдынг.
- Джаш къарыу бла кючлю, къарт акъыл бла кючлю.
- Кёзю сокъурдан – къоркъма, кёлю сокъурдан – къоркъ.
- Элге къуллукъ этмеген, элге ие болмаз.
- Ёксюзню къалачы уллу кёрюнюр.
- Аджашхан тёгерек айланыр.
- Мал кёб болса, джууукъ кёб болур.
- Ата Джуртуму башы болмасам да, босагъасында ташы болайым.
- Къуллукъчума, деб махтанма, къуллукъ – хаух джамчыды!
- Эрни эр этерик да, къара джер этерик да, тиширыуду.
- Малны кют, джерни тюрт.
- Билим къая тешер.
- Чомарт къолда мал къалмаз.
- Джырына кёре эжиую.
- Эри аманны, къатыны – аман.
- Джыгъылгъанны сырты джерден тоймаз.
- Ишленмеклик адамлыкъды.
- Ётюрюкден тюбю джокъ, кёлтюрюрге джиби джокъ.
- Сёз садакъдан кючлюдю.
- Адамны артындан къара сабан сюрме.
- Ашатыргъа иш – ашхы, ишлетирге аш – ашхы.
- Кёлю джокъну – джолу джокъ.
- Чомарт къонакъ юй иесин сыйлар.
- Халкъгъа джарагъан, джарлы къалмаз.
- Ойнай билмеген, оюн бузар.
- Сёз – кюмюш, джыр – алтын.
- Акъыл къартда, джашда тюйюлдю – башдады.
- Тойчу джашха къарама, къойчу джашха къара.
- Ёлюк кебинсиз къалмаз.
- Хунаны тюбюн къазсанг, юсюнге ауар.
- Ауругъаннга – кийик саулукъ, джетген къызгъа – чилле джаулукъ.
- Бир абыннган – минг сюрюнюр.
- Алтыннга тот къонмаз.
- Бал ашаргъа сюе эсенг, чибин ургъаннга тёз.
- Къонагъынгы артмагъын алма да, алгъышын ал.
- Тин – байлыгъынг, терен саулугъунг.
Профиль
|
|
|
|||