- Мени джылытмагъан кюн, меннге тиймесин!
- Алгъанда – джууукъ, бергенде – джау.
- Чоюнну башы ачыкъ болса, итге уят керекди.
- Соргъан айыб тюлдю, билмеген айыбды.
- Къарт айтханны этмеген, къартаймаз.
- Къоркъакъны кёзю экили кёрюр.
- Ёгюзню мюйюзюнден тутадыла, адамны сёзюнден тутадыла.
- Аман адам элни бир-бирине джау этер.
- Акъыл неден да кючлюдю.
- Кесинге джетмегенни, кёб сёлешме.
- Бал – татлы, балдан да бала – татлы.
- Юй ишлеген балта эшикде къалыр.
- Къаллай салам берсенг, аллай джууаб алырса.
- Къонакъны къачан кетерин сорма, къачан келлигин сор.
- Ачыу алгъа келсе, акъыл артха къалады.
- Чомартха Тейри да борчлуду.
- Сакъалы текени да бар, мыйыгъы киштикни да бар.
- Иги адам абынса да, джангылмаз.
- Уллу суу бла уллу ауруудан башынгы сакъла.
- Ачлыкъ отха секиртир.
- Ашаса, ашамаса да, бёрюню ауузу – къан.
- Накъырда – кертини келечиси.
- Эм уллу байлыкъ – джан саулукъ.
- Къонагъы джокъну – шоху джокъ.
- Бал чибинни ургъаны – ачы, балы – татлы.
- Джумушакъ сёз къаты таякъны сындырыр.
- Атадан ёксюз – бир ёксюз, анадан ёксюз – эки ёксюз.
- Зар адамны насыбы болмаз.
- Къарнынг бла ёч алма.
- Атлыны кёрсе, джаяуну буту талыр.
- Ач, тоймам, дейди, тойгъан, ач болмам, дейди.
- Джарлы тюеге минсе да, ит къабар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Агъач халкъгъа алтынды, иссиликге салкъынды.
- Джахил болса анасы, не билликди баласы?
- Къанны къан бла джуума, аманны аман бла къуума.
- Джеринден айырылгъан – джети джылар, джуртундан айырылгъан – ёлгюнчю джылар.
- Азыкълы ат арымаз, къатыны аман джарымаз.
- Бойнуму джети джерден кессенг да, мен ол ишни этеллик тюлме.
- Ариу джол аджал келтирмез.
- Кёз – сюйген джерде, къол – ауругъан джерде.
- Телиге от эт десенг, юйюнге от салыр.
- Дуния мал дунияда къалады.
- Джашда акъыл джокъ, къартда къарыу джокъ.
- Аз айтсам, кёб ангылагъыз.
- Къарнынг тойгъунчу аша да, белинг талгъынчы ишле.
- Юре билмеген ит, къонакъ келтирир.
- Ёпкелегенни ашы татлы болады.
- Эр сокъур болсун, къатын тилсиз болсун.
- Кечеси – аяз, кюню – къыш, джарлы къаргъагъа бир аш тюш!
Профиль
|
|
|
|||