- Аман къатын сабий табса, бий болур…
- Тойгъа барсанг, тоюб бар, эски тонунгу къоюб бар.
- Ачлыкъда тары гырджын халыуадан татлы.
- Тёзгеннге, джабылгъан эшик ачылыр.
- Аманнга игилик этсенг, юйюнге сау бармазса.
- Юйлю уругъа ит чабмаз.
- Кёл ашады да, кеси ашады.
- Тил – кесген бычакъ, сёз – атылгъан окъ.
- Керти сёзге тёре джокъ.
- Эр абынмай, эл танымаз.
- Телиге от эт десенг, юйюнге от салыр.
- Ашатыргъа иш – ашхы, ишлетирге аш – ашхы.
- Суу ичген шауданынга тюкюрме.
- Чакъырылмагъан къонакъ къачан кетерин сормаз.
- Билеги кючлю, бирни джыгъар, билими кючлю, мингни джыгъар.
- Тенги кёбню джау алмаз, акъылы кёбню дау алмаз.
- Адебсиз адам – джюгенсиз ат.
- Аманнга алтын чыдамаз.
- Урама да – ёледи, сатама да – келеди.
- Байны оноуу, джарлыгъа джарамаз.
- Аууз сакълагъан – джан сакълар.
- Айтылгъан сёз ызына къайтмаз.
- Аллахха ийнаннган кишини, Аллах онгдурур ишин.
- Хансыз джомакъ болмаз.
- Аш берме да, къаш бер.
- Ётюрюкню къуйругъу – бир тутум.
- Махтаннган къыз, тойда джукълар.
- Тёзген – тёш ашар!
- Халкъны юйю – туугъан джери.
- Тойгъандан сора, ашны сёкме.
- Игилик игилик бла сингдирилиучю затды.
- Уллу суу бла уллу ауруудан башынгы сакъла.
- Ауругъаннга – кийик саулукъ, джетген къызгъа – чилле джаулукъ.
- Элиб деген, элге болушур.
- Къая джолда джортма, ачыкъ сёзден къоркъма.
- Элге къуллукъ этмеген, элге ие болмаз.
- Ётюрюк хапар аякъ тюбю бла джюрюйдю.
- Ашха уста, юйюнде болсун
- Байлыкъ келсе, акъыл кетер.
- Таш бла ургъанны, аш бла ур.
- Тойгъан джерге джети къайт.
- Джолунга кёре – джюрюшюнг, джагъанга кёре – юлюшюнг.
- Кюлме джашха – келир башха.
- Сёз къанатсыз учар.
- Ач – эснер, ат – кишнер.
- Ана кёлю – балада, бала кёлю – талада.
- Бозанг болмагъан джерге, къалагъынгы сукъма.
- Тюзлюк тас болмайды.
- Чакъырылгъанны аты, чакъырылмагъанны багъасы болур.
- Ойнаб айтсанг да, эслеб айт.
Профиль
|
Джёма
 Эльбрусоид
Cообщений: 1446
Баллов: 1156
Регистрация: 13.12.2011
Последний визит: 18.01.2017 00:11:50
|
||||
|
|
|
|||