Эльбрусоид :: Форум

Джыланны къуйругъундан басарынг келсе, аны башы болгъанын унутма.
Тас болгъан бычакъны сабы – алтын.
Джырчы ёлсе, джыры къалыр.
Хоншуну тауугъу къаз кёрюнюр, келини къыз кёрюнюр.
Ач уят къоймаз.
Джан саулукъ бермей, сан саулукъ бермезсе.
Джюрек кёзден алгъа кёрюр.
Джигер – джаннга къыйынлыкъ.
Эрине къаргъыш этген къатын, эрнин къабар.
Кёбню кёрген – кёб билир.
Эл ауузу – элия.
Суугъа – чабакъ, къаягъа – ыргъакъ.
Ашына кёре табагъы, балына кёре къалагъы.
Ач къарынны, токъ билмез
Суу да къайтады чыкъгъан джерине.
Баргъанынга кёре болур келгенинг.
Адамны бетине къарама, адетине къара.
Ышармагъан – кюлмез, кюлмеген – къууанчны билмез.
Байма, деб да, къууанма, джарлыма, деб да, джылама.
Окъдан джара эртде-кеч болса да бителир, сёз джара, ёмюрге къалыр.
Эр абынмай, эл танымаз.
Бек анасы джыламаз.
Биреу ашаб къутулур, биреу джалаб тутулур.
Харам къарнашдан, халал тенг ашхы.
Къызын тута билмеген, тул этер, джашын тута билмеген, къул этер.
Кирсизни – саны таза, халалны – къаны таза.
Къолунгдан къуймакъ ашатсанг да, атаны борчундан къутулмазса.
Ач келгенни – тойдур, кеч келгенни – къондур.
Чабакъгъа акъыл, табагъа тюшсе келеди.
Джашлыкъ этмеген, башлыкъ этмез.
Тил – кесген бычакъ, сёз – атылгъан окъ.
Киштикге къанат битсе, чыпчыкъ къалмаз эди.
Акъыл бла адеб эгизледиле.
Биреуню къыйынлыгъы бла кесинге джол ишлеме.
Нарт сёз къарт болмаз.
Джарлы эскисин джамаса, къууаныр.
Суу кетер, таш къалыр.
Чакъырылмагъан джерге барма, чакъырылгъан джерден къалма.
Накъырданы арты керти болур.
Ашха уста, юйюнде болсун
Гитче джилтин уллу элни джандырыр.
Билгенни къолу къарны джандырыр.
Джол бла сёзню къыйыры джокъ.
Джахил болса анасы, не билликди баласы?
Аджалсыз ёлюм болмаз.
Ана къойну – балагъа джандет.
Адам бла мюлк юлешмеген эсенг, ол адамны билиб бошагъанма, деб кесинги алдама.
Иесиз малны бёрю ашар.
Ариу сёзде ауруу джокъ.
Аурууну келиую тынч, кетиую – къыйын.

Логин:
Пароль:
	Запомнить меня на этом компьютере

Забыли свой пароль?
Регистрация