- Адамны аты башхача, акъылы да башхады.
- Дуния малгъа сатылма, кесингден телиге къатылма.
- Эринчекни аурууу – кёб.
- Терек ауса, отунчу – кёб.
- Ауурну тюбю бла, дженгилни башы бла джюрюген.
- Джангыз торгъай джырламаз.
- Джылкъыдан – ат чыгъар, тукъумдан – джаш чыгъар.
- Соргъан айыб тюлдю, билмеген айыбды.
- Тил – кесген бычакъ, сёз – атылгъан окъ.
- Чабакъ башындан чирийди.
- Билимсиз иш бармаз.
- Кёб джат да, бек чаб.
- Къобан да къуру да къобханлай турмайды, адам да къуру да патчахлай турмайды.
- Кютгени беш эчки, сызгъыргъаны уа, джерни джарады.
- Ачыкъ джюрекге джол – ачыкъ.
- Халкъны джырын джырласанг, халкъ санга эжиу этер.
- Къарнынг ауруса, ауузунгу тый
- Ёзденликни кёбю ётюрюк.
- Насыблы элин сюер, насыбсыз кесин сюер.
- Тамчы таш тешер.
- Эски джаугъа ышанма.
- Чабар ат – джетген къыз.
- Чыкълы кюнде чыкъмагъан, чыкъса къуру кирмеген.
- Тели турса – той бузар.
- Эртде тургъан бла эртде юйленнген сокъуранмаз.
- Бозаны арты дауур болур.
- Ачлыкъда тары гырджын халыуадан татлы.
- Сагъышы джокъ – джукъучу, акъылы джокъ – къаугъачы.
- Джан саулукъ бермей, сан саулукъ бермезсе.
- Аманны тукъумуна къарама, игини тукъумун сорма.
- Мураты болгъанны джюрек тебюую башхады.
- Орундукъ тюбюнде атылсам да, орта джиликме, де да айлан.
- Аууз сакълагъан – джан сакълар.
- Ашыкъгъанны этеги бутуна чырмалыр.
- Къонакъ кёб келюучю юйню, къазаны отдан тюшмез.
- Айныгъанлы алты кюн, тогъайгъанлы тогъуз кюн.
- Аз сёлеш, кёб ишле.
- Адебни адебсизден юрен.
- Адебсиз адам – джюгенсиз ат.
- Сыфатында болмагъаны, суратында болмаз.
- Ариу джол аджал келтирмез.
- Аман адам элни бир-бирине джау этер.
- Аякъларынгы джууургъанынга кёре узат.
- Ачыу алгъа келсе, акъыл артха къалады.
- Ашлыкъны арба юйге келтирир, чана базаргъа элтир.
- Иги – алгъыш этер, аман – къаргъыш этер.
- Уясында не кёрсе, учханында аны этер.
- Атынг аманнга чыкъгъандан эсе, джанынг тамагъынгдан чыкъсын.
- Чакъырылмагъан джерге барма, чакъырылгъан джерден къалма.
- «Ёгюз, джаргъа джууукъ барма, меннге джюк боллукъса», - дегенди эшек.
Профиль
|
|
|
|||