- Зарда марда джокъ.
- Джырына кёре эжиую.
- Эл тойса, тоймагъан, эл къойса, къоймагъан.
- Джюрекге ариу – кёзге да ариу.
- Алтыда кюлмеген, алтмышда кюлмез.
- Минг тенг да азды, бир джау да кёбдю.
- Ариу джол аджал келтирмез.
- Таукел къуру къалмаз.
- Мен да «сен», дейме, сен да «кесим», дейсе.
- Атынг аманнга чыкъгъандан эсе, джанынг тамагъынгдан чыкъсын.
- Чомартха хар кюн да байрамды.
- Джашлыкъ этмеген, башлыкъ этмез.
- Рысхы – насыбха къор.
- Ашда – бёрю, ишде – ёлю.
- Хата – гитчеден.
- Ашаса, ашамаса да, бёрюню ауузу – къан.
- Тёзген – тёш ашар!
- Ач отунчуну ачыуу – бурнунда.
- Кёлсюзден сёзсюз тууар.
- Ат басханны джер билед.
- Иги сеники эсе да, сюйген кесимикин этеме.
- Огъурлуну сёзю – суу, огъурсузну сёзю – уу.
- Къыз тиширыу кеси юйюнде да къонакъды.
- Эл ауузу – элия.
- Эм ашхы къайын ана мамукъ бла башынгы тешер.
- Аш хазыр болса, иш харам болур.
- Эки къатын алгъан – эки ташны ортасына башын салгъан.
- Биреу ашаб къутулур, биреу джалаб тутулур.
- Эр абынмай, эл танымаз.
- Аз сёлеш, кёб ишле.
- Таукел адам тау тешер.
- Чакъырылгъанны аты, чакъырылмагъанны багъасы болур.
- Къарнынг бла ёч алма.
- Кесинге джетмегенни, кёб сёлешме.
- Ойнай-ойнай кёз чыгъар.
- Элиб деген, элге болушур.
- Эки ойлашыб, бир сёлешген.
- Джети тилни билген джети кишиди.
- Ёпкелегенни ашы татлы болады.
- Аманны тукъумуна къарама, игини тукъумун сорма.
- Тёрде – темир таякълы, къаяда – чыпчыкъ аякълы.
- Айыбны суу бла джууалмазса.
- Экеулен сёлеше тура эселе, орталарына барыб кирме.
- Ауузу аманнга «иги», деме.
- Орундукъ тюбюнде атылсам да, орта джиликме, де да айлан.
- Сёз сёзню айтдырыр.
- Алим болгъандан эсе, адам болгъан къыйынды.
- Джюрекден джюрекге джол барды.
- Тамчы таш тешер.
- Туз, гырджын аша, тюзлюк бла джаша.
Профиль
|
Barsil
 Эльбрусоид
Cообщений: 865
Баллов: 692
Регистрация: 12.12.2011
Последний визит: 01.06.2018 15:33:48
|
|
||||||||
|
|
|
||||||||