- Тойгъан джерге джети къайт.
- Кёб джат да, бек чаб.
- Биреу къой излей, биреу той излей.
- Эл ауузу – элек, анга ийнаннган – халек.
- Кёб ант этген, кёб ётюрюк айтыр.
- Ана къойну – балагъа джандет.
- Ёгюзню мюйюзлери ауурлукъ этмейдиле.
- Бозаны арты дауур болур.
- Джашынгы кесинг юретмесенг, джашау юретир.
- Бал ашаргъа сюе эсенг, чибин ургъаннга тёз.
- Башсыз урчукъ тюзюне айланмаз.
- Чомартха Тейри да борчлуду.
- Тёзген – тёш ашар!
- Кюн кёрмеген, кюн кёрсе, кюндюз чыракъ джандырыр.
- Азыкъ аз болса, эртде орун сал.
- Уллу айтханны этмеген – уллаймаз.
- Урама да – ёледи, сатама да – келеди.
- Уясында не кёрсе, учханында аны этер.
- Ауузу бла къуш тута айланады.
- Ашхы сёз таш тешер.
- Ойнай билмеген, уруб къачар.
- Ата Джуртча джер болмаз, туугъан элча эл болмаз.
- Аман къатын сабий табса, бий болур…
- Чомарт джарлы болмаз.
- Аманнга алтын чыдамаз.
- Ашха уста, юйюнде болсун
- Мени джылытмагъан кюн, меннге тиймесин!
- Эли джокъну – кёлю джокъ.
- Джукъу тёшек сайламайды.
- Адамны аты башхача, акъылы да башхады.
- Тилчиден кери бол.
- Хар зат кесини орнуна иги.
- Юйюнг бла джау болгъандан эсе, элинг бла джау бол.
- Телиге акъыл салгъандан эсе, ёлгеннге джан салырса.
- Иги адам абынса да, джангылмаз.
- Билеги кючлю, бирни джыгъар, билими кючлю, мингни джыгъар.
- Бозанг болмагъан джерге, къалагъынгы сукъма.
- Юй ишлеген балта эшикде къалыр.
- Ашаса, ашамаса да, бёрюню ауузу – къан.
- Эрни эр этерик да, къара джер этерик да, тиширыуду.
- Шекер бла туз – бир болмаз, ушамагъан – юй болмаз.
- Мал тутхан – май джалар.
- Рысхы – сют юсюнде кёмюк кибикди.
- Адам къаллай бир ишленмесе, аллай бир кесин уллу кёреди.
- Тынгылагъан тынгы бузар.
- Сабийликде юретмесенг, уллу болса – тюзелмез.
- Къумурсхала джыйылсала, пилни да джыгъадыла.
- Суу ичген шауданынга тюкюрме.
- Ёлмесенг да, къарт дамы болмазса?
- Ариу сёз – джаннга азыкъ, аман сёз – башха къазыкъ.
Профиль
|
|
|
|||