- Бозаны арты дауур болур.
- Азыкъ аз болса, эртде орун сал.
- Къарт бла баш аша, джаш бла аякъ аша.
- Сибиртки да сыйлы болду, кюрек да кюнлю болду.
- Ачны эсинде – аш.
- Рысхы – сют юсюнде кёмюк кибикди.
- Тилчи бир сагъатха айлыкъ хата этер.
- Баш – акъыл ючюн, акъылман – халкъ ючюн.
- Аш кетер да бет къалыр.
- Билимден уллу байлыкъ джокъду.
- Кютгени беш эчки, сызгъыргъаны уа, джерни джарады.
- Джарлы тюеге минсе да, ит къабар.
- Бек анасы джыламаз.
- Суу да къайтады чыкъгъан джерине.
- Аш берме да, къаш бер.
- Къонакъ хазыр болгъанлыкъгъа, къонакъбай хазыр тюлдю.
- Тау башында, тау болмаз, джангыз терек, бау болмаз.
- Уясында не кёрсе, учханында аны этер.
- Ашхы – джыяр, аман – джояр.
- Мен да «сен», дейме, сен да «кесим», дейсе.
- Тёрдеги кюлсе, эшикдеги ышарыр.
- Къатыны харакетли болса, эри къымсыз болур.
- Этек чакъмакълары баш джаргъан, сёлешген сёзлери таш джаргъан.
- Кёзюнде тереги болгъан, чёбю болгъаннга кюле эди.
- Оюмсуз атлагъан, аджалсыз ёлюр.
- Шапа кёб болса, аш татымсыз болур.
- Ишге юренсин къоллары, халкъ бла болсун джоллары.
- Кёб ант этген, кёб ётюрюк айтыр.
- Нарт сёз къарт болмаз.
- Къыз тиширыу кеси юйюнде да къонакъды.
- Адам сёзюнден белгили.
- Илму – джашауну джолу.
- Тюзлюк тас болмайды.
- Бойнуму джети джерден кессенг да, мен ол ишни этеллик тюлме.
- От кюйдюрген, сау болса да, тот кюйдюрген, сау болмаз.
- Чомартны къолу берекет.
- Къыз чыгъаргъан – къызыл къымжа.
- Билгенни къолу къарны джандырыр.
- Башсыз урчукъ тюзюне айланмаз.
- Керилген да, ургъан кибикди.
- Аман киши кеси юйюнде – къонакъ.
- Аллахдан тилесенг, кёб тиле.
- Акъыл неден да кючлюдю.
- Байма, деб да, къууанма, джарлыма, деб да, джылама.
- Тил бла келеди джыр да.
- Джукъу тёшек сайламайды.
- Эки къатын алгъан – эки ташны ортасына башын салгъан.
- Джаз бир кюнню джатсанг, къыш талай кюнню абынырса.
- Сютню башын джалагъан къутулур, тюбюн ичген тутулур.
- Аманны тукъумуна къарама, игини тукъумун сорма.
Профиль
|
|
|
|||