Эльбрусоид :: Форум

Джауумдан сора, кюн кюйдюрюр, ётюрюкден сора, айыб кюйдюрюр.
Къонакъ болсанг, ийнакъ бол.
Ариу сёз аурууунгу алыр.
Джеринден айырылгъан – джети джылар, джуртундан айырылгъан – ёлгюнчю джылар.
Олтуруб кёрюнмей эди да, ёрге туруб кёрюне эди.
Бетинги сатма, малынгы сат.
Тин – байлыгъынг, терен саулугъунг.
Адам туугъан джеринде, ит тойгъан джеринде.
Къонакъ хазыр болгъанлыкъгъа, къонакъбай хазыр тюлдю.
Байны къызы баймакъ болса да, юйде къалмаз!
Тас болгъан бычакъны сабы – алтын.
Иги сёз – джаннга азыкъ, аман сёз башха – къазыкъ.
Таш бла ургъанны, аш бла ур.
Насыб бютеу халкъны юлюшюдю.
Арба аугъандан сора, джол кёргюзтюучю кёб болур.
Халкъны джырын джырласанг, халкъ санга эжиу этер.
Дуния аламаты сен эсенг да, игиме деб айтма.
Ашаса, ашамаса да, бёрюню ауузу – къан.
Ёлген ийнек сютлю болур.
Арыгъан къош чамчы болур.
Ата – баланы уясы.
Къартны бурнун сюрт да, оноугъа тут.
Атлыны кёрсе, джаяуну буту талыр.
Ушамагъан – джукъмаз.
Экеулен сёлеше тура эселе, орталарына барыб кирме.
Кюн – узун, ёмюр – къысха.
Ариу сёз – къылычдан джити.
Ишин билген, аны сыйын чыгъарады.
Аз сёлешген, къайгъысыз турур.
Келинин тута билмеген, къул этер, къызын тута билмеген, тул этер.
Аз айтсам, кёб ангылагъыз.
Айтылгъан сёз ызына къайтмаз.
Бичгенде ашыкъма, тикгенде ашыкъ.
Къарыусузгъа кюлме, онгсузгъа тийме.
Берекет берсин деген джерде, берекет болур.
Акъыллы башны – тили къысха.
Эри аманны, къатыны – аман.
Сёз къанатсыз учар.
Ёлюр джаннга, ёкюл джокъ.
Мени джылытмагъан кюн, меннге тиймесин!
Адамгъа аман кюн соруб келмейди.
Кимни – тили, тиши онглу, кимни – къолу, иши онглу.
Къонагъынгы артмагъын алма да, алгъышын ал.
Кёзюнде тереги болгъан, чёбю болгъаннга кюле эди.
Баш болса, бёрк табылыр.
Джарлы джети элни сёзюн этер.
Къатын къылыкъсыз, эр тынчлыкъсыз.
Термилгенинги табмазса, кюлгенинге тюберсе.
Ётюрюкню башын керти кесер.
Уллу сёлешме да, уллу къаб.

Логин:
Пароль:
	Запомнить меня на этом компьютере

Забыли свой пароль?
Регистрация